මට කිසිකෙනෙක්ව අභිබවන්නවත් තරග කරන්නවත් වුවමනා නැහැ



මේ දිනවල ස්වාධීන රූපවාහිනි නාළිකාවේ විකාශය වන හිතුවක්කාරි ටෙන් වෘතාන්තයේ රන්මිණිගේ චරිතයට පණ පොවන ඇය දෙවැනි ඉනිම ටෙලි නාට්‍යයේ සහේලි ලෙස ඔබ හඳුනාගත් එමාශා සෙනවිරත්නයි. ඇය ගැන තොරතුරු ඇය මෙන්න මේ විදයට පුවත්පතක් සමඟින් පවසා තිබුනා.

කොහොමද මේ දවස්වල ජීවිතේ?


කොවිඩ් හේතුවෙන් පහුගිය කාලයේ නිවෙස්වලටම වෙලා සිටියා. දැන් ආයෙමත් වැඩ කටයුතු ආරම්භ වෙලා තිබෙනවා. එම නිසා ටිකක් කාර්යබහුලයි. ජීවිතේ හොඳින් සතුටෙන් ගෙවෙනවා.


හිතුවක්කාරි ගැන කතා කරමු?


ස්වාධීන රූපවාහිනියේ සතියේ දිනවල රාත්‍රි 8.30ට විකාශය වන හිතුවක්කාරි ටෙලිනාට්‍යයේ ප්‍රධාන චරිතය වන රන්මිණීගේ චරිතය තමයි මම නිරූපණය කරන්නේ. මෙය අධිෂ්ඨානශීලී අහිංසක තරුණියක් තමන්ගේ සිහිනය ඔස්සේ ගොස් ජීවිතය ජයගන්න ආකාරය වටා ගෙතුණු කුතුහලය පවුලේ ආදරය ගැන කතාවක්. අධ්‍යක්ෂණය ජී. නන්දසේන මහත්මයාගේ. නිෂ්පාදනය කුෂාන් ටෙලි ෆිල්ම්ස් විසින්. තිරපිටපත මහේෂ් සත්සර මද්දුමආරච්චිගේ. ශ්‍රියන්ත මෙන්ඩිස්, මීනා කුමාරි, සාරංග දිසාසේස්කර, ශාන්ත ගාල්ලගේ, හර්ෂි රසාංගා, අනුරාධා එදිරිසිංහ, සූර්යා දයාරුවන් ආදී ප්‍රවීණ සහ දක්ෂ රංගන ශිල්පීන් මේ ටෙලිනාට්‍ය සඳහා රංගනයෙන් දායකත්වය ලබා දෙනවා.


හිතුවක්කාරිට හොඳ ප්‍රතිචාර ලැබෙනවාද?


ඔව්. සිතුවාටත් වඩා හොඳ ධනාත්මක ප්‍රතිචාර ලැබෙනවා.


ඔබ රංගන ක්ෂේත්‍රයට පිවිසුණේ කොහොමද?


මම මුලින්ම රූපවාහිනි වෙළෙඳ දැන්වීම්වලට සම්බන්ධ වුණා. එහෙම සිටින විට මට ටෙලිනාට්‍ය සඳහා ආරාධනා ලැබුණා. නමුත් ඒ වන විට ටෙලිනාට්‍ය සඳහා සම්බන්ධ වෙන්න උනන්දුවක් තිබුණෙ නැහැ අධ්‍යාපන කටයුතු සඳහා මුප්තැන දුන් නිසා. ඉන් පසුව නොහිතපු වෙලාවක 2018 වසරේදී මට දෙවැනි ඉනිම සඳහා ආරාධනා ලැබුණා. ඉතින් ඒකට සම්බන්ධ වුණා.


දැන් අධ්‍යාපන කටයුතු අවසන් කරලා තිබෙන්නේ?


මම විද්‍යාවේදී කළමනාකරණ ගෞරව උපාධිය හදාරලා තිබෙනවා. ඒ වගේම මම ව්‍යාපාර පරිපාලනය සම්බන්ධයෙන් පශ්චාත් උපාධියත් අවසන් කළා. මේ දිනවල මම චීන භාෂාව ඉගෙන ගන්නවා. මම හරි ආසයි හැම වෙලාවෙම අලුතෙන් දෙයක් ඉගෙන ගන්න.


අධ්‍යාපනය ලැබූ ව්‍යාපාර ක්ෂේත්‍රයෙන්ම ඉදිරියට යන්න බලාපොරොත්තුවක් තියෙනවද?


ඔව් අනිවාර්යයෙන්ම. මම දැනට පෞද්ගලිකව කරගෙන යන ව්‍යාපාරයක් තිබෙනවා. ඒකට මම ළඟදීම Hanzy's Clothing.lk කියලා මගේම ඇදුම් ව්‍යාපාරයක් එකතු කරන්න බලාපොරොත්තුවෙන් සිටිනවා. ඒක කාලෙක සිට තිබුණු මගේ හීනයක්. ඊට අමතරව මෙම ආයතන කිහිපයක සන්නාම තානාපතිවරියක් ලෙසත් කටයුතු කරනවා.


රංගනයට පිවිසෙන විට පවුලේ අය කැමැති වුණාද?


ඔව්. පවුලෙන් කිසිම අකැමැත්තක් තිබුණේ නැහැ. නමුත් මට කුඩා කාලයේ ලැබුණු අවස්ථාවලට නම් ගෙදරින් ඉඩක් ලැබුණේ නැහැ.


රංගන ශිල්පිනියක් වෙන්න කුඩා කාලයේ ඉඳන් හීනයක් තිබුණාද?


කුඩා කාලයේ හීනයක් තිබුණා. නමුත් ඒක ලොකු වෙනකොට ටික ටික හිතින් ඉවත් වෙලා තිබුණේ. කාලයක් ගියාට පසුව කුඩා කාලයේ තිබුණු හීනය සැබෑ කරගන්න අවස්ථාව ලැබුණා.


පාසල් කාලයේත් කලා කටයුතුවලට සම්බන්ධ වුණාද?


පන්සලේ English day එකේ නාට්‍යවලට සම්බන්ධ වෙලා තියෙනවා වගේම ගීත ගායනා කරලත් තිබෙනවා.


ප්‍රධාන චරිතයක් කරන්න ලැබුණු මෙම අවස්ථාවේ ඔබට ප්‍රවීණයන්ගෙන් ලැබෙන සහයෝගය ගැන කතා කරමු?


හිතුවක්කාරි ටෙලිනාට්‍යයේ අධ්‍යක්ෂවරයාගේ සිට තේ හදන කෙනා දක්වාම හැමෝම හරිම හිතවත්. හොඳට වැඩ කරගෙන යන්න ප්‍රවීණයන්ගෙන් ඇතුළු සියලු දෙනාගෙන්ම විශාල සහයෝගයක්  ලැබෙනවා. මේ වෙලාවේ ආදරයෙන් ඒ හැමෝම මතක් කරනවා.


නවකයෙක් හැටියට මේ ක්ෂේත්‍රය තුළ ඔබ මුහුණ දුන් අභියෝග මොනවාද?


මම මේ ක්ෂේත්‍රයට ඇවිල්ලා දැන් අවුරුදු හතරක් වෙනවා. මම කිසිවෙක්ව අභිබවා යන්නවත්, තරග කරන්නවත් උත්සාහ කරන්නේ නැහැ. අද මම ඉන්න තත්ත්වයට වඩා හෙට මම ඉන්න තත්වය වැඩිදියුණු කර ගන්නයි මම උත්සාහ කරන්නේ. මම මාවම අභියෝගයක් කරගෙන තමයි ඉස්සරහට යන්නේ. සමහර අය ඉන්නවා ඊර්ෂ්‍යාව පදනම් කරගෙන තව කෙනෙක්ව පහතට දාන්න උත්සාහ කරන. මම හිතනවා ඒක හැම ක්ෂේත්‍රයකම වගේ දකින්න ලැබෙන පොදු දෙයක් කියලා.


ඔබ රංගනය හදාරා තිබෙනවාද?

මම ආයතනයකට ගිහින් රංගනය හදාරලා නැහැ. ක්ෂේත්‍රයේ ප්‍රවීණයන් දක්ෂයන් දිහා බලාගෙන මම ස්වයං අධ්‍යයනයක යෙදෙනවා.


ඔබ රංගනයේදී තෝරා බේරා ගැනීම් කරනවද?


ඔව්. මම තෝරා බේරාගෙන රඟපාන්නේ . මගේ පවුල් පරිසරය, මවුපියන් ගැන සිතලා, මට සාධාරණයක් ඉෂ්ට කරන්න හැකියාවක් තිබෙන හොඳ චරිතයක් ලැබුණොත් මම බාරගන්නවා.


වෘත්තීයමය රංගන ශිල්පිනියක් විදිහට ඉදිරියට කටයුතු කරන්න බලාපොරොත්තු වෙනවද?


රංගනයේ නියැළෙන එක මට සතුටක්. මට ලැබෙන හොඳ නිර්මාණවලට ඉදිරියේදීත් අනිවාර්යයෙන්ම සම්බන්ධ වෙනවා. රංගනය වෘත්තියක් ලෙස කරගෙන යන්න අදහසක් නැහැ 


සිනමාවට පිවිසෙන්න අදහසක් තිබෙනවාද?


