ආදරය විඳින විදිය එක්ක ආදරය ගැන හිතන විධිය වෙනස් වෙනවා- රිතු ආකර්ෂා

Thursday, November 11, 2021 , 0 Comments

 


හිරු නාළිකාව ඔස්සේ විකාශය වන 'මහවිරු පඩු" ටෙලි වෘතාන්තයේ ගුම්භකභූතාගේ චරිතයට පණ පොවන ඇය ප්‍රේෂකයන්ට වඩාත් සමීප වූයේ  උතුම් පැතුම්හි වරුණිගේ චරිතය තුළින්ය. නිතර සිනාමුසු මුහුණින් සිටින ඇය රිතූ ආකර්ෂාය. ඇයගේ තොරතුරු ගැන මෙලසෙ පුවත්පතක් සමඟින් ඇය පවසා තිබුනා.


කොහොමද මේ දවස්වල ජීවිතේ?


මේ දවස්වල ජීවිත් ටිකක් කාර්යබහුල වුණා. සමන් කුමාර මහත්මයාගේ අලුත් නිර්මාණයකට සම්බන්ධ වුණා. ඒ වගේත්ම මහවිරු පඬු ටෙලි නාට්‍යයේ රූගත කිරීම සිදු කරනවා. ඊට අමතරව හිරු නාළිකාවේ නිවේදන  කටයුතුත් සිදුකරනවා. කාර්යබහුල වීමත් සමඟ ටිකක් අපහසුයි. ඒ වුණාට මම වැඩ කරන්න ආසයි.


පහුගිය කාලෙ ඔබව දකින්න ලැබුණේ අඩුවෙන්?


මම ක්‍ෂේත්‍රයට ආපු කාලයේ සිටම මම දිගටම වැඩ කළා. පහුගිය කාලයෙත් ඇය ටෙලි නාට්‍යයේ සිටියා.


නිවේදන කටයුතු ගැන කතා කරමු?


මම හිරු නාළිකාවේ ජල්ලි ජකිරි වැඩසටහන කරනවා.


ජල්ලි ජකිරි වැඩසටහනේ රසවත් සිදුවීම් එහෙම වෙලා නැද්ද?


ඒක ගේම් ශෝ එකක්. පිරිමි ළමයි සහ ගැහැනු ළමයි අතරනේ තරග තියෙන්නේ ඉතින් බොහෝ වෙලාවට මම හොර කරනවා. ගැහැනු ළමයින්ගෙ පැත්තට මම උදවු කරනවා. මම එහෙම කරන්නෙ නරක අදහසකින් නොවෙයි. එයින් වැඩසටහන තවත් රසවත් වෙන නිසා සහ නරඹන ප්‍රේක්ෂකයන් සතුටු වෙන නිසා. එම නිසා පොඩි පොඩි හොර වැඩ කරනවා.


නපුරු චරිතවලමද වැඩිපුර රගපෑවේ?


මම නපුරු චරිතම කරලා නැහැ. බොහෝ දෙනෙක් මගෙන් ඔය ඉන්නේ අහනවා. ඇත්තටම මම උතුම් පැතුම් ටෙලිනාට්‍යයේ පමණයි එවැනි නපුරු චරිතයක් කළේ. ඒ නිසා බොහෝ අය සිතන්නේ මමත් නපුරු කෙනෙක් කියලා.


උතුම් පැතුම්හි වරුණි විධියටද ප්‍රේක්‍ෂකයන්ට තාමත් ඔබව මතක?

ඔව්. ප්‍රේක්ෂකයන්ට මාව තාම මතක වරුණි විධියට. අදටත් බොහෝ දෙනෙක් මට කතා කරන්නේ වරුණි කියලා. උතුම් පැතුම් නැවත විකාශය වීම මම නැවත ඉපදුණා වගේ. බොහෝ දෙනෙක් මගේ මුහුණු පොතට, ඉස්ටග්‍රෑම් ගිණුමට බොහෝ පණිවුඩ එවලා තිබුණා. කොවිඩ් නිසා නිවසට වෙලා හිටපු බොහෝ දෙනෙක් එය නරඹලා මට පණිවුඩ එවලා තිබුණා. මම සිතනවා මම ඒ චරිතයට සාධාරණයක් ඉටු කරලා තිබෙනවා කියලා. ඇත්තටම හරිම සතුටුයි.


ගුම්භකභූතාට ලැබෙන ප්‍රතිචාර කොහොමද?


හිරු නාළිකාවේ විකාශය වන මහවිරු පඬු ටෙලි නාට්‍යයේ මම රඟපාන ගුම්භකභූතා ගේ චරිතයට හොඳ ප්‍රතිචාර ලැබෙනවා. එය ඓතිහාසික රජ කතාවක්. මට රිතූ කියලා කතා කරනවාට වඩා බොහෝ දෙනෙක් කතා කරන්නේ මම කරන චරිතවල නමින්. මම හිතන්නේ මම ඒ චරිතයට සාධාරණයක් ඉටු කරන නිසා වෙන්න ඇති. ප්‍රේක්‍ෂකයන්ගේ සිත් තුළ එම චරිත රැඳෙන්නේ එම නිසානේ


ක්‍ෂේත්‍රයට එන බොහෝ පිරිසකගේ පැවැත්ම හරිම අඩුයි. ඇයි එහෙම වෙලා තිබෙන්නේ?


