සෙව්වන්දි චන්ද්රසිරි කියන්නෙ රංගනය තුළ නියැළෙමින් රංගනය හදාරමින් ඉදිරියට යන්න උත්සහ කරන යොවුන් පරපුරේ රංගන ශිල්පිනියක්. මේ දිනවල ‘මා’ නාට්ය හරහා පුංචි තිරෙන් දකින සෙව්වන්දි චන්ද්රසිරි සමඟ රසඳුන කළ කතා බහයි මේ.
සෙව්වන්දි ජීවිතේ කොහොමද?
හැම දෙයක්ම වෙන්නේ හොඳට කියලා හිතාගෙන හොඳ නරක දෙකම බැලන්ස් කරගෙන හරිම සැහැල්ලුවෙන් හිනාවෙලා ජීවිතේ ගෙවනවා.
‘මා’ ටෙලිනාට්යයේ කෝකිලාට ලැබෙන ප්රතිචාර කොහොමද?
මම ‘මා’ ටෙලිනාට්යයට කෝකිලා ලෙසින් එකතු වෙලා තාම ගතවෙලා තියෙන්නෙ හරිම පොඩි කාලයයි. ඒත් ඒ පොඩි දවස් ටික තුළ හොඳ ප්රේක්ෂක ප්රතිචාර ටිකක් ලැබෙමින් තියෙනවා.
මේ වෙද්දී නිර්මාණ කීයකට විතර සම්බන්ධ වෙලා තියෙනවද?
දැනට වැඩ අවසන් වුණු නිර්මාණ දහයක් වගේ කරලා තියනවා . ඊට අමතරව ඉදිරියේදී තව ලස්සන නිර්මාණ කිහිපයක් එන්නත් තියෙනවා.
‘සසංකාරා’ හි චරිතය තුළ ජීවත් වුණු කාලයේදී ඔබේ ජීවිතේට එකතු වුණු දේවල් මොනවාද?
ඒක නම් මට ලොකු අත්දැකීමක්. මම හරිම ආසාවෙන් වැඩ කළේ. ඒ වගේ දුෂ්කර ගමක් එක්ක බැඳෙන ඒ ගැමිකම මොහොතකට හරි විඳින්න ලැබීම ගැන හරිම සතුටුයි. දුෂ්කර වුවත් හරිම සුන්දරයි.
චරිතයක් භාර ගන්න කලින් මොනවද බලන්නේ?
ලැබෙන චරිතයට උපරිම සාධාරණයක් කරන්න පුළුවන්ද කියන දේ තමයි මම මුලින්ම බලන්නේ.
රංගනයේදී සීමාවන් තියෙනවද?
නවක රංගන ශිල්පිනියක් වශයෙන් පොඩි සීමාවන් කොටසක් දැනට නම් තියෙනවා. බොහෝ දුරට සමහරවිට කාලයත් එක්ක ඉදිරියට සීමාවන් ගැන නොහිතා වැඩ කරන්නත් ඉඩ තියෙයි.
රඟපාන්න ආසාවෙන් ඉන්න චරිත මොනවද?
මම වැඩිපුරම කැමති ගැමි චරිත නිරූපණය කරන්න. ඒ වගේම තමා පාසල් ශිෂ්යාවකගේ චරිතයක් නිරූපණය කරන්නත් හරිම ආසාවෙන් ඉන්නවා. නමුත් වර්තමානයේ මට ලැබෙන ඕනෑම චරිතයකට සාධාරණයක් කරන්න මං සූදානම්.
මෙතෙක් කරපු චරිතවලින් වැඩියෙන්ම ප්රේක්ෂක ආදරේ ලැබුණු නිර්මාණය මොකක්ද?
ස්වාධීන රූපවාහිනියේ විකාශනය වූ ‘සසංකාරා’ (රේණු) /ස්වර්ණවාහිනී නාළිකාවේ විකාශනය වූ ‘සිදාදියේ සමනලියෝ'(සෙව්වන්දි) සහ හිරු නළිකාවේ විකාශනය වූ ‘හිච්චි'(සකුන්තලා)චරිතවලට ප්රෙක්ෂකයෝ වගේම මමත් ගොඩක් ආදරේ කළා.
ඉදිරියේදී ඔබ දැකගත හැකි නව නිර්මාණ මොනවද?
මේ අවුරුද්දේ ලස්සන නිර්මාණ කිහිපයකටම ආරාධනා ලැබිලා තියෙනවා. ඒ වගේම මේ දිනවල නව නිර්මාණයක රූගතකිරීම් ද කරගෙන යනවා. ලස්සන නිර්මාණ කිහිපයකින්ම මාව ඉදිරියට හමුවෙන්න පුළුවන්.
මේ ගමන එන්න ගෙදරින් ලැබෙන සහයෝගය කොහොමද?
දැනට ඇවිත් තියෙන මේ කෙටි ගමන එන්න ගෙදරින් ලැබුණු සහයෝගය උපරිමයි. ඉදිරියටත් මේ සහයෝගය මේ විදිහටම මම එයාලගෙන් බලාපොරොත්තු වෙනවා. එයාලට වගේම වචනෙකින් පවා මේ ගමන යන්න උදවු කරන සියලුම දෙනාට මම නිහතමානීව ස්තුතිවන්ත වෙනවා.
රංගනය ඔබේ වෘත්තිය ද?
දැනට නම් ඔව්. නමුත් රංගනයත් සමඟ ඉදිරියේදී මම මගේම කියලා ව්යාපාරයක් පටන් ගන්න බලාපොරොත්තුවෙන් ඉන්නවා.
නිළියක් නොවුණා නම් ඔබ කවුරු වෙයිද?
ඉස්සර මට එහෙම එකක් කියලා බලාපොරොත්තුවක් තිබුණේ නැහැ. මම හිතන්නේ රැකියාව වුණත් තමන්ගේ දෛවයට අනුව තමා හිමිවෙන්නේ. අපි කරන්න ඕනේ ඒ හිමි වන අවස්ථාව දක්ෂකමින් කැපවීමෙන් වැඩිදියුණු කරගන්න උත්සාහ කරගන්න එකයි.
අනාගත බලාපොරොත්තු මොනවද?
සම්මානලාභී අතිදක්ෂ චරිතාංග රංගන ශිල්පිනියක් වීමයි මගේ ලොකුම හීනේ. අහසේ පායන හඳ අල්ලන්න හැදුවොත් තරු ගාවින් හරි නවතියිනේ. අන්න ඒ වගේ පුළුවන් තරම් දුරක් යන්න මම උත්සාහ දරනවා.div class="vgal">