සිනමාවට පිවිසෙන්න අදහසක් තිබෙනවා. පසුගිය කාලේ මට අවස්ථාත් ලැබුණා. නමුත් මගේ අධ්‍යාපන කටයුතුත් සමග එම නිර්මාණවලට සම්බන්ධ වෙන්න අවස්ථාවක් ලැබුණේ නැහැ. කොවිඩ් වසංගතය නිසා සිනමාවට තිබෙන ඉඩ මේ කාලයේ ටිකක් අඩුවෙලා තිබෙනවා. ලෝකයේ සහ රටේ තත්ත්වය යහපත් අතට හැරුණාම ලැබෙන හොඳ නිර්මාණයකට සම්බන්ධ වෙන්න මම  බලාපොරොත්තුවෙන් සිටිනවා.


පවුලේ අය ගැනත් මතක් කරමු?


මගේ පවුලෙ හතර දෙනෙක් ඉන්නවා. අම්මා නියෝජ්‍ය විදුහල්පතිවරියක්. තාත්තා ඉන්ජිනේරුවරයෙක්. මගේ සහෝදරයා තිලිණ  ඔහු Cinematographer කෙනෙක්. ඔහුත් මේ ක්ෂේත්‍රයට සම්බන්ධයි. ඒ අයගෙන් මට ලැබෙන රැකවරණය සහයෝගය අතිවිශාලයි. ඒ වගේම ඒක මට ගොඩක් වටිනවා.


ඉදිරියේදී ඔබව දකින්න පුළුවන් නිර්මාණ මොනවාද?


එකිනෙකට වෙනස් චරිත සහිත නිර්මාණ කිහිපයකම ඉදිරියේදී ප්‍රේක්ෂකයන්ට මාව දකින්න හැකියාව ලැබේවි.


ඉදිරි බලාපොරොත්තු මොනවාද?


සතුටින් යහපත් ජීවිතයක් ගත කරන එක තමයි මගේ බලාපොරොත්තුව.


කුශාන්ති අනුරාධා බණ්ඩාර






චන්න සියල්ල අතහැර සෝවාන් වෙන්න යනවද?



 තවමත් ප්‍රේක්‍ෂක සිතට අමතක නැති, සොඳුරු කතා පුවතක් වූ… ‘අංජලිකා’ සිනමාවට ගෙන ආ ජනප්‍රිය නළු චන්න පෙරේරා මේ දිනවල ගොඩක් කාර්යබහුලවයි දැනගන්න ලැබුනේ. නමුත් ඔහු ඔහුගේ මේ අලුත් විස්තර ගැන පුවත්පතක් සමඟින් මෙලෙස පවසා තිබුනා. 


ඔබ මේ තරමට කාර්යබහුල වුණේ ඇයි කියන තැනින් ආරම්භය ගනිමු?

ඒක හොඳ ආරම්භයක්, කියන්න තොරතුරු බොහෝමයි. ඒ තොරතුරු අතර මගේ අලුත්ම නිර්මාණය ගැන පළමුව කියන්නම්.

එය ‘අංජලිකා’ වැනිම වූ දැවැන්ත ගණයේ සුන්දර නිර්මාණයක් බව සතුටින් කියනවා. ‘කොවිඞ්-19’ උවදුර නිසා එහි වැඩකටයුතු කඩින්කඩ නතර වෙමින් තිබුණු නිසා සියල්ල අවසන් කිරීමට වසරක පමණ කාලයක් ගතවුණා…


ඒ අතර ඊයේ පෙරෙයිදා සිට ඇති වූ තද වර්ෂාවද දැන් දැන් නැවැතත් චිත්‍රපටයෙහි වැඩකටයුතුවලට බාධා වෙන්නට අරගෙන නිසා නැවැතත් මඳකට රූගත කිරීම් නතරව තිබෙනවා. වර්ෂාව නතර වනතුරු මම එම කාල සීමාව තුළ එහි සංස්කරණ කටයුතුවල නියැළී සිටින නිසා ඒ සියල්ල අතර මම කාර්යබහුලව සිටිනවා.


බාධක මැද්දේ නිම කරන ඒ සුන්දර කතා වස්තුව ගැන කෙටි විස්තරයක් කියනවා නම්..?

චිත්‍රපටයෙහි නම ‘සඳ දිය සළු’ නවක නිළියක ලෙස ‘දිල්හාරා සේනානායකව’ මම ‘සඳ දිය සළු’ තුළින් හඳුන්වා දෙනවා. සරලවම කියනවා නම් මෙය ප්‍රේමය මුල්කර ගත් කතා පුවතක්. හැබැයි මෙහි ඉදිරිපත් කිරීම තුළ සහ කතාව ගලා යෑම තුළ සුවිශේෂී බවක් තියෙනවා…


මෙහිදී මම උත්සාහ කළේ ‘ප්‍රේමය වනාහි පරිත්‍යාගයක් හෝ කැපවීමක් මිස අයිතිකර ගැනීම පමණක් නොවේ යැයි කියන පණිවුඩය සමාජයට දෙන්නටයි…

අන්න ඒ පණිවුඩය මත මිනිසත් බව ප්‍රේමය සහ පරිත්‍යාගශීලී සිද්ධාන්තයන් මත ‘සඳ දිය සළු’ ඉතා අපූරුවට ගලායෙනවා.


කිව යුතු තවත් එක් සුවිශේෂී සිදුවීමක් වන්නේ හෙළ සිනමාවේ අග රැජනිය මාලනී සෙනෙහෙලතා ෆොන්සේකාද මෙහි අති විශිෂ්ට රංගනයක යෙදෙනවා. පාසල් යන කුඩා කොල්ලකු කාලේ මාලිනී ෆොන්සේකා කියන්නේ මම අසීමිතව ප්‍රිය කළ චරිතයක්. ඇය වැනි ප්‍රතිභාපූර්ණ රංගනවේදිනියක් මා ඉදිරියේ මගේම නිර්මාණයක් වෙනුවෙන් සිය රංගන කුසලතාව ප්‍රදර්ශනය කිරීම තුළ මම අත්වින්දේ අසීමිත වූ ගෞරවයක් සහ ආත්මතෘප්තියක්.


හෙළ සිනමාවේ අග රැජිනියව ඔබට වුවමනා ලෙස අධ්‍යක්‍ෂණය කිරීම තුළ යම් අපහසුතාවයක් දැනුණේ නැතිද?

නැහැ… මා හිතූ තරම් එය මට බාරදූර වූයේ නැහැ. අනෙක ඇය ආශ්‍රිතව ගත් කල ඉතාම පුංචි මට්ටමේ අයකු වූ මා ඉදිරියේ ඇය හැසිරුණු ආකාරය ඉතාම නම්‍යශීලී… ඒ වාගේම ඉතාම නිහතමානීයි…


ප්‍රදර්ශනයට නියමිතව තිබෙන ඔබේ ‘යුගාත්‍රා’ සිනමාපටය ගැන කතාබහ කරන්නට පුළුවන්ද?

ඇයි බැරි… ‘යුගාත්‍රා’ කියන්නේ ඉතාම සතුටින් කතා කළ යුතු නිර්මාණයක්. හැබැයි කිසිම මාධ්‍යයක මීට පළමුව මේ ගැන කතාබහ කොට තිබුණේ නැහැ. එයට හේතුව වූයේ තිරගත කිරීමට අවශ්‍ය පසුබිමක් හරියටම තීන්දු වනතුරු මම ‘යුගාත්‍රා’ ගැන රහසක්ව තබන්නට සිතූ නිසයි. ‘යුගාත්‍රා’ සඳහා ‘ඊඒපී’ සිනමා මණ්ඩලයේ අනුග්‍රහය ලැබීම ඇත්තෙන්ම වාසනාවක් කියලයි මම හිතන්නේ. ඒ වාගෙම ඔවුන් ‘යුගාත්‍රා’ ගැන ඉතා සතුටින් කතාබහ කළ ආකාරයද මට ලොකු ගෞරවයක් වුණා.


‘යුගාත්‍රා’ හී කතා තේමාව බෞද්ධ දර්ශනයට සමීපයි..?

ඔව්… බෞද්ධ දර්ශනයෙහි ගැඹුර අළලා කළ ‘යුගාත්‍රා’ ආත්ම දෙකක් ඔස්සේ දිවෙන අරුත්බර, සුන්දර ආදර කතාවක්… එය මනෝමය ත්‍රාසයකින් අනූනයි. ඉංග්‍රීසි බසින් හඳුන්වනවා නම් ‘යුගාත්‍රා’ ‘සයිකොලොජිකල් ත්‍රිලර්’ ගණයේ සිනමා පටයක්.


ඔබට විශ්වාසයි, එය ප්‍රේක්‍ෂක හදවත් වැලඳගනීවිය කියා..?

නිසැකවම ‘යුගාත්‍රා’හී ගුප්ත වූත්, මනෝමය වූත් සුන්දරත්වයට ඔවුන් තදින් ඇලුම් කරන බව විශ්වාසයි. ඒ සඳහා මට සාක්‍ෂිද ලැබී අවසානයි.


ඒ සාක්‍ෂිය එළිදක්වනවා නම්..?

ඕස්ටේ්‍රලියාවේදී මම කිහිපවතාවක්ම එය තිරගත කළා. ඉතාම හොඳ ප්‍රතිචාරයක් ලැබුණා. ඒ වාගෙම ‘යුගාත්‍රා’හී අති විශිෂ්ට රංගනයක යෙදෙන සනත් ගුණතිලක, නදීකා ගුණසේකර සහ ලක්‍ෂ්මන් මෙන්ඩිස් ගැන ඔවුන් ඉතා ඉහළින් කතාබහ ඛළා. එවකට නවක නිළියක ලෙස මා හඳුන්වා දුන් මාෂී සිරිවර්ධනද ඔවුන් හා කරට කර රංගනයක යෙදුණු ආකාරය ගැනද කවුරුත් වාගේ අගය කළා.


