නිත්යා දේවින්දි, මේ වෙනකොට ලංකාවේ කවුරුත් ආදරය කරන පුංචි තිරයේ කැපී පෙනෙන ආකර්ශනීය රංගන ශිල්පිනියක්.
නිත්යාගේ රංගන හැකියාවෙන් දවසින් දවස ඇය ප්රේක්ෂකයාගේ ආදරය සොරාගන්න චරිතයක් බවට පත්වෙලා කිව්වොත් හරි. ඔන්න ඉතින් මේ දවස්වල පාට කුරුල්ලෝ නාට්යත් එක්ක අතිශ්යය ජනප්රිය වුණු ඇය මේ වගේ කතාවක් කියලා තිබුණේ සති අන්තයේ පුවත්පතකටයි.
නිත්යා කියනවටත් වඩා බොහෝ දෙනෙක් දැන් ඔබව දන්නෙ කෙල්සි කිව්වම. කෙල්සි වෙන්න ලැබීම ගැන මොකද හිතෙන්නේ?
කෙල්සි වෙන්න ලැබීම ගැන මට තියෙන්නෙ ලොකු සතුටක්. කෙල්සි කියන්නේ මගේ රංගන ජීවිතේ වෙනසක් කළ චරිතයක්.
කෙල්සි කියන්නෙ ඉහළ පෙළැන්තියේ තරුණියක්. කෙල්සි, නිත්යට කොතරම් සමීප බවක් දක්වනවද කියල ඇහුවොත්?
ඔව්. නිත්යා කියන්නේ නම් සාමාන්ය පන්තියේ කෙනෙක්. නමුත් කෙල්සිගේ ඇතැම් ගති පැවතුම් බොහෝදුරට නිත්යට සමීපයි කිවුවත් හරි. ඒ නිසාම චරිතය ගොඩනඟා ගන්න මට ලොකු පහසුවක් වුණා. ඒ වගේම මගේ සහෝදර ශිල්පීන්ගෙන් වගේම අධ්යක්ෂවරයාගෙනුත් කෙල්සිව ගොඩනඟාගන්න ලොකු සහායක් ලැබුණා. තිරපිටපත් රචක බුද්ධික සේමසිංහවත් මේ වෙලාවේ මතක් කරන්න ඕන. ඔහු තමයි කෙල්සිව හරිම ලස්සනට ගොඩනඟන්නේ. නිෂ්පාදක විදිහට චාමර සමරවික්රමත් ආදරෙන් මතක් කරනවා. ඔහු තමයි මට කෙල්සි වෙන්න අවස්ථාව ලබාදෙන්නේ.
පාට කුරුල්ලෝ නොනවත්වා සම්මාන ලබනවා. එහි ඍජු කොටස්කාරියක් විදිහට ඔබට මොකද හිතෙන්නේ?
පාට කුරුල්ලෝ කියන්නේ එක දිගට සම්මාන වැහිවැහැපු ටෙලි නාට්යයක්. මම හිතනවා ඒක ඒ තත්වයට ඉතාම සුදුසුයි කියලා. ඉතාම කෙටි කාලයක් තුළ මිනිස්සු අතරට ගිය ටෙලි නිර්මාණයක් වගේම සියලුම චරිතවලට පුදුමාකාර ආදරයක් ලැබෙන ටෙලි නිර්මාණයක්. මං විතරක් නෙවෙයි නිර්මාණයට දායක වුණු සියලුම ශිල්පීන් ඒකට ඍජුවම දායක වුණු කොටස්කාරයින්. අපි රඟපාන නාට්යයක් ප්රේක්ෂකයන් ආදරයෙන් වැලඳ ගන්නවා නම් ඒක තමයි රංගන ශිල්පියකුගේ සතුට. මටත් ඒ සතුට තියෙනවා. පාරෙ යද්දි දහදෙනෙක් හමුවුණොත් අට දෙනෙකුටම ටෙලි නාට්යයේ චරිතය මතකයි. රංගන ශිල්පියෙක් හෝ ශිල්පිනියක් වෙනව නම් ජීවිතේ එක්වරක් හෝ ඒ වගේ පාරෙ බැහැල යන්න බැරි තරම් ජනප්රිය වුණු ටෙලි නාට්යයක රඟපාල තියෙන්න ඕන කියල මං විශ්වාස කරනවා.
කෙල්සිට ලැබෙන ප්රතිචාර කොහොමද?
