ටෙලිනාට්ය රැසක විවිධ චරිත නිරූපණය කරමින් ඔබට සමීප වුණ ඇය, අද වන විට දක්ෂ නිවේදිකාවක් මෙන්ම දක්ෂ රංගන ශිල්පිනියක ලෙස ප්රේක්ෂක ආදරය නොඅඩුව දිනා සිටින්නීය. ‘සුසුම් රස්තියාදුව‘ ටෙලිනාට්යයේ රුවිනි හරහා කාගේත් අවධානය දිනාගත් නිමේෂා, මේ දිනවල සූදානම් වන්නේ ජාත්යන්තරය ජය ගැනීමටයි. 2026 වියට්නාමයේ පැවැත්වෙන ‘ලෝක සංචාරක විවාහක රූ රැජින‘ තරගාවලියට ලංකාව නියෝජනය කරමින් සහභාගි වන ඇය, සිය වෘත්තීය ජීවිතයේ සහ පෞද්ගලික ජීවිතයේ අලුත් තොරතුරු මෙලෙස අප හා බෙදා ගත්තාය.Sri Lanka Latest News
නිමේෂා මේ දවස්වල කොහොමද ඔබගේ කලා කටයුතු?
මේ දිනවල මම එහෙම ලොකුවමට වැඩ භාරගත්තේ නැහැ. ජාතික රූපවාහිනියේ නිවේදන කටයුතු කරගෙන යනවා. එයට අමතරව පුහුණුවීම් කටයුතු කරගෙන යනවා.
අලුත් වැඩකටයුත්තකට සූදානම් වෙන බව ආරංචියි?
ඔව්. මම මේ දවස්වල ලෝක සංචාරක විවාහක රූ රැජින තරගාවලියට පුහුණුවීම් කරගෙන යනවා. ලෝක සංචාරක විවාහක රූ රැජින 2026 තරගය මෙවර වියට්නාමයේ පැවැත්වෙන්නේ. එයට රටවල් ගණනාවකින් තරගකාරියන් සහභාගි වෙනවා. තව මාස කීපයකින් ඒ තරගය වෙනුවෙන් ඉදිරිපත් වීමට ඒ වෙනුවෙන් පුහුණුවීම් කටයුතු සඳහා උපරිම මහන්සි වෙනවා. රුක්මාල් සේනානායක සහ තාරක ගුරුකන්ද දෙදෙනාගේ මගපෙන්වීම යටතේ තමයි මට මේ වටිනා අවස්ථාව ලැබුණේ.
‘සුසුම් රස්තියාදුවෙන්’ පසු නිමේෂා රඟපෑම් නතර කළාද?
මම රංගන කටයුතු නතර කරලා නැහැ. නිර්මාණවලින් ආරාධනා ලැබුණා. ඒත් මම මේ තරගය නිසා නිර්මාණ මොනවත් භාරගත්තේ නැහැ. සුසුම් රස්තියාදුව ටෙලිනාට්යයේ මම රඟපෑවේ රුවිනි චරිතය. චාන්දනී සෙනෙවිරත්නගේ ලේලියගේ චරිතය. මට එතුමිය සමග රඟපාන්න ලැබුණා කියන්නේ රංගන පාසලකට සම්බන්ධ වුණා හා සමානයි. රුවිනි චරිතයට මට වැඩිපුර ප්රතිචාර ලැබුණේ විදේශීය රටවල සිටින මගේ ආදරණීය ප්රේක්ෂක ජනතාවගෙන්.
ඔබ මේ විදියට නිර්මාණ තෝරා බේරාගෙන වැඩ කරන්න විශේෂ හේතුවක් තියෙනවද?