ඔබ හැමදාමත් කළේ ස්වතන්ත්‍ර නිර්මාණකරණයයි..?

සත්තකින්ම… මගේ සිනමාපට කිසිවක කොලිවුඞ්, බොලිවුඞ් හෝ හොලිවුඞ් ජවනිකා අමු අමුවේ කොපි කළ සීන් තිබුණේ නැහැ. එවැනි සිදුවීමක් තියා රූප රාමුවක්වත් මම කොපි කරන්නේ නැහැ. එය මගේ ප්‍රතිපත්තියක්. අනෙක කාගෙවත් කොපියක් ගේනවට වැඩිය මමම නිර්මාණය කළ මගේම සිනමා පටයක් ප්‍රේක්‍ෂකයන් නරඹන විට මට දැනෙන ආශ්වාදය කෙසේවත් මිල කරන්නට බැහැ.


‘අංජලිකා’ බලන්න ප්‍රේක්‍ෂකයන් පොරකන ආකාරය හොරෙන් බලා හිටියේ ඒ නිසාද?

ඔව්නේ… ඇත්තටම එවැනි දේ හරහා මම කුඩා දරුවකු අත්විඳින සතුටක් ඒ දවස්වල අත්වින්දා… එක දවසක් මට මතකයි අද වාගේ, රාජගිරියේ ‘ඉම්පාලා’ හෝල් එකට ටිකක් ඈතින් මම බලා හිටියා. ‘අංජලිකා’ එක් දර්ශනයක් ‘්‍යදමිැ ත්‍මකක’ වෙලා… ටිකට් ගන්න බැරි වුණු කට්ටිය ගෙදර යන්නේ නැතිව ඊළඟ දර්ශන වාරය එනතුරු එතැන රැඳී සිටිනවා. ඒ අතර චිත්‍රපටය බලපු අය ඒ ගැන වර්ණනා කරමින් එහා මෙහා යනවා. ඇත්තටම මේ මා කළ මගේම නිර්මාණයක් නේදැයි කියන ආඩම්බරය මට එදා දැනුණා.


ඒ කියන්නේ ඔබ පැය ගානක් එතැනට වී කට්ට කනවා..?

පැය ගණනක් නෙවෙයි, දවස් ගණනක් කට්ට කෑවත් මොකද, මා කළ මෙහෙවරක් වෙනුවෙන් ඒ තරම් සොඳුරු ප්‍රතිචාර ලැබෙන කොට.


සෑම සිනමාපටයක්ම ඔස්සේ ඔබ නවක කෙල්ලක් සිනමාවට ගෙන ආවා?

ඇත්තෙන්ම කියනවා නම් සිංහල වචනයක්වත් කතා කරන්නට බැරිව සිටි පූජා ඔමං ශංකර්ව සිංහල සිනමා ප්‍රේක්‍ෂකයනට හඳුන්වා දුන්නේ මමයි. ‘කල්පාන්තයේ සිහිනයක්’ සිනමාපටයක රඟපෑවේ කැමරාවක් දැකලාවත් නැති බැංග්ලෝර් ප්‍රදේශයෙහි උපන් ඉන්දියානු කෙල්ලක්. ඒ අතර මාෂි සිරිවර්ධන සහ නතාෂා සතරසිංහවද රංගනයට ගෙන ආවේ මමයි. ප්‍රධාන නිළි චරිතය වෙනුවෙන් නවක කෙල්ලක හඳුන්වා දීමේ කලාවට මම ප්‍රිය කරනවා. ‘සඳ දිය සළු’හී ‘දිල්හාරා සේනානායක’ ඒ ප්‍රියතාවයෙහි අලුත්ම සොයාගැනීමයි.


නවකයන් හැසිරවීම සාර්ථක නිර්මාණයකදී ඔබට බාධාවක් වූයේ නැතිද?

කොහොමවත් නැහැ… නවක කෙල්ලන් සිනමාවට ගෙන ආ ප්‍රවීණයන් කොයිතරම් සිටිනවාද… මටත් ආසාවක් තිබුණා ඒ අභියෝගය ජයගන්නට. එකී උත්සාහය තුළ සිංහල බස හැසිරවීමට පවා දැනුම නැති අයවද සාර්ථකව මෙහෙය වීමට මට පුළුවන් වුණා.


නාලන් මෙන්ඩිස්ගේ ටෙලි කෘති තුළින් පුංචි තිරයේ ජනප්‍රිය පෙම්වතා වූ ඔබ ටෙලිනාට්‍ය කලාව අතහැර දැමුවේ ඇයි?

වැරැදි වැටහීමක් ඒක.., මම ටෙලි කලාව අතහැරියේ නැහැ. සිදුව තිබෙන්නේ රඟන්නට හොඳ යැයි සිතෙන නිර්මාණ දැන් බිහිවන්නේ නැති එකයි. මෙගා කලාව ටෙලිනාට්‍ය කලාවට වසංගතයක් වී හමාරයි. දින නියමයක් නැතිව හරසුන් ටෙලි කතා මාස ගණන්, අවුරුදු ගණන් විකාශනය වෙනවා.


නාලන් මෙන්ඩිස් වැනි ප්‍රවීණයන් කළ ටෙලි කලාව මීට හාත්පසින්ම වෙනස්. ‘සූරිය දරුවෝ’ වැනි නිර්මාණ නැවැත හැදෙනවා නම් මමත් ටෙලිනාට්‍ය කලාවට නැවැත පය තියනවා. කොටස් විසිපහේ, පනහේ හෝ වැඩිම වුණොත් එය කතාවට ගුණාත්මක නම් දින හැත්තෑපහක් වුණත් කමක් නැහැ. චරිතය සුදුසුයි නම් බාර ගන්නවා. හැබැයි තිරපිටපත සමග කතාවේ අවසානය සහ කොටස් ගණනද පළමුව දැනගත යුතුමයි.


ඔබට ටෙලියක තිරපිටපතක් ලැබුණහොත් ඔය කී රෙගුලාසි ගැන නිර්මාණකරු වෙත ඉදිරිපත් කරනවද?

ඔව්… නිර්මාණකරු ප්‍රවීණයිද, නවකයිද අදාළ නැහැ… මම ඒ ගැන විමසනවා. එය මා සතු විය යුතු අයිතියක්.


ඔබේ ‘යූ-ටියුබ්’ නාලිකාව ගැන දැනගන්නට අප මනාපයි?

එය මම ආරම්භ කළේ ඉතා මෑතකදියි. හොඳ ප්‍රතිචාර තිබෙනවා. බෞද්ධ දර්ශනය සහ විවිධ ආගම්වල දර්ශනයන් ගැන කතා කරන එය නම්කොට ඇත්තේ ‘සැබවින් මා කවුද’ යන තේමාව හරහායි.


සියල්ල අතහැර සෝවාන් වීමේ අදහසක් එහෙම නැහැ නේද ඔබට..?

සියල්ල අතහරින්න සෝවාන් විය යුතු නැහැ. බුදු රජාණන් වහන්සේ පැවැසුවේ ‘සතුටින් ඉන්න… මෛත්‍රිය වඩන්න කියලයි… කිසිවක් හඹා නොයෑම… තරගකාරී ජීවිතය මගහැර සිටීම… ඊර්ෂ්‍යා නොකිරීම සහ කාගෙවත් වංහුං හොයන්නෙ නැතිව තමාට පුළුවන් දේ තුළ ජීවිතය ජයගන්නවා නම් එතැන ආධ්‍යාත්මික සතුට ඕනෑ තරමට තියේවි.


ඔබ එහෙම කෙනෙක්ද..?

ඔව්… මම හෙමින් ගමනක මගේ පාඩුවේ යන.., සොඳුරු නිර්මාණ මෙහෙවරක් හරහා මිනිසුන් සතුටු කරන නරක පිටුදකින කෙනෙක්.


දමයන්ති රෙණුකා ප්‍රනාන්දු




ඊළඟට එන්නේ වෙන පෙනුමකින් - රයිනි චාරුකා



මේ දිනවල නිරන්තරයෙන් මේ පදවැල් ඔබේ සවන් වැකෙනවා ඇති. මනුරංග විජේසේකර විසින් රචිත දිනේෂ් ගමගේ තනු නිර්මාණය කළ මේ ගීතය ගයන්නේ රයිනි චාරුකා ගුණතිලක. වසර හතකට අධික කාලයක් නිහඬව සිට නැවත නව මුහුණුවරකින් නව ගීතයකින් ඔබ හමුවට ඇය ඇවිත්. කලා පවුලකින් ක්ෂේත්‍රයට පැමිණ තමන්ගේ අනන්‍යතාවක් ගොඩනඟා ගනිමින් කලා ක්ෂේත්‍රය තුළ කැපීපෙනෙන ගමනක් යන රයිනි චාරුකා ගුණතිලකට ඇගේ නවතම ගීතය ගැන සහ වර්තමාන ගායන ක්ෂේත්‍රය ගැන  මෙලස පුවත්පතක් සමගින් විස්තර  කියා තිබුනා.



ෙරෙනි අලුත් වැඩකින් ආයෙමත් කරළියට ඇවිත්?


