මේ දවස්වල අලුත් වෙඩිල්ලක් තියන්න යනවා කියලා ආරංචියි?
මේ දවස්වල මගේ අලුත්ම ටෙලිනාට්ය නිර්මාණය රෝස වෙඩිල්ල. රෝස වෙඩිල්ල අධ්යක්ෂණය සුනෙත් මාලිංග සර්. ටෙලිනාට්යය රචනය අරුණ ජයවර්ධන සර් සහ ප්රමෝද්යා වන්නිආරච්චි අක්කා. මේ ටෙලිනාට්ය නිෂ්පාදනය අශෝක ජයකොඩි සර්ගේ. ඉතින් ප්රමෝද්යා අක්කා තමයි මට මේ ටෙලිනාට්යයට සම්බන්ධ වෙන්න ආරාධනා කළේ.
ටෙලිනාට්යයේ ඔබේ චරිතය ගැනත් කතා කළොත්?
මේ ටෙලි නාට්යයේ මගේ චරිතයට වඩා මං හිතනවා පොදුවේ ටෙලිනාට්ය ගැන කතා කළොත් ටෙලිනාට්ය ගැන කුතුහලයක් තියේවි කියලා. ටෙලිනාට්යයේ ප්රධාන කාන්තා භූමිකාව නිරූපණය කරන්නේ අපේ ප්රවීණ රංගන ශිල්පිනී යශෝධා විමලධර්ම අක්කා. ඉතින් එයත් එක්ක ඉන්නවා ගැහැනු ළමයි හයදෙනෙක්. විවිධ රැකියාවල නිරත වෙන අය. මේ හයදෙනා එකට එකතුවෙලා කරන වෙනස් වැඩක්. ඇත්තටම මේ ගැන තවත් කතා කළොත් ඒකේ අගයක් නැතිවෙයි කියලා මට හිතෙනවා. ගැහැනු ළමයි හය දෙනකුගේ ලස්සන කතාවක් තමයි තියෙන්නේ මේකේ.
ඒ කියන්නේ රෝස වෙඩිල්ල ටෙලිනාට්ය ප්රේක්ෂකයාට වෙනස්ම රසයක් එකතු කරයි වගේ?
ඔව්. ඇත්තටම ඒක අපි මේ දවස්වල දකින ප්රේම කතා එතකොට සටන් මේ වගේ දේවල් ඔක්කොම එකතුවෙලා නිර්මාණය වෙන ටෙලිනාට්යයක්. ඉතිං මං හිතනවා මේ ටෙලිනාට්යය වෙනස් අත්දැකීමක් ප්රේක්ෂකයාට එකතු කරයි කියලා.
නදුනි කියනවට වඩා ප්රේක්ෂකයින් ඔබව දන්නේ ශෂී කියන චරිතයෙන් කිව්වොත්?
ශෂී කියන්නේ මගේ පළවෙනි දීර්ඝ ටෙලිනාට්ය අත්දැකීම. ඉතින් මාව මුලින්ම ටෙලිනාට්ය ක්ෂේත්රයේ රංගන ශිල්පිනියක් විදිහට මාව ප්රේක්ෂකයන් අඳුරගත්තේ රොන් සොයා ටෙලි නාට්යයේ ශෂී කියන චරිතයෙන්. ශෂීගේ චරිතයට ඉතාම හොඳ ප්රතිචාර ලැබෙනවා. ඇත්තටම ශෂී කියලා තමයි ගොඩක් අය මට කතා කරන්නෙත්.
නදුනි කියන්නේ ඇත්තටම ශෂී වගේ කටකාර කෙනෙක්ද?
ඇත්තටම නැහැ. මම මේ වෙනකොට කරන ටෙලිනාට්ය දෙකම ටිකක් සැර කටකාර චරිත නිරූපණය කරන්නේ. ඒත් නදුනි කියන්නේ එහෙම කටකාර කෙනෙක් නෙවෙයි. මම ටිකක් නිශ්ශබ්දව තමයි ගොඩක් වෙලාවට ඉන්න කැමැති. වැඩිය කතාවට යනවා අඩුයි. මම චරිතයක් විදිහට ශෂීගේ චරිතයට කැමැති වෙන්න ප්රධානම හේතුව තමයි නදුනි කියන චරිතයට වඩා ශෂී කියන චරිතය ගොඩක් වෙනස් වුණ නිසා. ඒක මට වෙනස්ම විදිහකට කරන්න පුළුවන් වුණු චරිතයක් වුණා. මං ඒකට ගොඩක් කැමතියි.
නදුනි කියන්නේ වේදිකා නාට්ය කලාවට ගොඩක් සමීප කෙනෙක් වගේ?
ඔව්. මගේ රංගනයේ ආරම්භය සිද්ධ වෙන්නේම වේදිකාවෙන්. මම සිනමාව, ටෙලිනාට්ය, වේදිකාව කියන කලා මාධ්යයන් තුනටම රංගන ශිල්පිනියක් විදිහට හරිම ආසයි. මං හිතන්නේ වේදිකා නාට්යය කියන්නේ අපිට රංගනය ඉගෙන ගන්න ලැබෙන හොඳම තැනක්. කවදාවත් වේදිකාව මගෙන් ගිලිහෙන එකක් නෑ කියලා හිතනවා. වේදිකා නාට්ය කලාව සහ ටෙලිනාට්ය, සිනමාව කියන ක්ෂේත්ර තුනේම වැඩ කරන්න තමයි බලාපොරොත්තු වෙන්නේ.
සිනමා ක්ෂේත්රයෙත් අපිට නදුනිව ඉස්සරහට දකින්න ලැබෙයිද?
මම මේ වෙනකොටත් සිනමා නිර්මාණ දෙකකට දායක වෙලා තියෙනවා. ටෙලි නාට්ය ක්ෂේත්රයට එන්න කලින් මම සම්බන්ධ වුණේ සිනමාවට. ඉන්දික ෆර්ඩිනෑන්ඩෝ සර්ගේ ‘වෙඩි නොවදින ළමයි’ කියන චිත්රපටයට සම්බන්ධ වුණා. ඊට පස්සේ මම ආනන්ද අබේනායක සර්ගේ අලුතින් තිරගත වීමට නියමිත සිනමා නිර්මාණයකට සම්බන්ධ වුණා. ඉතින් ඒකත් ළඟදීම සිනමාව තුළ දකින්න ලැබෙයි.
ඉදිරි වැඩකටයුතු ගැනත් කියමුද?
ඉදිරියේදී මම තවත් උසස් අධ්යාපන කටයුතු කරගෙන යන්න බලාපොරොත්තු වෙනවා. ඒකත් එක්ක ටෙලිනාට්ය, සිනමාව, වේදිකා නාට්ය කියන ක්ෂේත්රවල මම ඉදිරියේදී වැඩකටයුතු කරන්න බලාපොරොත්තුවෙන් ඉන්නවා.
