කොහේ ඇවිදින්න ගියත් සාප්පු සවාරියක් නම් යන්නම ඕනෑ - රුවන්ගි රත්නායක

Tuesday, November 02, 2021 , 0 Comments





රුවන්ගි රත්නායක කියන්නේ ලංකාවේ ඉන්න ජනප්‍රිය නිළියක්. ඉතිං ඇය පුවත්පතක් සමඟින් ඇය Travel කරන්න කැමැති තැන් ගැන මෙලස පවසා තිබුනා.


රුවන්ගි මොනවාද මේ දවස්වල අලුත් තොරතුරු?


මේ දවස්වල අලුත් තොරතුරු තමයි එක්තරා නාලිකාවක ටෙලිනාට්‍යයක වැඩ කටයුතු පටන් ගත්තා. ඊට අමතරව නම් ගෙදරට වෙලා විවේකීව ඉන්නවා.


රුවන්ගි ඔබ Travel කරන්න කැමති කෙනෙක්ද?


Travel කියන දෙයට ගොඩක් කැමති වගේම ගොඩක් ආදරය කරන කෙනෙක්.


ඔබ Travel කියන දේ කුඩා කාලයේ සිට කරනවාද?


මෙහෙමයි. කුඩා කාලයේ ඉඳන්ම ඇවිදින එක කළා. නමුත් ඒ කාලයේ අපිට යම්කිසි සීමාවක් තියෙනවා. නමුත් දැන්නම් එහෙම නෑ. මම විවේකයක් ලැබුණොත් Travel එකක් කරනවා.


මේ වනතුරු ඔබ කරපු Travel වලින් ඔබේ හිතට දැනිච්චම ගමන මොකක්ද?


මම ලංකාවෙ ගොඩක් තැන්වල ඇවිදලා තියෙනවා. ඒ වගේම විදෙස් සංචාරත් කිහිපයක්ම කරලා තියෙනවා. ඒ අතරින් මම වඩාත්ම කැමති ඩුබායි වල කරපු සංචාරයට.


ඇයි ඔබ ඩුබායි ගමනට එච්චරටම කැමති?


මම ඩුබායි ගමන ගියේම Shopping කරන්නයි. ඒ විතරක් නෙවෙයි ලස්සන ලස්සන තැන් කිහිප තැනකටමත් යන්න පුළුවන් වුණා. මම පිටරට සංචාරයක් කළොත් ඒ සංචාරයේදී Shopping කියන දේ මට ඕනි විදිහට කරන්න පුළුවන් වුණොත් තමයි ඒ ගමන සම්පූර්ණ වෙන්නෙ. ඒ නිසා තමයි මම ඩුබායි ගමන ආසා කරන්නේ.





ඩුබායි ගමනේදී සිදුවුණු අමතක නොවන සිදුවීම් එහෙම ඇති නේද?


ඒ ගමනේදී සිදුවුණු අමතක නොවන සිදුවීම තමයි වැඩිය කාටවත් ලෙහෙසියෙන් යන්න බැරි Atlants හෝටලයට යන්න පුළුවන් වුණා. ඒ අවස්ථාව නම් මට කවදාවත් අමතක වෙන්නේ නෑ.


විදෙස් සංචාර වගේම ලංකාවේත් බොහෝ තැන්වල ඔබ ඇවිදපු කෙනෙක් හැටියට ලංකාව ඇතුළත ඔබ Travel කරන්න වඩාත් කැමති තැන් එහෙම ඇති නේද?


ඔව්. ගොඩක් තැන් තියෙනවා. ඒත් මම වැඩිපුර කැමති මුහුද ආශ්‍රිත තැන්වලට යන්න. ඒ කියන්නේ පහතරට ප්‍රදේශවල වගේ. එක දිගට වැඩකරලා විවේකයක් අවශ්‍ය වුණොත් මම මාතර, ගාල්ල, හික්කඩුව, උණවටුන වගේ පැතිවලට තමයි යන්නේ.


රුවන්ගි ඔබ Travel කියන දේ මොන විදිහටද දකින්නේ?


මම හිතන්නේ Travel කියන්නේ අපි කැමති අය සමඟ ඇවිදින්න යන එකම කියලයි. ඒ දේ මටනම් අත්‍යවශ්‍ය දෙයක් කියලා තමයි හිතෙන්නේ. ඒ මම Travel වලට ආදරය කරන නිසායි. ගොඩක් වෙලාවල්වලට අපි වැඩි හරියක් ඉන්නේ කොළඹ ගෙවල් ඇතුළටම වෙලායි. ඒ නිසා දුර පැත්තකට ගිහිල්ලා ඇවිදලා නිදහසේ ඉඳලා එන එක මට නම් අත්‍යවශ්‍යයි කියලා හිතෙනවා.


ඔබ Travel එකක් කරන්න වැඩිපුර කැමැති කාත් සමඟද?


ඒ දේ ගමනෙන් ගමනට වෙනස් වෙනවා. මම පවුලේ අය සමඟත් Travel කරන්න කැමතියි. මගේ මහත්තයා එක්කත් යන්න කැමැතියි. යහළුවෝ එක්කත් යන්න කැමැතියි. ඒ සියලු දේ අපි තෝරාගන්න ගමන අනුව වෙනස් වෙනවා.


රුවන්ගි ඔබ කවදාවත් නොගියපු නමුත් යන්න ආසාවෙන් ඉන්න තැනක් තියෙනවාද?


මට ලොකු ආසාවක් තියෙනවා ග්‍රීසියට යන්න. ඒකට හේතුව තමයි මම අහලා තියෙනවා ග්‍රීසිය ගොඩක් ලස්සන රටක් කියලා. ඉතින් මම මගේ මහත්තයත් එක්ක ග්‍රීසියට යන්න ආසාවෙන් තමයි ඉන්නේ.


ඔබ වගේ Travel කරන හෝ කරන්න ආසාවෙන් ඉන්න අයට කියන්න දෙයක් තියෙනවාද?


මම හිතනවා පෞද්ගලිකව සෑම කෙනෙක්ම කැමති Travel කරන්න. අපි ආස තැන්, අපි කරන්න කැමැති දේවල් ඕනේ තරම් තියෙනවා. නමුත් අපි හැම වෙලේම අපගේ ආර්ථික මට්ටම සමාජ මට්ටම අනුව තමයි අපි Travel කරන්න සැලසුම් කරන්න ඕනේ. ඒ දෙය තමයි ලොකුම දේ. සමහර වෙලාවල්වලදී අපේ හිතේ තියෙන ලොකු බලාපොරොත්තු හැබෑ කරගන්න ගිහිල්ලා අමාරුවේ වැටුණු අවස්ථා දැකලා තියෙනවා. ඒ නිසා මම කියන්නේ අපිට ගැලපෙන විදිහට තමයි අපි Travel කරන්න තෝරාගන්න ඕනේ කියලා මම කියනවා.