මම කාලෙකට පසුව අලුත් ගීතයක් කළා. ගීතයේ නම "කළුවරට බය හින්දා". ගීතය නිර්මාණය කරලා ඉවර වුණාට පසුව මට හිතුණා ඒකට දෙමළ වර්ෂන් එකක් තියෙන්න ඕනේ කියලා. මොකද ගීතයේ වැඩියෙන්ම ඇහෙන්නේ දකුණු ඉන්දියානු සංගීතය. මේ ගීතයේ තනුව නිර්මාණය කළේ දිනේෂ් ගමගේ. සංගීත සංයෝජයන අමිත් ගුරු. සිංහලෙන් ගීතය ලිව්වේ මනුරංග විජේසේකර, දෙමළ ගීතය ලිව්වේ පොතුවිල් අස්මින්. ගීත දෙකම මේ වෙද්දි එළිදක්වලා තියෙන්නේ.


 


මේ ගීතයේ රූපරචනාවත් විශේෂයි.


රූපරචනාව නිර්මාණය කරද්දි මට ඕනේ වුණා එය දෙමළ ආභාසය සහිතව නිර්මාණය කරන්න. ඒ වගේම මම හරිම ආසයි මාව වෙනස් ස්වරූපවලින් මිනිස්සු දකිනවට, පේනවාට. ඒ නිසා මට ඕන වුණා මේ රූපරචනාවට සම්පූර්ණයෙන්ම දෙමළ චරිතයක් වෙන්න. ටිකක් සිනමාත්මක විදිහට සතීෂ් රත්නරාජා අධ්‍යක්ෂණය කරලා ලස්සන රූපරචනාවක් නිර්මාණය කරලා දුන්නා.


 


ඒ රූපරචනාවේ ජනප්‍රිය ගීත රචකයෙක් සහ සම්මානනීය රංගන ශිල්පිනියක් රඟපානවා නේද?


ඒ මනුරංග විජේසේකර සහ නිරංජනී ෂන්මුගරාජා. මට ඉස්සර ඉඳන්ම ආසාවක් තිබුණා මනුරංග අයියාව වීඩියෝ එකකට සම්බන්ධ කරගන්න. ඔහුට තියෙන්නෙත් දෙමළ පෙනුමක්. ඔහු අඳීන්න පලඳීන්නෙත් ඒ විදිහට. මනුරංග අයියා තමයි අපි සින්දුවක් කරමු, අලුත් වැඩක් කරමු කියලා මාව නිතරම අලුත් නිර්මාණයක් කරන්න පෙළඹුවේ. නිරංජනී කියන්නේ මගේ හොඳම යාළුවෙක්. "කළුවරට බය හින්දා" ගීතයේ දෙමළ ගීතය ගායනා කරන්න මගේ භාෂාව, වචන උච්චාරණය ඔක්කොම සකස් කළෙත් ඇය. ගීත රූපරචනාවට අවශ්‍ය ඇඳුම් පැලඳුම් පවා සකස් කළේ ඇය. ඒ වගේම ඇය ජාතික සහ අන්තර් ජාතික වශයෙන් සම්මානනීය රංගන ශිල්පිනියක්. ඇයට ගරු කිරීමක් වශයෙන් ඇයව ගීතයට මම සම්බන්ධ කරගත්තා. මේ දෙන්නාම මගේ හොඳම යාළුවො සහ දෙන්නාම හොඳ වැඩකාරයෝ දෙන්නෙක්. මේ දෙන්නාම මීට පෙර ගීත රූපරචනාවලට ඉඳලා නැහැ. ඔවුන් දෙදෙනාම රූපරචනාවට සම්බන්ධ වීම මගේ ගීතයටත් එළියක්.


 


ගීතයට ලැබුණු ප්‍රේක්ෂක ප්‍රතිචාර ගැනත් කියමු?


ගොඩක් හොඳ ප්‍රතිචාර ලැබෙනවා. ඉතාම ධනාත්මක, ඉතාම හොඳ ප්‍රතිචාර ලැබෙන්නේ. ඍණාත්මක ප්‍රතිචාර ලැබෙන්නේ නැති තරම්. හැමෝම අහන්නේ රූපරචනාවේ අවසානයට මොකද වුණේ කියලා. ඒක ප්‍රශ්නාර්ථයක් විදිහට අවසන් කරන්න අවශ්‍ය වුණෙත් ඒ වගේ ප්‍රේක්ෂකයන් අතර සාකච්ඡාවක් ඇති කරන්න බලාගෙනමයි. ගීතයට සහ රූපරචනාව යන දෙකටම ඉතාම හොඳ ප්‍රතිචාර ලැබෙනවා. හැමෝම හොඳ විතරමයි කිව්වේ. ඒ ගැන ගොඩක් සන්තෝසයි.


 


ඔබ චිත්‍රපටයක ප්‍රධාන චරිතයක් නිරූපණය කළා. රංගන ක්ෂේත්‍රයට එන්න අදහසක් නැද්ද?


මට පසුගිය කාලේ රංගනයට ආරාධනා ආවා. විවිධ චරිතවලට. නමුත් මම නිතරම හිතනවා කලා කටයුතුවලින් සැබෑ ජීවිතයේ මගේ පෞරුෂයට හානි වනවා නම් ඒ දෙය කරන්නේ නැහැ කියලා. දැන් ආයෙමත් රංගනය ගැන පොඩි කතාබහක් තියෙනවා. ටිකක් දැවැන්ත චිත්‍රපටයකට ආරාධනා ආවා. ඒක කරනවාද නැද්ද කියලා අවිනිශ්චිත තැනක මම තවම ඉන්නේ.


 


මේ පශ්චාත් කොරෝනා සමයේ කලා ක්ෂේත්‍රයේ නතර වුණු විවිධ විචිත්‍ර වැඩ කටයුතු දැන් එළිදක්වනවා නේද?


විශේෂයෙන් ගීත ක්ෂේත්‍රයේ ඒක පේනවා. වසර දෙකකට ආසන්න කාලයක් අපි හැමෝම කොරෝනා වසංගතයත් එක්ක ගනුදෙනු කරනවා. කොරෝනා අවසන් වුණේ නැති වුණාට හැමෝම ඒකත් එක්ක ඉන්න පුරුදු වෙලා. කොරෝනා වසංගතය එක්ක වුණත් කලා ක්ෂේත්‍රයේ අලුත් අලුත් වැඩ දැන් එළියට එනවා. ඒක ඇත්තටම ලොකු දෙයක්. ගායක ගායිකාවන් හැටියට අපි ගොඩක්ම සාමාන්‍ය ජනතාව එක්ක ගනුදෙනු කරන්නේ. ප්‍රේක්ෂකාගාරයේ සබඳතාව නැති වුණාම අපිට අලුත් වැඩක් කරන්න අපහසුයි. ටිකෙන් ටික එදිනෙදා වැඩකටයුතු සාමාන්‍ය අතට හැරෙනවා. අලුත් නිර්මාණ එළිදකිනවා. ඒ අවුරුදු දෙකකට කිට්ටු වෙන්න හිර වෙලා තිබුණු කලාත්මක වැඩ. ඒක ඉතාම හොඳ දෙයක්. ඒ වගේම ප්‍රේක්ෂකයන්ට හොඳ කාලයක් මේක. පසුගිය දින කීපයේ ගොඩක් ලස්සන ගීත රාශියක් අලුතෙන් ආවා. ඒවා එකිනෙකට වෙනස් ශෛලීන්ගෙන් නිර්මාණය වෙලා තියෙන නිසා තම තමන් කැමති විදිහට තොර බේරගෙන රසවිඳීන්න පුළුවන්. මේ වගේ ආර්ථික ප්‍රශ්න ගැටලු එක්ක හොඳ නිර්මාණ බිහි වෙන නිසා ප්‍රේක්ෂකයො සහ සංගීතඥයො යන දෙගොල්ලො ගොඩක් වාසනාවන්තයි. අඩු පිරිවැයකින් හොඳ නිර්මාණයක් කරන එක මෑත කාලයේ අපේ ක්ෂේත්‍රයේ මම දැකපු හොඳ ප්‍රවණතාවක්. ප්‍රේක්ෂකාගාරය තමා වෙත රඳවා ගන්න, ගායකයාව ජනප්‍රිය කරගන්න, ගීතයේ අර්ථය වැඩි කරන්න තමයි අපි ගීතයට රූප රචනාවක් නිර්මාණය කරන්නේ. අලුත් අදහස් එක්ක නිර්මාණශීලීත්වය වැඩි වෙලා අඩු පිරිවැයකින් නිර්මාණ කරන්න කලාකරුවො පෙලඹෙන එක ලොකු දෙයක්.


 


නවක ගායිකාවක් පසුගිය වකවානුවේ ජාත්‍යන්තරයට ගියා?