එය කරන්නේ මාධ්‍ය විසින්. අද කාලයේ ක්‍ෂේත්‍රයට එන නවකයන් බොහොම දක්ෂයි. අපි ක්ෂේත්‍රයට ආපු කාලයේ අපේ අඩුපාඩු අධ්‍යක්‍ෂවරුන් හැදුවා. එහෙම හදලා තමයි මේ තැනට ගත්තේ. නමුත් දැන් එන අයගෙ අඩුපාඩු අඩුයි. දක්ෂ, ලස්සන ළමයි ක්‍ෂේත්‍රයට එනවා. මම දන්නේ නැහැ ඔවුන්ට පවතින්න ලැබෙන්නේ නැත්තේ ඇයි කියලා. ඒක හරි අසාධාරණයි. එයාලට දක්ෂතා පෙන්නන්න අවස්ථාවක් නැහැ කියලත් හිතෙනවා.


මෙගා ස්ටර්ස් නර්තන අත්දැකීම පිළිබඳව කතා කළොත්?


මෙගා ස්ටාර්ස් සීසන් 2 එකෙත් මම අවසන් තරගකරුවන් අතරට පැමිණියා. මෙගා ස්ටර්ස් සීසන් 3 එකෙත් අවසාන දස දෙනා අතරට පැමිණියා. ප්‍රේක්ෂකයන් කැමැතියි අපිව විවිධ විධියට දකින්න. ප්‍රේක්ෂකයන් ඒ බව මට කියලා තිබෙනවා. එම නිසයි මම එම රියැලිටි වැඩසටහන් සඳහා සම්බන්ධ වුණේ. මම කැමැති රඟපාන්න.


සම්මාන ගැන මොකද හිතන්නේ?


ප්‍රේක්‍ෂකයන් තමයි මගේ සම්මානය. මඟතොටදි මුණගැහිලා අපි කළ චරිතවල නමින් අපිට කතා කරන එක මට සම්මානයක් වගේ. සම්මාන බලාගෙන වැඩ කරන්න ගියොත් හොඳ රංගන ශිල්පිනියක් වෙන්න බැහැ කියලා මම හිතන්නේ. අපි කරන වැඩේ හරියට කරලා ප්‍රේක්‍ෂකයන්ගේ ආදරය දිනාගන්න එක හොඳටම ඇති. නමුත් කවදාහරි දවසක හොඳම නිළිය සම්මානය ලබා ගන්න මට බලාපොරොත්තුවක් තිබෙනවා


රිතූ ආදරය ගැන මොකද හිතන්නේ?


ආදරය ගැන ජීවිතේ එක එක කාලවලදී හිතෙන්නේ වෙනස් විධියට. ආදරය විඳින විධියත් සමග ආදරය ගැන හිතෙන විධියත් වෙනස් වෙනවා.


ඔබ ආදරය විඳිනවාද?


නැහැ. මම ආදරය හරියට විඳින්න නොලැබුණු කෙනෙක්.


ජීවිතයට සහකාරයෙක් සොයා ගන්න අදහසක් නැද්ද?

සහකාරයෙක් සොයාගන්න අදහසක් නැහැ. ලැබුණොත් හොඳයි. ජීවිතේ අපිට ඕනෑ ඕනෑ වෙලාවට දේවල් සිද්ධ වෙන්නේ නැහැ. අවශ්‍ය වෙලාවට ඒ දේවල් සිද්ධ වෙයි කියලා මම හිතනවා. මම කැමැති නැහැ වයස යන නිසාවත් හෝ අනෙක් අය විවාහ වෙන්න කියන නිසා හදිසියේ විවාහ වෙලා පස්සේ දික්කසාද වෙන්න. එම නිසා සුදුසු කෙනා ලැබෙන තුරු සිටිනවා.


ඉදිරි බලාපොරොත්තු මොනවාද?


සතුටින් සිනහ වෙලා ජීවත් වෙන්න වගේම ඉදිරියේදී හොඳ නිර්මාණ සඳහා දායකත්වය දෙන්න බලාපොරොත්තු වෙනවා.


ඉදිරියේදී ඔබව දකින්න පුළුවන් නිර්මාණ මොනවද?

ටෙලි නිර්මාණ දෙකකට ආරාධනා ලැබුණා. එම නිර්මාණ ඉදිරියේදී ප්‍රේක්‍ෂකයන්ට නරඹන්න පුළුවන් වේවි.


කුශාන්ති අනුරාධා බණ්ඩාර