බොලිවුඩ් රංගන ශිල්පිනී ආලියා භට් ඇගේ අලුත්ම නිවසේ පැවැත්වුණු මෙවර ගණපති උත්සවයේ සුන්දර ඡායාරූප එකතුවක් සිය රසිකයන් සඳහා විවෘත කර තිබේ. රන්බීර් කපූර්, දියණිය රාහා, නීටු කපූර් සහ ඇගේ පවුලේ සමීපතමයන් පිරිවරා ගනිමින් පැවැත්වූ මෙම පෞද්ගලික සැමරුමේ සුන්දර අවස්ථාවන් රැසක් එම ඡායාරූප අතර වේ.
නව නිවසේ ගණපති බප්පා පිළිගැනීමේ ප්රධාන අවස්ථාව නිරූපණය වන සෙඡායාරූපයේ ආලියා, රන්බීර් සහ කුඩා රාහා ගණපති ප්රතිමාව ඉදිරියේ ආශීර්වාද ලබා ගන්නා අයුරු දැක්වේ. එහිදී ආලියා රෝස පැහැති ඉන්දියානු සාම්ප්රදායික ඇඳුමකින් සහ චාන්ද්බාලි කරාබු යුගලකින් සැරසී සිටි අතර, කුඩා රාහා ද මවගේ ඇඳුමට ගැලපෙන රෝස පැහැති ඇඳුමකින් සැරසී සිටියාය. රන්බීර් කපූර් සුදු පැහැති කුර්තාවකට කහ පැහැති ජැකට්ටුවක් එකතු කරගනිමින් ඉතා ආකර්ෂණීය පෙනුමකින් පෙනී සිටියේය.
තවත් ඡායාරූපයක ආලියා, රන්බීර් සහ නීටු කපූර් එක්ව ගණපති බප්පා වෙනුවෙන් ආරාති පූජාව පවත්වන අයුරු සටහන් වී තිබේ. පවුලේ නව නිවසේ පැවැත්වුණු ප්රථම උත්සවය බැවින් මෙම සුන්දර මොහොත පවුලේ අයට මෙන්ම රසිකයන්ට ද ඉතා විශේෂ මතකයක් එකතු කළේය.
මෙම සැමරුම් ඡායාරූප අතරට ආලියාගේ මව වන සෝනි රස්දාන් සහ සොහොයුරිය ෂහීන් භට් ද එක්ව සිටිති. ඉන් එක් ඡායාරූපයක ආලියා සහ ෂහීන් දෙදෙනාම කහ පැහැති පාරම්පරික ඇඳුමින් සැරසී සිටිනු දැකගත හැකිය.
එමෙන්ම මුළු ඡායාරූප එකතුවේම කාගේත් අවධානය දිනාගත් සුන්දරම ජවනිකාව වූයේ කුඩා රාහාගේ අවස්ථාවයි. පිටුපසින් රූපගත කර ඇති එම ඡායාරූපයේ, කහ පැහැති ඇඳුමකින් සැරසුණු කුඩා රාහා බිම වාඩි වී ගණපති රූපයකට පාට තවරමින් සිටින අයුරු ඉතාම ආදරණීය ලෙස සටහන් වී ඇත.
මීට අමතරව අම්බානි පවුලේ ගණපති සැමරුම සඳහා සහභාගී වූ අවස්ථාවේ රූපලාවන්ය මතකයන් ද ඇය බෙදාගෙන තිබේ. එහිදී ඇය මින්ට් කොළ පැහැති ක්රේප් සාරියකින් සහ කෝසට් හැඩයේ හැට්ටයකින් සැරසී අතිශය මනරම් පෙනුමකින් පෙනී සිටියාය.
මෙවර උත්සව සමයේ ආලියාගේ විලාසිතා කාගේත් කතාබහට ලක්විය. නිවසේ පැවැත්වුණු පූජාවේදී ඇඳි රෝස ඇඳුමේ සිට ෂහීන් සමග ගැලපෙන ලෙස ඇඳි කහ ඇඳුම දක්වාත්, අම්බානි සැමරුමේ මින්ට් කොළ සාරිය දක්වාත් ඇය සාම්ප්රදායික බවත් නවීනත්වයත් මනාව ගලපාගෙන තිබුණි.
ආලියා, රන්බීර් සහ නීටු කපූර් ගණපති පිළිමය නිවසට වඩම කරවන වීඩියෝ පට අන්තර්ජාලයේ ප්රසිද්ධ වීමෙන් පසු දිනෙක මෙම ඡායාරූප එකතුව නිකුත් විය. මෙමගින් පවුලේ ආගමික වතාවත්, විලාසිතා සහ සුන්දර පවුල් ජීවිතයේ තොරතුරු රැසක් රසිකයන් වෙත සමීප කිරීමට ඇය කටයුතු කර ඇත.