ලංකාවෙන් අන්තර්ජාතික වශයෙන් ජනප්‍රිය වුණ එකම කලාකාරිනිය යොහානි විතරයි. ගායකයෙක් පිටරටකට ගිහින් ගීත ගායනා කරනවා අහන්න ඒ රටේ මිනිස්සු එනවා නම් විතරයි ඒකට ජාත්‍යන්තරයට ගියා කියන්න පුළුවන්. වෙනත් රටක ජීවත් වෙන ලංකාවේ ප්‍රේක්ෂකයන්ට ගීත ගායනා කරනවා කියන එකට ජාත්‍යන්තරයට ගියා කියන්න බැහැ. රටවල් සෑහෙන්න ප්‍රමාණයකට ගිහින් ඒක අපිත් කරනවා. යොහානි ඉන්දියාවට ගියාම එයාගේ සින්දු අහන්න ආවේ ඉන්දියානු ජාතිකයන්. "ජය ශ්‍රී" එකේ රොහාන් - රොහිත දෙන්නාට ඔස්ට්‍රියාවේ ප්‍රේක්ෂකාගාරයක් ඉන්නවා. එයාලගේ ගීත අහන්නේ එන්නේ ඒ රටේ ප්‍රේක්ෂකයන්. ඒ වගේම චිත්‍රාල් සෝමපාල ජර්මනියේ සංගීත කණ්ඩායමක් කරනකොට ඔහුගේ ගීත අහන්න එන්නේ ජර්මන් ජාතිකයන්. යොහානිගේ වෙනස තියෙන්නේ යොහානි ජීවත් වුණේ ලංකාවේ. නමුත් ඇය ජනප්‍රිය වෙන්න ඉන්දියාවේ. දැන් ටිකෙන් ටික ඇමරිකාවේ සංගීතඥයන් යොහානි ගැන කතා කරනවා. ගොඩක් අය යොහානිට බැන්නා ඇගේ අඩුපාඩු කියලා. රසාස්වාදය කියන්නේ ඕනෙම කෙනෙක්ට විවිධාකාරයෙන් ඉදිරිපත් කරන්න පුළුවන් දෙයක්. කලා නිර්මාණයක් මිනිස්සුන්ට දැනෙන විදිහ කාටවත් පාලනය කරන්න බැහැ. යොහානිගේ මැණිකේ ගීතය ලංකාවේ ජනප්‍රිය වුණා වගේම ඊටත් වඩා ඉන්දියාවේ ජනප්‍රිය වුණා. ඒක ඒ මිනිස්සුන් වැළඳගත්තා. ලංකාවේ ගොඩක් කලාකරුවෝ එයාට බැන්නා. නමුත් මම ඒක දකින්නේ සෑහෙන්න ධනාත්මක විදිහට. අපේ රටේ කලාකරුවන් කොහොමහරි අන්තර් ජාතික මට්ටමට යන්නයි ඕනේ. විශේෂයෙන්ම ඉන්දියාව වගේ සංගීතය දේවත්වයෙන් අදහන රටක ප්‍රේක්ෂකයා අතර ජනප්‍රිය වෙන්න පුළුවන් වෙන එක ලොකු දෙයක්.




ගායන ක්ෂේත්‍රයට අලුතෙන් එන අය ගැන මොකද හිතෙන්නේ?


එයාලා ගොඩක් දක්ෂයි. ඔවුන්ගේ හැංඟුණු දක්ෂතා ගොඩක් තියෙනවා. සමහර අය තමන්ගේ දක්ෂතා මොනවාද කියලා හරියට හඳුනාගෙනවත් නැහැ. කවුරුහරි ගායනා කරනවා ඇහුණාම මට කියන්න පුළුවන් අදාළ කෙනාට කොයිතරම් පරාසයක ගීත ගායනා කරන්න පුළුවන්ද කියලා. මම The Voice Teens  තරගාවලියේ කෝච් කෙනෙක් විදිහට හිටියා. ඒ වගේම මම දැන් හඬ පුහුණු වීම් කරනවා. ගොඩක් මවුපියන් මගෙන් අහනවා "ඔයා ඔක්කොම දේවල් ළමයින්ට කියලා දෙනවද?" කියලා. ඒකට හේතුව සාමාන්‍යයෙන් කලාකරුවන් දියුණු වීමේ සහ රඳාපැවැත්මේ රහස් හැමෝටම කියන්නේ නැති නිසා. නමුත් මම ගුරුවරයෙක් විදිහට කිසිම කෙනෙක්ට එහෙම කරන්නේ නැහැ. ඊඩඥ ඍධඪජඥ ඊඥඥද තරගයේදීත් මම වැඩ කරපු විදිහ මගේ දරුවන්ගේ දක්ෂතා වර්ධනය වෙන හැටි හැමෝම දැක්කා. දැන් ඉන්න අලුත් පරපුරේ දක්ෂතා එක්ක වැඩ කරන්න මම හරිම ආසයි. අලුත් පරපුරට විවිධ වේදිකා දැන් තියෙනවා. තාක්ෂණය දියුණු නිසා මුළු ලෝකෙම දකින්න පුළුවන් හැකියාව තියෙනවා. දැන් අවුරුදු දහයේ ළමයා ගායනා කරන විදිහ සහ අපි අවුරුදු දහයෙදි ගායනා කරපු විදිහේ ලොකු වෙනසක් තියෙනවා. ඔවුන් ගැන හරිම ආඩම්බරයි. අනාගතයේදි අලුත් පරපුරේ දක්ෂතා වැඩි වෙනවා මිසක් අඩු වෙන්නේ නැහැ.


 නිර්මාණි බණ්ඩාරනායක






 


අපි දෙන්නා දෙන්නෙක් - අනුෂ්කි සහ කනුෂ්කි




නිවුන්නු කිව්වට සමහරුන්ගෙ ස්වරූපවල පොඩි හෝ වෙනසක් තියෙනවා.. ඒත් මේ දෙන්නා... ආයේ කතා දෙකක් නැහැ,නිවුන්නුම තමයි. එච්චරටම එකම වගේ. හැබැයි දෙන්නා කතා කරන්න පටන්ගත්තට පස්සෙ නම් ටිකක් හොයාගන්න ලේසියි. මොකද එක්කෙනෙක්ගේ කියවිල්ල හොඳටම වැඩියි. හරියට නිල්නෙතුගෙ වගේමයි. අනිත් කෙනා ටිකක් නිශ්ශබ්ද චරිතයක් හරියට පිනිමුතු වගේ. නිල්නෙතුයි පිනිමුතුයි ඉන්නේ මල් පිපෙන කාලේ ටෙලි නාට්‍යයේ. දෙරණ නාළිකාවේ විකාශය වන එය තාරුණ්‍යයේ සිත් ඇද බැඳ ගත් ටෙලි සිතුවමක්. මේ නාට්‍යය අධ්‍යක්ෂණය කරන්නේ තුෂාර තෙන්නකෝන්. සාමාන්‍යයෙන් ටෙලිනාට්‍යයක නිවුන් චරිත ඇත්නම් ඒවා රංගනයේ යෙදෙන්නේ එකම ශිල්පියා හෝ ශිල්පිනියකු විසිනුයි. ඒකට කට වහරින් කියන්නේ ඩබල් ඇක්ටින් කරනවා කියලා. නමුත් තුෂාරට ඕන වුණා මල් පිපෙන කාලේ කතාවේ එන නිවුන් චරිත සඳහා ඇත්තම නිවුන්නු දෙන්නෙක් ගන්න. ඒ සඳහා තිබුණු තිර පරීක්ෂණයට නිවුන්නු අති විශාල සංඛ්‍යාවක් ඇවිල්ල හිටියා. ඒ අතරින් තමයි නිල්නෙතු සහ පිනිමුතු කියන චරිත දෙකට මේ දෙදෙනා තෝරා ගන්නේ. අනුෂ්කි ප්‍රේමචන්ද්‍ර, කනුෂ්කි ප්‍රේමචන්ද්‍ර තමයි මේ සුරුපිනියන් දෙදෙනා. නිල්නෙතු සහ පිනිමුතු නිසා ඔවුන් දෙදෙනාටද ඉතා ඉහළ ජනප්‍රසාදයක් ලැබී තිබෙනවා. 


 මුලින්ම කාත් එක්කද කතා කරන්නේ..


එහෙම ඇහුවම සුපුරුදු විදිහට ඉදිරියට ආවේ අනුෂ්කි.. මොකද මම අර කලින් කිව්ව වගේ හොඳට කතා කරන්න ඇයට පුරුදු නිසා.


කවුරු කතා කළත් වැඩි වෙනසක් නෑ කියලා හිතාගෙන අනුෂ්කි සමඟ මුලින්ම මෙහෙම කතා කළා.


මට මුලින්ම කියන්න කෝ ඔය දෙදෙනාගෙන් අක්කා කවුද නංගි කවුද කියලා.


මම අක්කා, කනුෂ්කි තමයි නංගි.


ඔබ දෙදෙනා නොසිතූ විරූ ජනප්‍රසාදයක් ලැබුණා මල් පිපෙන කාලේ ටෙලි නාට්‍යය නිසා...


ඇත්තටම මල් පිපෙන කාලේ ටෙලි නාට්‍යයට අපිව තෝරගත්තේ ඔඩිෂන් එකකින්. අධ්‍යක්ෂ තුෂාර සර් අපි දෙන්නව ඔහුගේ ඉස්සරහයින් වාඩි කරගෙන මට කිව්වා ඔයා තමයි නිල්නෙතු... නංගි දිහා බලලා ඔයා තමයි පිනිමුතු කියලා ඔහු හරියටම චරිත දෙක ස්වරූපයට අනුව බෙදලා දුන්නා. ඇත්තටම මේ චරිත සඳහා ලැබුණු අසීමිත ජනප්‍රියත්වය ගැන කතා කරනවා නම්, සමහර අය අපිව හොයාගෙන ගෙදරටම ඇවිල්ලා තියෙනවා අපිව බලලා යන්න ඕනේ කියලා. අපි දෙන්නා දෙන්නෙක්මද කියලා දැනගන්නයි ඒ අයට තියන ලොකුම වුවමනාව. එක රසිකයෙක් නුවර ඉදන් අපිව බලලා යන්නම කියලා ආවා. අපි දෙන්නා පදිංචි වෙලා ඉන්න මිනුවන්ගොඩනේ ඔහු මිනුවන්ගොඩට ම ඇවිල්ලා අපිව බලලා ගියා. ඒ චරිත දෙකේ ඉන්න නිවුන්නුගේ වයස අවුරුදු විසි එකයි. අපිටත් වයස අවුරුදු විසි එකයිනේ. ඒ නිසා ඒකත් මනාව ගැළපුණා කියලා හිතනවා.


