උත්සවයක් අතරතුරදී කාන්තා රසිකාවියක් විසින් ඇයගේ දෙතොල් සිපගන්නා ආකාරය දැක්වෙන වීඩියෝවක් පසුගිය දිනවල සමාජ මාධ්ය තුළ දැඩි කතාබහකට ලක් වූ අතර, මේ සම්බන්ධයෙන් ප්රසිද්ධ නිළි නිකිතා රාවල් ප්රථම වරට සිය නිහඬතාව බිඳ දමා තිබේ. මෙම අනපේක්ෂිත සිදුවීමත් සමග ඇය දැඩි ලෙස පුදුමයට පත් වූ ආකාරය අදාළ වීඩියෝවෙන් පැහැදිලිව දක්නට ලැබුණු අතර එය අන්තර්ජාලය තුළ වේගයෙන් ප්රචලිත විය.
මෙම දර්ශනවලට අනුව නිකිතා සාමාන්ය පරිදි සිය රසිකාවියක සමඟ සුහදව කතාබහ කරමින් සිටින විට මෙම අපහසුතාකාරී තත්ත්වය මතු වේ. එහිදී අදාළ කාන්තාව පළමුව නිකිතාගේ කම්මුලක් සිපගන්නා අතර, ඉන් අනතුරුව හදිසියේම ඇයගේ දෙතොල් සිපගැනීමට ක්රියා කරයි. මෙම අනපේක්ෂිත ක්රියාවෙන් කම්පනයට පත්වන නිකිතා ඇයගෙන් ඉවත්වීමට උත්සාහ කළද, රසිකාවිය තවත් සුළු මොහොතක් ඇයව අල්ලාගෙන සිටිමින් නැවතත් කම්මුලක් සිපගෙන එතැනින් පිටව යන ආකාරය එහි සටහන්ව තිබුණි. අනුමැතියකින් තොරව සිදුකළ මෙම හැසිරීම සම්බන්ධයෙන් සමාජ මාධ්ය පරිශීලකයන් දැඩි ලෙස විවේචනය කරමින් අදහස් දක්වා තිබුණි.
දින කිහිපයක් යනතුරුත් මෙම සිදුවීම සම්බන්ධයෙන් කිසිදු ප්රසිද්ධ ප්රකාශයක් සිදු නොකළ නිකිතා, අවසානයේදී සිය ඉන්ස්ටග්රෑම් ගිණුම හරහා ඊට ප්රතිචාර දක්වා ඇත. මෙම ආන්දෝලනාත්මක සිදුවීමෙන් පසු තමන්ට සහාය පළ කරමින් ලැබුණු පණිවිඩවල තිර පිටපත් කිහිපයක් ඇය එහි බෙදාගෙන තිබුණි. තමාට ලැබෙන ආදරයට සහ සහයෝගයට ස්තුතිය පුද කරන බවත්, තමන් කිසිදු වැරැද්දක් කර නොමැති බවත් ඇය එහි සටහන් කර ඇත. තමාට සැඟවීමට කිසිවක් නොමැති බවත් තමන් නිතරම සත්ය වෙනුවෙන් පෙනී සිටින බවත් අදාළ සටහනේ වැඩිදුරටත් දැක්වේ.
නිකිතා රාවල් සිය රංගන ජීවිතය තුළ හින්දි සහ තෙළිඟු සිනමාපට ගණනාවකට සිය දායකත්වය ලබා දී ඇති රංගන ශිල්පිණියකි. ඇය බොලිවුඩ් සිනමාව තුළ Black & White, Mr Hot Mr Kool, The Hero – Abhimanyu, Ammaa Ki Boli, Garam Masala සහ Cute Kamina වැනි චිත්රපට සඳහා රංගනයෙන් එක්වී ඇත. එසේම, 2012 වසරේදී වික්රම් රෝයි සමඟින් Timpa නමැති චිත්රපටයට රංගනයෙන් දායක වෙමින් ඇය තෙළිඟු සිනමාවට ද පිවිසියාය.
