මම දෙවැනි ඉනිම ටෙලිනාට්‍යයෙන් සමුගන්නවා - හිමාලි සයුරංගි

Monday, July 19, 2021 , 0 Comments

 





හිමාලි සයුරංගි කියලා කියන්නේ අපේ කළා ක්ෂේත්‍රයේ ඉන්න අපි කවුරුත් ආදරය කරන දක්ෂ නිහතමානී රංගන ශිල්පිනියක්. ඉතින් ඒ වගේත්ම තමයි මේ දවස් වල හිරු රුපවාහිනී නාලිකාවේ විකාශනය වන දිවිතුරා ටෙලිනාට්‍ය හරහා වගේම දෙරණ රූපවාහිනී නාලිකාවේ විකාශනය වන දෙවෙනි ඉනිම ටෙලිනාට්‍ය හරහාත් ඇය කාගේත් ආදරයට වත්ම කතා බහට ලවෙනවා. ඇය අධ්‍යාපනය හදාරලා තියෙන්නේ නුගේගොඩ අනුලා විද්‍යාලයෙන්. ඉතින් ඒ වගේම ඇය විවාහ වී සිටින්නේ අසංක ජයලත් සමඟයි. ඉතින්  මේ ආදරණීය යුවලට මේ වෙද්දී පුංචි දියණියක් ඉන්නවා. නිර්වේදිකාවක් ලෙස විවිධ වැඩසටහන් ඉදිරිපත් කල ඇය පැහැබර අහස, නදුන් උයන, නුගසෙවන වැනි වැඩසටහන් වලට ඇයගේ දායකත්වය ලබාදීලා තියෙනවා.


දෙවෙනි ඉනිම කියලා කියන්නේ හිමාලි සයුරංගිගේ දෙවෙනි මෙගා ටෙලිනාට්‍යය. ඇය මිට පෙර ආදරණීය පූර්නිමා කියන මෙගා ටෙලිනාට්‍යයට ඇයගේ රංගන දායකත්වය ලබා දීලා තියනවා. ඉතින් ඒ වගේන්ම තමයි දෙවෙනි ඉනිමේ උදේනි අම්මගේ චරිතයට වරෙන්ම ජනප්‍රියත්වයක් මේ වනවිට හිරු රුපවාහිනී නාලිකාවේ විකාශනය වෙන දිවිතුරා ටෙලිනාට්‍යයේ සමන්ති කියන චරිතයටද නොඅඩුව ලැබෙන බවයි ඇය පවසන්නේ. නමුත් මේ වනවිට දෙවෙනි ඉනිම ටෙලිනාට්‍යයට බොහෝ දෙනෙක් විවේචනයන් එල්ල  කරනවා අපිට අහන්න දකින්න ලැබෙනවා. ඉතින් උදේනිගේ චරිතයට රඟපාන හිමාලි ඒ ගැන මෙන්න මේ වන්ගේ කතාවක් තමයි කියන්නේ.



මම දෙවෙනි ඉනිමට සම්බන්ධ වෙලා උදේනි අම්මගේ චරිතය කරන්න අරගෙන දැන් අවුරුදු පහක්  වෙනවා. ඒ අතරතුර මම වෙනත් නාට්‍ය කිහිපයකට සම්බන්ධ වෙමින් ඉන්නවා. මම හිතන්නේ උදේනි අම්මගේ චරිතය දෙවෙනි ඉනිම ටෙලිනාට්‍යයට අවශ්‍ය නැති දවසක් ඒවි. මම එදාට අනිවාර්යයෙන්ම  දෙවෙනි ඉනිම ටෙලිනාට්‍යයෙන් සමු ගන්නවා. දැනට මම දෙවෙනි ඉනිමට සම්බන්ධ වෙලා ඉන්නේ සමන් එදිරිමුණි අයියා උදේනි අම්මගේ චරිතය ප්‍රධාන චරිතයක් විදිහට සලකලා පිටපත නිර්මාණය කරන නිසයි.  ඒ වගේම උදේනි අම්මාගේ චරිතයට සාධාරණයක් ඉටු වෙන නිසයි. නමුත් ඉදිරියේදී උදේනි අම්මව ඒ තරම් වැදගත් නැහැ කියලා පිටපත නිර්මාණය කරන සමන් අයියා තීරණය කරපු දවසට මම දෙවෙනි ඉනිම  ටෙලිනාට්‍යයෙන් ඇත්තටම ඉවත් වෙනවා කියලයි ඇය පවසන්නේ.