ඔබ දෙදෙනා චරිත දෙක මාරු කරගෙන රඟපාපු අවස්ථා නැද්ද?


මං ඇහැව්වේ කනුෂ්කිගෙන්..


ඇත්තටම අක්කගේ චරිතයත් මම නිරූපණය කරපු අවස්ථාවක් හෝ දෙකක් තිබුණා අපේ ප්‍රඩක්ෂන් එකේ බොහෝ දෙනාට අපි දෙන්නව අනන්තවත් පැටලෙනවා. ඔයා අහවලා නේද කියලා කිහිප සැරයක් අහල තමයි අපිට කොස්ටියුම් වුණත් දෙන්නේ.


බොහෝ අය දන්නේ නැහැ ඔබ දෙපළ නිවුන්නු කියලා..


ඒ කතාව නම් හරියටම හරි. වැඩි දෙනෙක් හිතාගෙන ඉන්නේ අපි දෙන්නා එක්කෙනෙක් කියලා. ඩබල් ඇක්ටින් කරනවා කියලා තමයි හිතාගෙන ඉන්නේ. අපි ටික්ටොක් එකේ වීඩියෝ කිහිපයක් අප්ලෝඩ් කරල තිබුණා. ඒවා දැකලා සමහරු පුදුමයට පත්වෙලා තිබුණේ මේවා තනි අයෙකු විසින් කරන්නාවූ වීඩියෝස් කියලා. පස්සේ අපි දෙන්නෙක් කියල දැනගත්තම ඒකටත් හොඳ ප්‍රතිචාර දක්වලා තියෙනවා. අපි දෙන්නා එක්කෙනෙක් කියලා හිතාගෙන ඉන්න බොහෝ දෙනෙක් අපි දෙන්නටම මැසේජ් කරනවා..


ඇත්ත ජීවිතයේදී ඔය දෙන්නා ඔය ස්වරූපයන් භාවිත කරලා මිනිස්සු රවටා අවස්ථාවන් තියෙනවා කියලා මට දැනගන්නට ලැබුණා.


පොඩ්ඩක් ඉන්න ඒකට උත්තරේ මම දෙන්නම්.


අනුෂ්කි නැවතත් කතාව පටන් ගත්තා.


අපි නිවුන්නු කියලා දන්නැති ටිකක් දුරින් ටිකක් හිතවත් වෙන අයියා කෙනෙක් දවසක් මට මගදි හමු වුණා. ඔහු බයිසිකලේක ඇවිත් හිටියෙ. මගෙත් එක්ක කතා කරලා ඔහු පිටත් වෙලා ගිහිල්ලා ටිකක් දුර යද්දි නංගි ඉස්සරහට ඇවිල්ලා. ඒ අයියා හොඳටම බය වෙලා. හොල්මන් කියලා හිතාගෙන. අපි දෙන්න ඔහු හරියට දැක්කට පස්සේ තමයි බිය නැති වෙලා ගියේ. අපි දෙන්නා දැනට සෞන්දර්ය විශ්වවිද්‍යාලයේ පළවෙනි වසරේ ශිෂ්‍යයාවෝ. ඉතින් සමහර සූම් ලෙක්චර්වලදී අපි දෙන්නට දෙන්න මාරු වෙමින් ඉඳපු අවස්ථාවන් තියෙනවා.


දැන් දිගින් දිගටම රඟපාන්නද කල්පනාව?


ඇත්තටම අපිට රඟපානවා කියලා ටාගට් එකක් තිබුණෙ නැහැ. ඩාන්සින් පැත්තෙන් ඉදිරියට යන්න තමයි හිතාගෙන හිටියේ. ඒ වෙනුවෙන් තමයි මේ සෞන්දර්ය කලා විශ්වවිද්‍යාලයේ ඉගෙනගන්නෙ. කවද හරි නර්තනය පැත්තෙන් අපි දෙන්නම වෘත්තීන්වල නියැළේවි. නමුත් රංගනය කියන වෘත්තීයෙනුත් ඈත් වෙන්නේ නැහැ. දැනටමත් නිර්මාණ රැසකට ආරාධනා ලැබිල තියෙනවා රඟපාන්න. මියුසික් වීඩියෝ එකකත් පසුගිය දවස්වල රඟපෑවා. හොඳ චරිත රඟපාන්න තමයි අදහස් කරගෙන ඉන්නේ.



ප්‍රසාද් සමරතුංග








දුරකථනය අරගන්න රිලවා පස්සේ එලෙව්වා - පසිඳු විතානගේ




පසිඳු විතානගේ කියන්නේ මේ දිනවල ජනප්‍රිය චරිතයක්. මන්ද නාඩගම්කාරයෝහි කිරිපුතා නිසයි. ඉතිං ඔහු ඇවිදින්න යන්න කැමති තැන් ගැන වගේම එ අමතක නොවන සිදුවීම් ගැනත් මෙන්න මේ විදියට පුවත්පතක් සමඟින් පවසා තිබුනා. 


පසිඳු.. මේ දවස්වල අලුත් තොරතුරු?


මේ දවස්වල කොරෝනා ප්‍රශ්නත් එක්කම නාඩගම්කාරයෝ සහ අලුත් නාට්‍ය කිහිපයක වැඩ පටන් අරගෙන තියෙනවා. ඒ නිසා ටිකක් කාර්යබහුලව ඉන්නවා. 


ඔබ Travel කියන දෙයට ආසා කරන කෙනෙක්ද?


අනිවාර්යයෙන්ම මම Travel වලට ගොඩක් ආසා කරන කෙනෙක්. මම ගොඩක් වෙලාවට ඒකාකාරී ජීවිතයෙන් මිදිලා ඉන්න ගොඩක් කැමතියි. එහෙම ඒකාකාරී ජීවිතයෙන් මිදෙන්න Travel කියන දේ ගොඩක් අවශ්‍ය වෙනවා. 


ඔබ කුඩා කාලයේ සිට Travel කරන කෙනෙක්ද?


මෙහෙමයි. පොඩි කාලයේ ඉඳන්ම Travel කළා. නමුත් මම විනෝදාංශයක් විදිහට Travel කරන්න ගත්තෙ මෑත කාලයේදී. මොකද කුඩා කාලයේ අපිට හිතුමතේ Travel කරන්න අමාරුයි. දැන් තමයි හරියට Travel කියන දේ මම කරන්න පටන් අරගෙන තියෙන්නෙ. කොහොමත් මම සතියකට වගේ සැරයක් කොහේ හරි ඇවිදින්න යන්න කාලය වෙන්කර ගන්නවා. 



දුරකථනය අරගන්න රිලවා පස්සේ එලෙව්වා

 2021 නොවැම්බර් 20 වන සෙනසුරාදා, පෙ.ව. 10:00 17



මේ සති අන්තයේ My Travel සමඟ කතා කරන්න අප සමඟ එකතු වන්නේ ඔබ අප කවුරුත් දන්නා රංගන ශිල්පියෙකු වන පසිඳු විතානගේ (නාඩගම්කාරයෝ කිරිපුතා) 


පසිඳු.. මේ දවස්වල අලුත් තොරතුරු?


මේ දවස්වල කොරෝනා ප්‍රශ්නත් එක්කම නාඩගම්කාරයෝ සහ අලුත් නාට්‍ය කිහිපයක වැඩ පටන් අරගෙන තියෙනවා. ඒ නිසා ටිකක් කාර්යබහුලව ඉන්නවා. 


ඔබ Travel කියන දෙයට ආසා කරන කෙනෙක්ද?


අනිවාර්යයෙන්ම මම Travel වලට ගොඩක් ආසා කරන කෙනෙක්. මම ගොඩක් වෙලාවට ඒකාකාරී ජීවිතයෙන් මිදිලා ඉන්න ගොඩක් කැමතියි. එහෙම ඒකාකාරී ජීවිතයෙන් මිදෙන්න Travel කියන දේ ගොඩක් අවශ්‍ය වෙනවා. 


ඔබ කුඩා කාලයේ සිට Travel කරන කෙනෙක්ද?


මෙහෙමයි. පොඩි කාලයේ ඉඳන්ම Travel කළා. නමුත් මම විනෝදාංශයක් විදිහට Travel කරන්න ගත්තෙ මෑත කාලයේදී. මොකද කුඩා කාලයේ අපිට හිතුමතේ Travel කරන්න අමාරුයි. දැන් තමයි හරියට Travel කියන දේ මම කරන්න පටන් අරගෙන තියෙන්නෙ. කොහොමත් මම සතියකට වගේ සැරයක් කොහේ හරි ඇවිදින්න යන්න කාලය වෙන්කර ගන්නවා. 




ඔබ වැඩිපුර Travel කරන්න කැමති මොන වගේ පරිසරවලද?


මම ගොඩක් කැමතියි කඳුකර පරිසරවල ඇවිදින්න. නුවරඑළිය, බණ්ඩාරවෙල වගේ පරිසරවල Travel කරන්න මම ගොඩක් කැමතියි. ඒ විතරක් නෙමෙයි. මම තව දේකට කැමතියි. ඒ තමා විවිධ ජන වර්ග ජීවත් වන ප්‍රදේශවල සතියක් දෙකක් වගේ කාලයක් ගත කරන්න. 


මේ වනතුරු ඔබ කරපු Travel වලින් ඔබේ හිතට දැනිච්චම තැනක් තියෙනවද?


