මගේ ප්‍රතිරූපේ පාවා දෙන්නේ නෑ - කස්තුරි ජයවර්ධන

Monday, August 23, 2021 , 0 Comments



‘දෙරණ අවුරුදු කුමරිය’ ලෙසට අභිෂේක ලබමින් චරිතාංග රංගන ශිල්පිනියක ලෙසට රංගන දිවියේ හැඩ වන ඇය කස්තුරි ජයවර්ධන. මේ දිනවල ටෙලිනාට්‍ය කිහිපයකින් ඔබට සමීප වන මේ රුවැත්තිය ඇයෙග් විස්තර ගැන ෙමලස පුවත්පතක් සමඟින් පවසා තිබුනා. 



කස්තුරි දැන් ජනප්‍රිය චරිතයක් බවට පත්වෙලා නේද?

2019 ‘දෙරණ අවුරුදු කුමරි’ තරගාවලියේ මට දෙවැනි ස්ථානය හිමිවුණා. මාව ඉන්පසු ගොඩදෙනෙක් දැනහඳුනා ගත්තා. මම ටෙලිනාට්‍යයක් ලෙසට පළමු වතාවට රඟපෑවේ ‘හුස්මක් තරමට’ නිර්මාණයේ. ඒ අවස්ථාව මට හිමිවුණේ සංගීත් ප්‍රභූ අයියා හරහා.


මේ දවස්වල චරිත කිහිපයකින් ඔබ අප හමුවට එනවා. ඒ ගැන කතා කළොත්?

‘නීල පබළු’ ටෙලිනාට්‍යයේ ‘මහිමා’ ලෙසට තමයි මම රඟපාන්නේ. ‘මහිමා’ චරිතය මගේ ජීවිතයට සමනාකම් තිබෙනවා. ගමෙන් කොළඹට ඇවිත් ගෙවන ජීවිත කතාවක සිදුවීමක් තමයි මම නිරූපණය කරන්නේ. පෝර්ක් වීදියේ ‘ගුරුතුමිය’ක් ලෙසටත්, ‘සැප්තැම්බරයේ දිග දවසක්’ ටෙලිනාට්‍යයේ ‘කුමී’ ලෙසටත් රඟපානවා.


ඔබ නිරූපණය කරන ‘කුමී’ චරිතය තුළින් වෙනස් පැතිකඩකට රැගෙන ගියා නේද?

‘සැප්තැම්බරේ දිග දවසක්’ ටෙලිනාට්‍යයේ ‘කුමී’ චරිතය මම ගොඩාක් කැමැතියි. එවැනි චරිතයක් කිරීමට ආශාවෙන් හිටියේ. ගැමි කාන්තාවක් වයසින් වැඩි පිරිමියෙක් සමග විවාහ වෙලා ඒ ජීවිතයට එන හැලහැප්පිලිත් එක්ක තමයි ‘කුමී’ට ජීවත් වෙන්න සිදුවෙලා තියෙන්නේ.


අවුරුදු කුමරියක් ලෙසට ඔබ ජයග්‍රහණය නොකළා නම් අද මෙතරම් ජනප්‍රිය චරිතයක් බවට පත්නොවන්නත් ඉඩ තිබෙන්නට තිබුණා?

ඔව්… ඒක හරි… ඉතාමත් කෙටි කාලයක් තුළ මගේ ජීවිතයට නොසිතූ විදියට වාසනාව වගේම ආදරය ලැබුණා. ආදරය කියලා මම අදහස් කළේ ප්‍රේම සම්බන්ධයක් නෙවෙයි. ප්‍රේක්‍ෂක ආදරය වැඩිවීමත් එක්ක මාව ඉබේටම ජනප්‍රිය චරිතයක් බවට පත්වීම එක ගැනත් මම සතුටු වෙනවා.


මේ දවස්වල ‘කොවිඩ්’ ප්‍රශ්නත් එක්ක මෙගා නිර්මාණවල රඟපෑමට කලා ශිල්පීන් විරුද්ධත්වයක් ප්‍රකාශ කරනවා, ඔබත් එහෙමද?

‘නීල පබළු’ ටෙලිනාට්‍යයේ තමයි මම එක දිගට වැඩ කරගෙන යන්නේ. ‘නීල පබළු’ නිෂ්පාදන කණ්ඩායම අපිට පුදුම ආරක්‍ෂාවක් දෙනවා. ඒත් දැන් තියෙන තත්ත්වෙත් එක්ක රඟපෑමට යන්න අපිත් බයයි. මොකද නිතරම අපිට මාක්ස් දාගෙන ඉන්න බැහැ. මම වැඩ කරපු නිර්මාණවල සමහර අයටත් ‘කොවිඩ්’ රෝග ලක්‍ෂණ මතු වුණා. ඒත් අපිට දෙවියන්ගේ පිහිටෙන් එහෙම ප්‍රශ්න මතු වුණේ නැහැ. ඒත් එක්ක ‘නීල පබළු’ රූගත කිරීම් කටයුතු නතර කරලා තියෙන්නේ.


ඔබේ ආදරණීය පෙම්වතාගෙන් මොනවගේ සහායක්ද ඔබට තියෙන්නේ?

ආදරය ගැන මම දැම්ම හිතලා නැහැ. මම තවම පොඩි කෙනෙක්. ආදරය ගැන හිතන්නවත් වෙලාවක් නැති තරමට මේ තියෙන වැඩකටයුතුත් එක්ක.


ජනප්‍රිය චරිත නිසා ඔබට විවිධාකාර මිනිසුන්ගෙන් ප්‍රශ්න මතුවෙනවා ඇති නේද?

අපෝ… ඒව නම් ඕනෑ තරම්. නමුත් මගේ ප්‍රතිරූපය පාවා දීමට මම සූදානම් නැහැ. මම රඟපෑමෙන් වුණත් අයින් වෙනවා එවැනි බලපෑම් ආවොත්. හැබැයි අපි හොඳට හිටියොත් අපිට කිසිම කෙනෙක්ගෙන් බලපෑමක් නැහැ.


අද ඔබ මේ සිටින තැන ගැන සතුටුද?

අනිවාර්යයෙන්ම… මගේ රඟපෑම මම වගේම පවුලේ අය දැකලා විඳින තරම් සතුටක් මට තවත් නැහැ. මගේ ගමන හෙමින් ඉදිරියට යන්න තමයි හිතාගෙන ඉන්නේ.


-වසන්ත විතාරණගේ-