එයට විශේෂ හේතු කිහිපයක් තියෙනවා. ඒ කරුණු කාරණා එක්ක ලංකාවේ දක්ෂ පිරිසක් ඉන්නවා ඉතා සීමිත ප්රමාණයක රඟපාන අය. ඉතින් ඒ වගේ දක්ෂ පිරිසක් සමග එකතු වෙලා මමත් වැඩ කරන්න කැමැතියි. මම වැඩකරපු ‘රන්තිලි වැව’ ටෙලිනාට්යයේ ප්රේමා චරිතයට ප්රේක්ෂකයන් වගේම මමත් ගොඩක් කැමැති වුණා. ඒ තෝරා බේරාගෙන වැඩ කරපු නිසා.
අම්මාගේ අතේ එල්ලිලා ආපු නිමේෂා අද ජනප්රිය නිවේදිකාවක්?
ඇත්තටම ඔව්. මගේ මවුපියන්ට තමයි ලොකුම වුවමනාව තිබුණේ මාව මේ ක්ෂේත්රයට සම්බන්ධ කරන්න. මමවත් මගේ පාසලේ ගුරුවරුන්වත් නොදැකපු මගේ දක්ෂතාවන් මගේ අම්මා තේරුම් ගත්තා. අම්මා තමයි මාව මුලින්ම රූපවාහිනයේ ළමා නිවේදනයට එක්කගෙන ගියේ. එදා මම මොනවත් කිව්වේ නැහැ. ඔහොම ඉතින් අම්මගේ උත්සාහය සමග මමත් අම්මා එක්ක ගියා. 2007 ස්වාධීන රූපවාහිනියේ අවුරුදු කුමරිය තරගයේ තුන්වැනි ස්ථානය මට ලැබුණා. ඒ හරහා තමයි ස්වාධීන රූපවාහිනියේ මම මුලින්ම නිවේදන කටයුතු කළේ. පසුකාලීනව ජාතික රූපවාහිනියේ අවුරුදු කුමරිය තුන්වැනි ස්ථානයත් මට හිමිවුණා. ඒ හරහා තමයි මට ජාතික රූපවාහිනියේ හැදෑරීමත් සමග නිවේදිකාවක් වෙන්න අවස්ථාව ලැබුණේ. නුග සෙවන, හිරු වියන, නැණ මිහිර, සංවර්ධන ලොතරැයි නිවේදන කටයුතු කරන්න අවස්ථාව ලැබුණා.
මේ සියලු වැඩකටයුතු සමග ඔබ බිරිඳක්. ඒ වැඩකටයුතු කරගෙන යන්නේ කොහොමද?
ඒක තමා ලොකුම ප්රශ්නය. ඉතින් මම මේ හැම දේම ඉතා හොඳට සැලසුම් කරගෙන වැඩ කරන්නේ. හැබැයි මොන දේ කළත් සැමියාගෙන් සහායක් නැතුව මේ කිසිම දෙයක් කරන්න බැහැ. මේ හැම දේම බිරියක් විදියට කරන එක ලේසි පහසු දෙයක් නෙවෙයි. මම මොන දේ කළත් මගේ පවුල අංක එක තමයි.
ඒ කියන්නේ හස්බන්ඩ් ඔබව තේරුම් අරන් කියන එකද?
තේරුම් අරන් විතරක් නෙවෙයි. ඔහු දෙන සපෝට් එක ගොඩක් වටිනවා. මම බඳින්නේ නෑ කියලා හිතපු කාලයක තමයි මට ඔහුව හමුවුණේ. ඔහුගෙන් නීති නැහැ. රණ්ඩු නැහැ. ඔහු මලිත් ගිහාන් විතාන. සංචාරක ක්ෂේත්රයේ අධ්යක්ෂවරයකු ලෙස කටයුතු කරනවා. මගේ සාර්ථකත්වයට ඔහුගෙන් ලැබෙන සහාය ලොකු ශක්තියක්. ඉතින් මගේ වැඩකටයුතු නිදහසේ කරගෙන යන්න පුළුවන් ඔහු දෙන නිදහස සමග.
වසන්ත විතාරණගේ