යොවුන් සිත් වසඟයට පත්කළ උන්මාදනීය වූ විරහා ගීත කෝකිලයා මිල්ටන් මල්ලව ආරච්චි සොඳුරු කලාකරුවාගේ ජීවන මංපෙත එකලු කළ ගී ලොව විචිත්ර චාරිකාව මූලික කරගනිමින් නිර්මාණය වූ ‘එදා රෑ‘ චිත්රපටයේ පූර්ව ප්රචාරක පටය සහ ගීත එළිදැක්වීමේ උත්සවයක් පසුගියදා බම්බලපිටිය මැසේජ්ටික් සිටි සිනමා ශාලා පරිශ්රයේදී පැවැත්විණ.
සංගීතමය සිනමා කෘතියක් වන මෙහි මිල්ටන් මල්ලවආරච්චි එදා ගැයූ අතිශය ජනප්රියතම ගීත විසි හයක් ‘එදා රෑ‘ සඳහා ඇතුළත්ව ඇති අතර, රොෂාන් රවින්ද්ර, නෙත්මි රොෂෙල්, සෙනාලි ෆොන්සේකා, ශේෂාද්රි ප්රියසාද්, රොෂාන් රණවන, නිහාරි පෙරේරා, සාරංග දිසාසේකර, ජනිත් වික්රමගේ, විශ්ව කොඩිකාර, දිනෙත් ද සිල්වා, කළන ගුණසේකර, හිරාන් යට්ටෝවිට, ෆර්නි රෝෂණි, හිමාලි සයුරංගි, සප්නා පාදුක්ක, පියුමාලි එදිරිසිංහ, හේෂරාවී වරංගනා ඇතුළු රංගන ශිල්පීන් අති විශාල පිරිසක් රංගන දායකත්වය දක්වා ඇත.
අරුණ ජයවර්ධන විසින් අධ්යක්ෂණය කර ඇති ‘එදා රෑ‘ තිර රචනය, සුනෙත් මාලිංග ලොකුහේවා සමඟින් ප්රියනාත් විදානපතිරණ ගෙනි. ආචාර්ය අරෝෂ ප්රනාන්දු, රනිල් මල්ලවආරච්චි සහ නිරාශා මල්ලවආරච්චි සම නිෂ්පාදනයෙන් දායකව ඇති ‘එදා රෑ‘ චමක මංජුලගේ නිෂ්පාදනයකි. කැමරා අධ්යක්ෂණයෙන් චන්න දේශප්රිය, සංස්කරණය සහ වර්ණ සංකලනයෙන් ශාන් අල්විස්, සහය අධ්යක්ෂණයෙන් තරිඳු ආරච්චිගේ, පසුබිම් සංගීත අධ්යක්ෂණයෙන් සුරේෂ් මාලියද්ද, ගීත ගායනයෙන්, රනිල් මල්ලවආරච්චි, පවන් මල්ලවආරච්චි, තාරක මල්ලවආරච්චි, උරේෂා රවිහාරි හා සමිතා මුදුන්කොටුව එක්ව ඇත. ධම්මික සල්වතුර ලියූ කතාවක් අනුව නිර්මාණය වූ ‘එදා රෑ‘ වන් ලයින් ප්රඩක්ෂන් සහ එන්ටර්ටේන්මන්ට් සාඩම්බර ඉදිරිපත් කිරීමකි.