ප්රතිචාර ඉතාම හොඳයි. කිසිම අඩුවක් නැහැ. කොහේ ගියත් කෙල්සි කියල කතා කරන අය ඉන්නවා. දැන් දැන් මිනිස්සු කෙල්සිට ආදරය කරන්න පටන් අරන්. මුලින් ආදරවන්තයාට රැවටිලා හිටපු නිසා ගෙදර අයත් එක්ක පොඩි පොඩි ගැටලු ඇතිකර ගත්තට දැන් ඇය එය තේරුම් අරන් ඔවුන් සමඟ සුහදව කටයුතු කරනවා. මොන මොන වෙනස්කම් වේවිද කියලා ඉදිරියේදී බලමු.
ඔබට ඉන්නෙ හරිම සුරතල් දියණියක්. එයා ගැනත් කියමු?
චූටි දුව ස්කයිලා ගැන මං කියන්න ඕනෙත් නැහැ. මටත් වඩා ස්කයිලට තමයි මිනිස්සු ආදරේ. කොහේ ගියත් එයා ගැන අහනවා. හැම වෙලාවෙම හිනා වෙලා කතා කරලා, තට්ටු දාලා, බායි කියාගෙන යනවා. එයා අඳුරන්නෙත් නැහැ. අපි කියල දීලත් නෙවෙයි. හරිම සෝෂල්, හරිම දඟ, හුරතල් ලස්සන ළමයෙක්. මට දෙවියන් දුන් වටිනාම තෑගිවලින් ඉහළින්ම තියෙන තෑග්ග. ස්කයිලා කියන්නේ අපි දෙන්නට මහමෙරක්. අපි දෙන්නම හිතන්නේ ස්කයිලා තමයි අපිට වාසනාව ගෙනාවේ. ෂූටින් ගියත් පහ හය වෙද්දි ගෙදර යන්න වුවමනාව වැඩි වෙනවා. එයා ඉස්සරහ උළුවස්ස ළඟට වෙලා බලාගෙන ඉන්න එක අපිට හරිම අමුතු හැඟීමක්. ස්කයිලා අපි දෙන්නට හරිම ආදරේ සංවේදී ළමයෙක්. එයත් එක්ක ගෙවන කාලය හෙමින් ගෙවෙනවට මං කැමතියි. එයා ටික ටික ලොකු වෙනවා අපෙන් ඈත් වෙනවා කියල දැනෙද්දි මට දුකයි. මං පුළුවන් තරම් කල් එයා මගේ සෙවණේ මගේ ළඟම තියාගන්න කැමැතියි.
සැමියාගෙන් ලැබෙන සහායත් ඔබේ ගමනට අත්වැලක් නේද?
ඔහුගෙන් ලොකු සහායක් ලැබෙනවා. කිසිම වෙලාවක මට නීති දාලා නැහැ. ඔහු දන්නවා මම කරන්නෙ මට පුළුවන් සහ මම කළ යුතු දේ විතරයි කියලා. රංගනයේ දී ඉතාම ලොකු සහායක් ලැබෙනවා. සමහර වෙලාවට මට හිතාගන්න බැරි දේවල්වලදී ඒවා තෝරාබේර ගන්න මට උදවු කරනවා. හොඳ සහයෝගයක් වගේම හොඳ තේරුම් ගැනීමක් තියෙනවා. මේ වගේ ක්ෂේත්රයක ඒක ගොඩක් වැදගත්. ඒ වගේ සැමියෙක් ලබන්න මං හරිම වාසනාවන්තයි.
නිත්යා කියන්නෙ නිතර තිරයේ දකින්න ලැබෙන චරිතයක් නෙවෙයි නේද?
මේ දිනවල නම් විකාශය වෙන්නේ පාට කුරුල්ලෝ විතරයි. නමුත් ඉදිරියේ දී තවත් නිර්මාණයක රූගත කිරීම්වලට සම්බන්ධ වෙනවා. මං ක්ෂේත්රයට ඇවිත් තාම අවුරුදු හයක් වගේ. මං කරල තියෙන්නෙත් ටෙලි නිර්මාණ 7ක් වගේ. කොහොමත් මං ගොඩාක් වැඩ කරන කෙනෙක් නෙවෙයි. මං හැමවෙලේම ගෙදර අයත් එක්ක කාලය ගත කරන්නයි උත්සාහ කරන්නෙ. මං පෞද්ගලිකව කාර්යබහුල වෙන්න කැමැති නැහැ.
