ගමේ කෙල්ලෙක් කොළඹට ආවාම ඇයට ඒ අලුත් සමාජය දැනෙන්නේ වෙනස්ම අත්දැකීමක් විදියට. ඉතින් අද කතා කරන්නේ ඒ වගේ කෙල්ලෙක් කොළඹ කට්ටිය සමග එකතු වෙලා කරන්න යන ගේමක් ගැනයි. ‘පිරිමි ළමයි’ ටෙලිනාට්යයේ දිල්හාරා චරිතයට පණපොවමින් ප්රේක්ෂක අවධානය දිනාගත් මේ රංගන ශිල්පිනිය තමයි සුජානි මධුවන්ති. ඉතින් ‘හාට්’ අපේ මේ සූදානම සුජානි සමග කතාබහක නිරත වෙන්නයි.Sri Lanka Latest News
මේ දිනවල සුජානි කොළඹ කට්ටිය සමග එකතු වෙලා අමුතු ගේමක් ගහන්න සූදානම් වෙනවා නේද?
ඔව්. කොළඹ කට්ටියට එකතු වුණා. බලමු නේද ප්රේක්ෂකයන් අපිව භාරගන්න විදිය.
පසුගිය දිනවල පිරිමි ළමයින්ට කොටුවෙලා ඒ ලබපු අත්දැකීම ගැන කතා කළොත්?
මට හමුවුණු හොඳ නිර්මාණයක්. දිල්හාරා ප්රේක්ෂකයන් අතරට ගිය චරිතයක්. කාලෙක බැණුම් අහනවා. තවත් කාලෙක හොඳ ඇහුවා. දිල්හාරා ගැටුම්, ප්රශ්න ගොඩකට මුහුණ දෙමින් හොඳ පැත්තකට ආපු චරිතයක්. පෑන් තුඩින් සද්ධාමංගල සර් මගේ චරිතය ඉතා ලස්සනට හැඩගස්වලා තිබුණා. සර්ට මම ගොඩක් ස්තුති කරනවා. මගේ චරිතය එක තැනක පල් නොකර ප්රේක්ෂකයන් අතරට ගෙන ගිය එකට.
ඒ තුළ විනිවිද බවක් පේනවා නේද?
ඇත්තටම ඔව්. මට ප්ලේ කරන්න ගොඩක් දේවල් තිබුණා. දිල්හාරා චරිතය හරහා. රංගන ශිල්පීන් බලාපොරොත්තු වෙන්නෙත් ඒ දේ තමයි. ඔවුන්ගේ දක්ෂතාව චරිතයක් තුළින් පෙන්වන්න. එකම රාමුවකට කොටු නොවී මගේ රංගනය පෙන්වන්න ඉවහල්වුණු චරිතයක්.
පිරිමි ළමයින්ගෙන් වැඩි අවධානයක් තියෙන්නේ ඇති නේද සුජානිට?
දිල්හාරා චරිතයත් සමග මට පිරිමි ළමයින්ගේ අවධානය අඩු වුණා. මොකද චරිතය මුල් කාලයේ බැණුම් අහන්න සිදුවුණා. පස්සේ පස්සේ ප්රේක්ෂකයන්ගේ අවධානය වැඩි වුණා. තවමත් ඒ ප්රතිචාර අඩුවක් නැහැ.
ප්රේක්ෂකයන් ගොඩක් දුරට ශිල්පීන් මනින්නේ රඟපාන චරිත අනුව නේද?
මම රඟපාන චරිත අනුව තමයි මට ලැබෙන ඉල්ලුම නිර්මාණය වෙන්නේ. ඉල්ලුමක් ආවා නම් ආවේ ඒ චරිතය හරහා විතරයි. මගේ දක්ෂතාව දකින්නේ මම රඟපාන චරිත හරහා. මට නිර්මාණවලට ආරාධනා ලැබිලා තියෙනවා දිල්හාරාගේ චරිතය දැකලා. දැනට මම කරලා තියෙන නිර්මාණ එක්ක අනවශ්යයි කියලා චරිත ලැබිලා නැහැ. ඒ වගේ හොඳ විදියට ආරාධනා ලැබෙන්නේ මම හොඳ විදියට ගනුදෙනු කරලා තියෙන නිසා.
වසන්ත විතාරණගේ
