ඇය මේ බව අනාවරණය කළේ මෑතකදී පැවැත්වූ විශේෂ සාකච්ඡාවකට එක්වෙමිනි. විශේෂයෙන්ම 'සල්ලි පොකුරු' ටෙලිනාට්යයේ ප්රධාන භූමිකාව රඟපාමින් සිටියදී, එහි ජනප්රියත්වය උපරිම මට්ටමක තිබියදී ක්ෂේත්රයෙන් ඉවත්වීම සිය වෘත්තීය ජීවිතයේ හැරවුම් ලක්ෂ්යයක් වූ බව ඇය සඳහන් කළාය.
අතපසු වූ සම්මාන සිහිනය..
"සල්ලි පොකුරු නාට්යයේ රඟපාන කාලේ මට ගොඩක් අය කිව්වා මේ චරිතය වෙනුවෙන් අනිවාර්යයෙන්ම සම්මානයක් ලැබෙයි කියලා. නමුත් මම ඒක එච්චර බැරෑරුම්ව ගත්තේ නැහැ. මගේම වැරැද්දෙන් මම ඒ වැඩේ මැදදී දාලා ගියා. අද ආපහු හැරිලා බලද්දී මට හිතෙනවා මගේ අතෙත් සම්මානයක් තියෙන්න තිබුණා නේද කියලා," යැයි ෂෙනායා පවසන්නේ යම් සංවේගයකින් යුතුවය.
රංගනය සිය කුඩා කල සිහිනයක් නොවූ බවත්, එය අහම්බෙන් ලැබුණු අවස්ථාවක් බවත් පවසන ඇය, ප්රවීණ රංගන ශිල්පී සාරංග දිසාසේකර සමඟ ප්රධාන භූමිකාව රඟපෑමට ලැබීම තමන් ලද විශාල අවස්ථාවක් ලෙස සලකයි.
ක්ෂේත්රයේ ස්වභාවය සහ 'පිංකි'..
ක්ෂේත්රය තුළ සම්මානයකට හිමිවන වටිනාකම පිළිබඳව අදහස් දක්වමින් ඇය කියා සිටියේ, දක්ෂතාවයට වඩා 'සම්මානනීය' යන ලේබලය සමාජය තුළ වැඩි පිළිගැනීමක් ඇති කරන බවයි. "මම රඟපෑ 'පිංකි' කියන චරිතයට මිනිස්සු ගොඩක් ආදරය කළා. නමුත් සම්මානයක් නැති වුණාම ඒ තැන යම් මට්ටමකට අඩු වෙනවා. ඒක තමයි මේ ක්ෂේත්රයේ හැටි," ඇය වැඩිදුරටත් පැවසුවාය.
පෞද්ගලිකත්වය සහ සෘජු ගතිගුණ..
තමන් ඉතා ඉක්මනින් කේන්ති යන චරිතයක් බව ෂෙනායා විවෘතව පිළිගන්නීය. ක්ෂේත්රය තුළ ඇතැමුන් තමන්ව 'චණ්ඩි' චරිතයක් ලෙස හැඳින්වුවද, තමන් සෑමවිටම සෘජුව අදහස් ප්රකාශ කරන අයෙකු බව ඇය පවසයි. "මම බොරුවට හිනාවෙන කෙනෙක් නෙමෙයි. මට කේන්ති ගියාම මම ඒක පෙන්නනවා. ඇතැම් අය මුහුණට හිනාවෙලා පිටිපස්සෙන් කපටි වැඩ කරනවා. මම ඒ වගේ අයට කැමති නැහැ," යැයි ඇය සඳහන් කළාය.
විදේශගත වීම සහ නැවත පැමිණීම..
ජනප්රියත්වයේ ඉහළම තලයේ සිටියදී විදේශගත වූ ෂෙනායා, එම කාලය තුළ සමාජ මාධ්ය හරහා සිය ප්රේක්ෂකයින් සමඟ සබඳතා පවත්වාගෙන ගොස් ඇත. ඇය පවසන පරිදි, ඇයගේ 'සැබෑ රසිකයින්' (Die-hard fans) තවමත් ඇය සමඟ රැඳී සිටියද, ක්ෂේත්රයෙන් ඈත්ව සිටි කාලය තුළ පැරණි රසික පදනම යම් ප්රමාණයකට ගිලිහී ගොස් ඇත.
දැනට ටෙලිනාට්ය දෙකක් විකාශය වන අතර, තවත් නාට්යයක රූගත කිරීම් සඳහා එක්වීමට නියමිතව සිටින ඇය, සිනමාව සඳහා ලැබෙන ආරාධනා තෝරා බේරා ගනිමින් භාර ගන්නා බවද පැවසුවාය.
ආදරය සහ 'ටොක්සික්' සබඳතා..
වර්තමානයේ තරුණ පරපුර අතර කතාබහට ලක්වන 'ටොක්සික්' (Toxic) සබඳතා පිළිබඳවද ඇය සිය අදහස් පළ කළාය. තමන් ආදරය කරන පුද්ගලයා කෙරෙහි දැඩි අයිතිවාසිකමක් සහ සැකයක් ඇතිවීම ස්වාභාවික බව පවසන ඇය, "මම ආදරය කරන්නේ මගේම කරගන්න. මගේ නම් මගේ විතරයි," යන මතයේ සිටියි. සබඳතාවයකදී ගැටලු ඇති වූ විට ඒවා අතහැර දැමීමට වඩා දෙදෙනාම කැපකිරීම් කර ඒවා විසඳා ගැනීමට උත්සාහ කළ යුතු බව ඇයගේ විශ්වාසයයි.
ජීවිතයේ අතීත වැරදිවලින් පාඩම් උගෙන ඇති ෂෙනායා වැන්හොෆ්, දැන් වඩාත් පරිණතව සිය කලා ජීවිතයේ දෙවන ගමන ආරම්භ කර සිටින්නීය. ඇයගේ බලාපොරොත්තුව වන්නේ ඉදිරියේදී විශිෂ්ට නිර්මාණයකට දායක වී සම්මානයකින් පිදුම් ලැබීමයි.
