ලංකාවේ ප්රවීණ රංගන ශිල්පියෙක් වන මහේන්ද්ර පෙරේරා නැවත වතාවක් ජාත්යන්තරය තුළ ශ්රී ලංකාවේ නම රනින් ලියන්නට සමත් වෙලා තියෙනවා.
මැලේසියානු අන්තර්ජාතික සිනමා උළෙලේදී (Malaysian International Film Festival) හොඳම නළුවාට හිමි සම්මානය දිනාගැනීමට මහේන්ද්ර පෙරේරා මහතා සමත් වුණා. ඒ කාගෙත් කතාබහට ලක්වූ රිවර්ස්ටන් චිත්රපටයේ ඔහු දැක්වූ විශිෂ්ට රංගන ප්රතිභාව වෙනුවෙනුයි.
මේ සම්මානය සඳහා ලෝකයේ විවිධ රටවලින් දක්ෂ නළුවන් රැසක් නිර්දේශ වෙලා හිටියා. ඒ දැවැන්ත තරගකාරීත්වය අතරින් තමයි අපේ මහේන්ද්ර පෙරේරා මේ කිරුළ තමන්ගේ කරගත්තේ.
සම්මානය සඳහා නිර්දේශ වී සිටි අනෙකුත් ශිල්පීන්..
යුරායි ලෝයි (බ්රෝකන් වොයිසස් චිත්රපටය)
චන්ග් චෙන් (ලකි ලූ චිත්රපටය)
රන්දික ගුණතිලක (රිවර්ස්ටන් චිත්රපටය)
නිකලාස් සරාතේ (ද රෙඩ් හැන්ගර් චිත්රපටය)
මෙහි ඇති විශේෂත්වය වෙන්නේ මහේන්ද්ර පෙරේරා ජාත්යන්තරය තුළ මෙලෙස සම්මානයට පාත්ර වූ දෙවැනි අවස්ථාව මෙය වීමයි. මීට පෙර සිංගප්පූරූ අන්තර්ජාතික සිනමා උළෙලේදී ද හොඳම රංගනයට හිමි සම්මානයෙන් පිදුම් ලබන්නට ඔහුට හැකියාව ලැබුණා.
මෙම සිනමා උළෙලේදී ලංකාවට ලැබුණු එකම සතුට මේක විතරක්ම නෙවෙයි. 'රිවර්ස්ටන්' චිත්රපටයටම දායක වූ ප්රියන්ත සිරිකුමාර මහතාද මෙහිදී හොඳම සහාය නළුවාට හිමි සම්මානය දිනාගැනීමට සමත් වුණා.
ජාත්යන්තර සිනමා උළෙලකදී අපේ රටේ කලාකරුවන් මෙලෙස ඇගයීමට ලක්වීම මුළු රටටම ලොකු අභිමානයක්! මේ විශිෂ්ට ජයග්රහණය වෙනුවෙන් මහේන්ද්ර පෙරේරාටත්, ප්රියන්ත සිරිකුමාරටත් අපෙන් උණුසුම් සුබපැතුම්!