මේ ළඟදි මගේ යාළුවෝ කිහිප දෙනෙක් සමඟ මම ගියා පොළොන්නරුවේ. දවස් තුනක් වගේ කාලයක් අපි එහෙ ගත කළා. ගොඩක් තැන්වල ඇවිද්දා. ඒ ගමන මගේ හිතට ගොඩක් දැනුණෙ මගේ හොඳම යාළුවෝ කිහිප දෙනෙක් සමඟ ගිය නිසායි. 


ඒ ගමනෙදි ඔබට සිදුවූ අමතක නොවන සිදුවීම් ඇති නේද?


අමතක නොවන සිදුවීම්නම් ගොඩක් තිබුණා. නමුත් ඒ අතරින් හොඳම සිදුවීම තමයි මගේ දුරකථනය නැතිවෙච්ච එක. අපි කට්ටිය සෆාරි රථයක තමයි ඒ ගමන ගියේ. ගල් විහාරය ළඟ පොඩ්ඩක් වාහනය නවත්තලා අපි කට්ටිය කෑම කන්න එළියට බැස්සා. මම මගේ දුරකථනය අපි ගිය රථයේ තියලයි ගියේ. කොහොම හරි අපි කෑම කාලා නැවත වාහනයට එනකොට මගේ දුරකථනය වාහනය තුළ තිබුණේ නෑ. ටිකක් හොයලා බලනකොට ඒ අවට හිටපු රිලවෙක් ළඟ මගේ දුරකථනය තිබුණා. ඊටපස්සෙ ඒ රිලවගෙන් දුරකථනය ගන්න අපි මාර කට්ටක් කෑවෙ. ඌගෙ පස්සෙන් එලවනවා. ඌ අපි පස්සෙනුත් එලෙව්වා. ඒත් දුරකථනයට හානි වෙන්නෙ නැතිව ඒක ඒ රිලවාගෙන් අරගන්න බැරිවුණා. කොහොම හරි රිලවා දුරකථනය මීටර් විස්සක් විතර උස ගහක ඉඳන් බිමට දැම්මා. ඒ දානකොටත් දුරකථනය කැඩිලා ඉවරයි. ඔන්න ඔය සිදුවීම මට කවදාවත් අමතක වෙන්නෙ නම් නෑ. 


ඒ ගමනෙදි ඔබත් සමඟ ගිය යාළුවො ගැනත් කියමුකො?


එයාලා මගේ හොඳම යාළුවෝ කිහිප දෙනෙක්. එයාලා තමයි රවීන් සහ ඉෂාන්. අපි ඉෂාන්ට ආදරේට කියන්නෙ %කිච්චා^ කියලා. තව අපිත් එක්ක ගියා ශානි කියලා ගැහැනු ළමයෙක්. අපි කට්ටිය තමා ඒ ගමන ගියේ. 


පසිඳු.. ඔබ විදෙස් සංචාර එහෙම කරපු කෙනෙක්ද?


ඔව්. මම එකපාරක් ඉන්දියා සංචාරයක යෙදුණා. නමුත් මම ආසාවෙන් ඉන්නවා ඉදිරියේදි විදෙස් සංචාර කිහිපයකටම සහභාගි වෙන්න. 


ඔබ Travel කියන දේ දකින්නෙ මොන විදිහටද?


මගේ මතය නම් කෙනෙකුට Travel කියන දේ ජීවිතේට අත්‍යවශ්‍යම දෙයක්. එකදිගට වැඩ කරලා කරලා විවේකයක් ගන්න Travel කියන දේ කරනවානම් ඒ ජීවිතය හරි සුන්දර ජවෙනවා කියලයි මම හිතන්නෙ. තව දෙයක් තමයි විවිධ පරිසරවල මිනිසුන් ඇසුරු කිරීම තුළින් අපේ ජීවිතයට වෙනස් අත්දැකීම් ලබාගන්නත් පුළුවන්. 


ඔබ ජීවිතයට නොගියපු නමුත් කවදා හෝ දවසක යනවාමයි කියලා හීන දකින තැනක් තියෙනවද?


මම පොඩි කාලෙ ඉඳන් හරි ආසාවෙන් ඉන්න තැනක් තියෙනවා. ඒ තමයි බැකින්හම් පැලස් එක ඇතුළෙ තියෙන කලා කෘති මගේ ඇස් දෙකෙන්ම දැකගන්න. කවදා හෝ දවසක ඒ හීනය මම සැබෑ කර ගන්නවා. 


ඔබ වගේ Travel කරන අයට සහ Travel කරන්න ඉන්න අයට දෙන්න තියෙන පණිවිඩය කුමක්ද?


මම කියන්නෙ Travel කරන එක ඇත්තටම හොඳ දෙයක්. හැබැයි අපි කරන Travel එක ආරක්ෂාකාරීව සහ තවත් කෙනෙකුට ඒ තැන දැකබලා ගැනීමට පුළුවන් විදිහට ඒ තැන ආරක්ෂා කරන ගමන් ඇවිදින්න කියලයි මම සියලු දෙනාගෙන් ඉල්ලන්නෙ. ඒ වගේ පරිසරයට ආදරය කරන්න. පරිසරයට හානි නොකර ඒ දේවල් රසවිඳින්න කියලා මම කියනවා.  



-චන්න කස්සප- 





දිනේෂ් එක්ක විශේෂ බැඳීමක් නැහැ - නයෝමි තක්ෂිලා




ඉතා කෙටි කලකින් රසිකයන්ගේ විශ්වාසය හා ආදරය දිනාගත් නයෝමි තක්ෂිලා දීගෙක ගිය වගට ලියවුණ සටහනක් සමග මංගල ජායාරූප පෙළක්ම අන්තර්ජාලයක් එක්ව තිබුණා. අතිශය පෙම්බර ලීලා මවමින් උඩරට මනාලියක සේ සැරසී පෙම්බරයෙකුගේ සුරතේ වෙළී සිටි නයෝමි ඒ ජායාරූප ප්‍රසිද්ධියට පත් වීමත් සමගම සිය රසිකයන් වෙත පැවැසුවේ වෙනස්ම වෙනස් කතාවක්.


නයෝමිත් හැමෝටම රහසින් යුගදිවි ඇරබූ බවයි රසික රසිකාවියන් පවසන්නෙ.


පහුගිය දවස්වල මම දිනේෂ් එක්ක පෙනී සිටි මංගල ජායාරූප නිසා මම විවාහ වුණා කියල රාවයක් පැතිරුණා. ඇත්තටම මේ ඡායාරූපවල තිබුණ ස්වභාවික බව නිසා ගොඩක් දෙනා හිතල තිබුණෙ මම ඇත්තටම විවාහ වුණා කියලයි. මගේ රසික රසිකාවියන් මගෙන් අහන්න ගත්තා මම කසාද බැන්ද ද කියලා. ඇත්තටම මම විවාහ වුණේ නැහැ. අන්තර්ජාලයෙන් රසික රසිකාවියන් දැක්කේ ෆොටෝ ෂූට් එකක් පමණයි.


මේ මංගල ඡායාරූපවලට මේ තරම්ම ආදරණීය හා ස්වභාවික වෙන්න විශේෂ හේතුවක් තියෙනවද?


ඔබ විමසන්නෙ මේ ඡායාරූපවල මාත් සමග මගේ මනාලයා ලෙස පෙනී සිටින දිනේෂ් හා මා අතර විශේෂ බැඳීමක් තියෙනවද කියලානේ. ඇත්තටම එහෙම නැහැ. දිනේෂ් නීල පබළු ටෙලි නාට්‍යයේ රඟපාන මගේ සහෝදර රංගන ශිල්පියෙක් පමණයි. මගේ පෙම්වතා කලාවට සම්බන්ධ කෙනෙක් නෙවෙයි.


කොහොම වුණත් මේ ඡායාරූප නිසා ජනප්‍රියත්වය වැඩිවුණා නේද..


මංගල ඡායාරූප ටිකක් කරල අමුතුවෙන් ගොසිප් එකක් හදාගෙන ජනප්‍රිය වෙන්න මම කොහොමත් අපේක්ෂා කරන්නෙ නැහැ.


ඇතත්ටම බඳින දවස කවද ද?


මගේ විවාහය සිද්ද වෙන වෙලාවක් කලාවක් හරියටම කියන්න බැහැ. ඒත් දැන් නම් විවාහ වුණොත් හොඳයි කියලා හිතිලා තියෙන්නෙ.


නයෝමිගේ මංගල උත්සවය සැලසුම් කරල තියෙන්නෙ මොන විදිහටද?


මගේ ජීවිතයේ කිසිම දෙයක් මම ගොඩාක් ඉහළින් සමරපු කෙනෙක් නෙවෙයි. මගේ උපන් දිනයක්වත් මම එහෙම විශේෂයෙන් පවත්වලා නැහැ. මම කැමතියි චාම් විදිහට. ඒ නිසා මගේ විවාහයත් බෙහොම චාම් විදිහට සිද්ධ වෙයි. මංගල දිනයේදී මම උඩරට මනාලියක් විදිහට සැරසෙනවට මගේ අම්මා ආසයි. ඒ නිසා මම මගේ අම්මගේ කැමැත්ත අනුව මගේ මංගල දිනයේදී මම උඩරට මනාලියක් සේ හැඩවෙනවා.


මේ දවස්වල කරගෙන යන වැඩ කටයුතු මොනවද?


මේ දවස්වල මම රඟපාන නීල පබළු සහ අඳුන්ගිර ටෙලි නාට්‍ය දෙක විකාශය වෙනවා. ඒ අතර තව විකාශය නොවූ ටෙලි නාට්‍ය ටිකකුත් තියෙනවා.


