මෙරට කලා ක්ෂේත්රය තුළ මෑත කාලයේ කාගේත් වැඩි කතාබහට සහ ආදරයට පාත්ර වුණු ආදරණීය තරු යුවළක් තමයි ජනප්රිය රංගන ශිල්පී ඉසුරු ලොකුහෙට්ටිආරච්චි සහ රංගන ශිල්පිනී දේශානි නෙහාරා කියන්නේ. Arts & Entertainment
කාලයක් තිස්සේ බොහෝ දෙනෙක් බලාපොරොත්තුවෙන් හිටපු ඒ සුන්දර ආදර කතාව අද නිල වශයෙන්ම මංගල්යයකින් කෙළවර වී තිබෙනවා.
තමන් සහ දේශානි යුග දිවියට පිවිසි බවට වන මෙම උණුසුම් හා සුබ ආරංචිය ඉසුරු ලොකුහෙට්ටිආරච්චි විසින් මීට සුළු මොහොතකට පෙර ඔහුගේ නිල ෆේස්බුක් ගිණුම හරහා රසිකයින් සමඟ බෙදා ගැනීමට පියවර ගෙන තිබුණා. කිසිවෙකුත් නොසිතූ මොහොතක ඔහු මුදාහැරි මෙම ආදරණීය පුවතත් සමඟ මුළු සමාජ මාධ්යයම උණුසුම් වී අවසන්.
පුංචි තිරය මෙන්ම රිදී තිරය හරහාද ප්රේක්ෂකයින් පිනවූ ඉසුරු ලොකුහෙට්ටිආරච්චි කියන්නේ ලංකාවේ ඉන්න ඉතාම දක්ෂ වගේම ඕනෑම චරිතයකට අමතක නොවන සාධාරණයක් කරන ප්රවීණ රංගන ශිල්පියෙක්. ඒ වගේම රූපශ්රීයෙන් හා රංගන හැකියාවෙන් ප්රේක්ෂක හදවත් දිනාගත් දේශානි නෙහාරාත් මේ වන විට කලා ක්ෂේත්රයේ කැපී පෙනෙන චරිතයක්. මේ දෙදෙනාගේ ආදර කතාවට මුල සිටම රසිකයින්ගෙන් ලැබුණේ නොඅඩු ආශිර්වාදයක්.
ඉසුරු තමන්ගේ මංගල පුවත ෆේස්බුක් හරහා පළ කර සුළු මොහොතක් ගත වෙද්දී, කලා ක්ෂේත්රයේ තරු රැසකින් මෙන්ම ඔවුන්ට ආදරය කරන දහස් සංඛ්යාත රසික රසිකාවියන්ගෙන් මේ වන විට උණුසුම් සුබපැතුම් ගලා එමින් පවතිනවා. අලුත් ජීවිතයක් අරඹමින් යුග දිවියට පිවිසි ඉසුරු සහ දේශානි ආදරණීය යුවළට දිවි ගමන සාර්ථක වේවා යැයි අපිත් උණුසුම් සුබපැතුම් එක් කරමු!
