මගේ පෙනුම හින්දා වෙනස් විදියේ චරිත ලැබෙනවා -අනුරාධා එදිරිසිංහ

Thursday, September 30, 2021 , 0 Comments




අනුරාධා එදිරිසිංහ රංගන ශිල්පිනියගේ රඟපෑමේ සුවිශේෂතාව ගැන ඔබට අමුතුවෙන් කිවයුතු නැහැ. විවිධ චරිත නිරූපණය කරමින් ටෙලි නාට්‍ය තුළ ප්‍රතිභාවක් පෙන්වන ඇය තවමත් රිදී තිරයෙන් අපට දැකගන්න ලැබුණේ නැහැ. ඒ ගැන වගේම ඇගේ ඉදිරි කලා කටයුතු ගැන ඇය ෙමලස පුවත්පතක් සමඟින් පවසා තිබුනා.


අනුරාධා මේ දවස්වල පොතට බරවෙලා වගේ නේද?

ඔව්, මේ දවස්වල ගෙදරට වෙලා තමයි ඉන්නේ. නවකතා කියවනවා. චිත්‍රපට බලමින් කාලය ගතකරනවා. වෙන ඉතින් විශේෂ වැඩකටයුතු මොනවත් සිදුවෙන්නේ නැහැ. රටේ තිබෙන තත්ත්වයත් එක්ක එළියට යන්න සුදුසු කාලයක් නෙවෙයි දැන්.


එතකොට ඔබ භාරගත්ත නිර්මාණ කටයුතු කල් දැම්මාද?

මම සම්බන්ධ වුණු නිර්මාණවල රූගත කිරීම් කටයුතු අවසන් කරලා තියෙන්නේ. අලුතෙන් ආරාධනා කරපු නිර්මාණ මේ කොවිඩ් ප්‍රශ්නත් එක්ක පොඩ්ඩක් කල් ගියා.


ඔබ මේ දවස් වල රඟපාන පිංකෙත ටෙලිනට්‍යයේ චරිතයේ වෙනසක් දකිනවා?

ඔව්. මම විවිධ චරිත නිරූපණය කළා. නමුත් දෙවැනි චරිතය වැනි චරිතයක් මම මෙයට පෙර කරලා නැහැ. ඒ නිසාමද කොහෙද මටත් මේ චරිතය තුළ විශේෂත්වයක් දැනුණා.


මෙවැනි සුවිශේෂ චරිත ඔබට ලැබෙනවද නැත්නම් ඔබ චරිත හොයන් යන්වද?

එහෙම විශේෂයක් නැහැ. හැබැයි මම නිරූපණය කරන චරිත දැකලා මට වෙනස් විදියේ චරිත සඳහා ආරාධනා කරනවා, ඒ චරිතවලටත් මම සාධාරණයක් කරයි කියලා විශ්වාසයෙන්. ගැමි චරිත වගේම බටහිර පන්නයේ චරිතත් මම නිරූපණය කරලා තියෙනවා. සමහර විට මගේ බාහිර පෙනුමත් ඊට බලපානවා ඇති.


එක රැයකින් ජනප්‍රිය වෙන ටෙලිනාට්‍ය නළු නිළියෝ ඊළඟට එන්නේ සිනමාවට. ඒත් තවම ඔබට සිනමාවට සම්බන්ධ වෙන්න අවස්ථාවක් ලැබුණේ නැහැ නේද?

චිත්‍රපට සඳහා මම තවම සම්බන්ධ වෙලා නැහැ. එයට හේතුව මොකක්ද කියන්න මම දන්නේ නැහැ. සමහර විට තවම මට ගැළපෙන චරිතයක් නොතිබෙන්නට ඇති. මේ ළඟදි නම් සිනමා නිර්මාණයකට ආරාධනාවක් ආවා. ඒකත් මේ කොරෝනා වසංගතය නිසා කල්ගියා. ගොඩාක් ආශාවෙන් ඉන්නවා හොඳ සිනමා නිර්මාණයකට සම්බන්ධ වෙන්න.


වසන්ත විතාරණගේ