ඉටු නොවෙන සිහින ගැන මගේ කිසිම පසුතැවීමක් නෑ - යුරේනි නෞෂිකා

Wednesday, January 13, 2021 , 0 Comments




යුරේනි කියන්නෙ අවුරුදු 7 දී අම්මා තාත්තා නැති වෙලා හොස්ටල් එකක තද නීතිරීති එක ක්‍රිස්තියානි පරිසරයක හැදුණු දඟකාර පෙරළිකාර චරිතයක්. නපුරු ගති නිසා යාළුවෝ කිසි කෙනෙක් නෑ. ඒත් අද ඇයගේ සාර්ථකත්වය දැකලා සතුටු වෙන හැමෝ එක්කම මිත්‍රශීලීව කටයුතු කරන බොහොම සරල සුන්දර චරිතයක්. ඇය ඇගේ ජිවිත කතාව ගැන පුවත්පතකට විස්තර කියලා තිබුනේ මෙලෙසයි.


අධ්‍යාපනය ලබනනේ ?

කොල්ලුපිටිය මෙතෝදිස්ත විදුහලෙන් 


වැඩිපුර දක්ෂතා දක්වන්නේ?

ක්‍රීඩාවට. පන්තියේ ඉන්නවට වඩා වැඩි කාලයක් හිටියෙ ග්‍රවුන්ඩ් එකේ. ක්‍රිකට් ක්‍රීඩිකාවක් වෙන්න තිබුණෙ පුදුම උණක්.  අධ්‍යාපන කටයුතුවලින් පස්සෙ මම විශ්වවිද්‍යාලයට තේරුණා. ඒත් මගේ ආව්චිට වැඩිදුර අධ්‍යාපනයට වියදම් කරන්න වත්කමක් තිබුණෙ නෑ. ඒ නිසා රැකියාවකට යොමු වුණා.  ඒ අතරෙත් නිතිය පිළිබඳ ඉගෙන ගෙන මිනිස්සුන්ට උදව් කරන්න ඕනෙ කියලා හිතලා ලෝ එන්ට්‍රන්ස් කළා. නමුත් ලකුණු මදි වුණා. එතැනින් පස්සෙ ගුවන් සේවිකාවක් වීමේ සිහිනය හිතේ පැල්පදියම් වෙලා තිබුණා. ඒ සඳහා අයැදුම් කළ දාහක පිරිසක් අතරින් මුල්ම අටදෙනා අතරටත් තේරුණා. ඒත් ගුවන් සේවිකාවක් වෙන්න බැරි වුණා.


ඔබ රංගනයට පිවිසුණා?

නැහැ. වැඩකරපු දුරකථන සමාගමෙන් ඉවත් වෙලා තමයි ගුවන් සේවිකාවක් වෙන්න හැදුවෙ. අන්තිමේ ඒ දෙකම නැති වෙලා ඉන්න අතරෙ අහම්බෙන් රොසෑන් ඩයස් මහත්මිය මුණගැහෙනවා. ඇගේ ගුරුහරුකම් ඇතිව නීරූපණ ක්ෂේත්‍රයට එක් වුණා. ඒ නිළියක වීමේ අදහසින් නැහැ. ඒ කාලෙ මම රංගනයට එකතු වෙනව කියන එක හිතකවත් නොතිබුණු දෙයක්.  එත් අහම්බෙන් හමුවූ පිරිසක් මාව නිළියක් කළා.


ඔබ එතැනට ගියා?

නොගිහින් ඉන්න හැදුවත් අර නිලධාරිනිය කිව්වා අද ෆස්ට් ෆ්ලෝ එකේ ටෙලි නාට්‍යයක ඔඩිෂන් තියෙනවා. ඒ අය මිස් හෙව්වා ගිහින් බලන්න කියලා.  මම එතැනට ගියා. හැමෝම මාව සුහදව පිළිගත්තා. බලෙන් වගේ දෙබසක් කියවන්න දුන්නා. අත්පුඩි විසිල් ගහල සිලෙක්ට කර ගත්තා. 


ගායන ක්ෂේත්‍රය ගැන කතා කළොත්?

චුවින්ගම් - සාරි පොටේ වැනි ගීත කීපයක්ම මම ගායනා කරලා තියෙනවා විෂුවල් එක්කම.


මම බොලිවුඩ්වලට යන්න හීන මවපු කෙනෙක්. මට ලැබෙන ජනප්‍රියත්වය ප්‍රේක්ෂක ආදරය ආකර්ෂණය නිරතුරුවම සමාජ මාධ්‍ය ජාල ඔස්සේ රැව්පිළි රැව් දුන්නා. 


ඒ හරහා අයහපත් ප්‍රතිචාරත් ලැබෙනවා වෙන්ද?

එහෙම දෙයක් තියෙනවා. අනුන්ට චරිත සහතික දිදි තමන්ගේ වැඩ පාඩු කරගෙන රටේ නැති කයි කතන්දර කියන පිරිසකුත් ඉන්නවනෙ. ඒ අයගෙ රාජකාරිය ඕකනෙ. 


කියන තරම් ඉඩක් කලාව තුළ ඔබලාට නැහැ කිව්වොත්?

මම පිළිගනෙ නෑ. දැන් තියෙන්නෙ නිර්මාණවල හිඟයක්. නිර්මාණ බිහි වෙනවා නම් ඉඩකඩ ඕන තරම් තියෙනවා.


ඔබේ දක්ෂතා පෙන්නන්නට හැකි වුණේ ?

දායක වූ හැම නිර්මාණයක් හරහාම ඒ දේ සිද්ධ වුණා. 


අද දවසේ ඔබ?

කොටස් 40 ක විතර ටෙලිනාට්‍යයකට ආරාධනාවක් තියෙනවා. මේ මාසෙ හිරු මෙගා ස්ටාර් සිසන් එ් පටන් ගැනීමට නියමිතයි . එහි නිවේදන කටයුතුවලට ආරාධනා ලැබිලා තියෙනවා. ඒ සඳහා සූදානමින් ඉන්නවා.  


මේ දවස්වල අලූත්ම මෝටර් රථය නිසා ලොකු කතාබහකට ලක් වෙනවා?

හිතේ තිබුණ තවත් සිහිනයක් සැබෑ කර ගනිමින් මම බෙන්ස් කාර් එකක් ගත්තා.  මගේ ජීවිතේ සම්බන්ධයෙන් මම දකින සිහින හැම එකක්ම ඒ අයුරින් සැබෑ වෙනවට මම ගොඩක් කැමැතියි. හැබැයි ඉටු නොවෙන සිහින ගැන මගේ කිසිම පසුතැවිල්ලකුත් නෑ. 


ධම්මික හේවාවසම්