කාලයක් තිස්සෙ නයෝමි නීල පබළුහි පූජා ලෙස රඟපානවා. මේක දැන් ඒකාකාරීයි කියල හිතෙන්නෙ නැද්ද?


මම ඊට පෙර ටෙලි නාට්‍යවල රඟපාලා තිබුණත් නීල පබළු කියන්නේ රසිකයන් වැඩි පිරිසක් මාව හඳුනාගත්ත නිර්මාණයක්. දැන් අවුරුදු තුනක් තිස්සේ මේ නාට්‍යයේ පූජාගෙ චරිතය ගලා යනවා. මට නම් ඒ චරිතය බෝරිං නැහැ. මම අදටත් ඒ චරිතය කරන්නෙ හරිම සතුටෙන්.


නයෝමිගෙ අනාගත බලාපොරොත්තු මොනවද..


මම ගොඩක්ම ගමෙන් කොළඹට එන්න හේතුව නාට්‍ය හා රංග කලාව හදාරලා ගුරුවරියක් වීමේ අරමුණ ඉටුකරගන්නයි. ඒ අනුව මම ටවර් හෝල් පදනමේ නාට්‍ය රංග කලාව පිළිබඳ ඩිප්ලෝමාව හා උපාධිය සඳහා විභාගවලට පෙනී ඉඳලා එහි ප්‍රායෝගික පරීක්ෂණවලට පෙනී සිටින්න සූදානම් වෙනවා. ඉන් පසුව මම බලාපොරොත්තු වෙනවා නාට්‍ය හා රංග කලා ගුරුවරියක් ලෙස වෘත්තිය අරඹන්න.


ඒ කියන්නෙ නයෝමි රංගනයට සමුදීලා ගුරු වෘත්තියට පිවිසෙනවද…


මම සාමාන්‍ය පෙළ දක්වා ඉගෙන ගත්ත අපේ ගමේ ඉස්කෝලෙ. සෞන්දර්ය විෂයකට තිබුණෙ චිත්‍ර විතරයි. මට නැටුම් ඉගෙන ගන්න ඕන වුණත් අපේ ඉස්කොලේ නැටුම් උගන්වන්න ගුරුවරයෙක් හිටියෙ නැහැ. මම පුද්ගලිකව පංතියකට ගිහින් නැටුම් ඉගෙන ගෙන සාමාන්‍ය පෙළ විභාගයට නර්තනය විෂයට පෙනී සිටියේ. මම මේ වෙද්දි නාට්‍ය හා රංග කලා උපාධිය දක්වා අධ්‍යාපනය ලබලා. නමුත් අද වෙනතුරුත් අපේ ගමේ ඉස්කෝලෙට නාට්‍ය හා රංග කලාව උගන්වන්න ගුරුවරයෙක් නැහැ. ගම්වල අපිට වඩා දක්ෂ ළමයි කෙතෙුත් ඉන්නවා. හැබැයි ඉගෙනගන්න වුවමනා සම්පත් නැහැ. මගේ ලොකු බලාපොරොත්තුව ඒ වගේ දුෂ්කරතා මැද ඉගෙන ගන්න දරුවන්ට අධ්‍යාපනය ලබාදෙන්නයි. ඒ නිසා මම අනාගතයේ ගමක පාසලක ගුරුවරියක් විදිහට සේවය කරයි. ඒත් මම රංගනය අතහරින්නෙ නැහැ.


මේ වෙද්දි නයෝමි නිළියක් වීමේ සිහිනයේ ඵල නෙළාගෙන අවසන් කියලද හිතන්නෙ…


මම හැමදාම ආස වුණේ චරිතාංග නිළියක් වෙන්නයි. පුංචි කාලෙ ඉඳන් මම ජයනි අක්කට ආසයි. ඒ වගේ චරිතාංග නිළියක් වෙන්න මම හීන මැව්ව. ඒ හිනය අදටත් මගේ හිතේ තියෙනවා. මම තවම රංගනය ගැන දශමයක් තරම්වත් හදාරල නැහැ. මට තව ඉගෙන ගන්න දේවල් ගොඩක් තියෙනවා. මම විස්වාස කරනවා කවදාක හරි අත්දැකීම් සපිරි රංගන ශිල්පිනියක් විදිහට මට රංගන ක්ෂේත්‍රයේ සලකුණක් වෙන්න හැකිවෙයි කියලා.


ධම්මිකා සුරංජි පතිරණ





නාඩගම්කාරයෝ සෙට් එකට ආපු අලුත්ම නාඩගම්කාරී




මේ දිනවල විකාශය වන ජනප්‍රියතම ටෙලිනාට්‍යයක් ‘නාඩගම්කාරයෝ’. පසුගිය දවස්වල නාඩගම්කාරයෝහි අපිට අලුත් මුහුණු කිහිපයක් දැකගන්නට ලැබුණා. ඒ අතර ‘හංසි’ ලෙසට ‘නාඩගම්කාරයෝ’ අතරට එකතු වුණු ඒ අලුත්ම නාඩගම්කාරි තමයි මධාරා සෙව්වන්දි. ඉතිං හංසි මොනවගේ පෙරළියක්ද මේ ටෙලිනාට්‍ය තුළ කරන්න යන්නේ කියා ඇය මෙන්න මේ විදියට පුවත්පතක් සමඟින් පවසා තිබුනා.


මාධාරා මේ දවස්වල ‘නාඩගම්කාරයෝ’ සමග එකතුවෙලා සිටින බව අපි දකිනවා..?

ඔව්… චාමර සමරවික්‍රම අයියා තමයි මට ආරාධනා කළේ ‘හංසි’ චරිතය නිරූපණය කිරීමට. මම සංගීතය හදාරන්න තමයි මුලින්ම සම්බන්ධ වෙන්නේ.


‘හංසි’ගේ පැමිණීමත් එක්ක ඉදිරියේදී ‘නාඩගම්කාරයෝ’ තුළ මොනවගේ පෙරළියක් සිදුවෙයිද?

ඒ ගැන මට දැන්ම කියන්න බැහැ. ‘හංසි’ චරිතය තුළින් සමහරවිට ලොකු වෙනසක් වෙන්නත් පුළුවන්. ඒ නිසා අපි එය විඳින්න ප්‍රේක්‍ෂකයින්ට ඉඩකඩ සලස්වමු.


‘හංසි’ගේ ආදරය කාට හිමිවෙයිද?

ඒ ගැන කියන්න මම තවම දන්නේ නැහැ.


ඔබ ‘කෝටිපතියෝ’ ටෙලිනාට්‍යය හරහා තමයි රංගන වරම් හිමිකර ගත්තේ. ඒත් පසුකාලීනව ටෙලිනාට්‍ය තුළ ඔබව දැකගන්නට ලැබුණේ නැහැ?

මම වැඩිපුරම කළේ වෙළෙඳ දැන්වීම් තමයි. ටෙලිනාට්‍යය සඳහා මට ලොකු කාලයක් යොදවන්න අපහසුවෙලා හිටියේ මගේ අධ්‍යාපන කටයුතු නිසා.


දිගටම රඟපාන්නද මධාරාගේ බලාපොරොත්තුව?

මම දැනට මනෝ උපදේශකවරියක් ලෙසට කටයුතු කරනවා. මම මුලින්ම මුල්තැන දෙන්නේ මගේ වෘත්තියට තමයි. රාජකාරි කටයුතු සඳහා බාධාවක් ආවොත් සමහරවිට මම ඉදිරියේදී නිර්මාණ සඳහා සම්බන්ධ නොවෙන්නත් පුළුවන්.


මනෝ උපදේශකවරියක් වීමේ සිහිනය මධාරාගේ හිතේ පොඩි කාලේ සිට තිබුණාද..?

පොඩි කාලේ ඉඳලා මගේ තිබුණු එකම බලාපොරොත්තුව මනෝ උපදේශිකාවක් වීම තමයි. කොහොම හරි මගේ ඒ සිහිනය සැබෑකර ගත්තා. කලාවට සම්බන්ධ වුණේ මම අහම්බෙන්.


ඔබ රංගනය පිළිබඳව හැදෑරීමක් කළාද?

මගේ ගරුවරු මහේන්ද්‍ර පෙරේරා සහ ප්‍රදීප් රාමවික්‍රම. ඔවුන් යටතේ රංගනය පිළිබඳව හැදෑරීමක් කරලා තමයි නිර්මාණ සඳහා මම සම්බන්ධ වුණේ. ඕනෑම ක්‍ෂේත්‍රයකට හැදෑරීමක් ඇතිව සම්බන්ධ වෙන්න පුළුවන් නම් එය අපේ ඉදිරි අනාගතයට ගොඩාක් වටිනවා.


එතකොට මධාරාගේ ගම්පළාත්..?

මම ගාල්ලේ…


අධ්‍යාපනය කළෙත් ඒ පළාතෙමද..?

ඔව්… ගාල්ල රිපන් බාලිකා විද්‍යාලයේ තමයි අධ්‍යාපනය හැදෑරුවේ.


මධාරාගේ පවුලේ කවුද ඉන්නේ..?

අම්මයි, තාත්තයි, මල්ලියි, මමයි.


ගමෙන් පිටපළාතකට මෙහෙම ඇවිත් රඟපානවට ගෙදරින් විරුද්ධ වුණේ නැද්ද?

තාත්තා නම් කැමැති නැහැ මම රඟපානවට. එයා කැමැති මම ඉගෙනගත්තු දෙයකින් ඉදිරියට යනවාට. හැබැයි ඉතින් මම රූගත කිරීම් සඳහා යන්නේ අම්මා එක්ක තමයි.


වසන්ත විතාරණගේ