අකුරට යන වෙලාවේ’ ටෙලි නාට්යයේ ‘අමිතා’, ‘පහේ ළමයි’ නාට්යයේ ‘මිනුදි’, ‘ජහුටා’ටෙලි නාට්යයේ ‘සෙනුලි’ මේ දිනවල ප්රේක්ෂකයාට අමතක නොවෙන චරිත බවට පත්වී ඇත. මේ සියලු භූමිකා ඔස්සේ ඔබ වෙත එන ඇය තවමත් ළමා වියේ පසුවන සංජනා දෙව්මිණීය. මේ අප ඇය හා කළ කතා බහයි.
සංජනා මොකද මේ දවස්වල කරන්නේ?
මේ දවස්වල ජහුටා, අකුරට යන වෙලාවේ, පහේ ළමයි’ ටෙලි නාට්යවල රූගත කිරීම්වලට සම්බන්ධ වෙනවා. මම සම්බන්ධ වුණු අලුත්ම නිර්මාණය තමයි ශලනි තාරකා නැන්දගේ ‘අසන්දිමිත’ටෙලිනාට්යය. ඒ නාට්යයේ ‘ලොක්කි’ කියන චරිතය මම කරන්නේ. ඒ වගේම පාසල් අධ්යාපන කටයුතුත් කරගෙන යනවා.
ඔයාගේ විස්තර ටිකකුත් කියන්නකෝ?
මම ඉන්නේ කිරිවත්තුඩුවේ. මට වයස අවුරුදු නවයයි. දියගම කනිෂ්ඨ විද්යාලයේ හතර වන ශ්රේණියේ ඉගෙන ගන්නවා. මට මේ තැනට එන්න ගොඩක් අය උදවු කළා. අම්මා, තාත්තා, චාගී වගීෂ, මදුරංග, ශාන් ජයරත්න, ලක්ෂාන් වත්තුහේවා, කැලුම් කියන මාමලා ඇතුළු හැමෝටම ගොඩක් ස්තුතියි.
සංජනා කලා ක්ෂේත්රයට පිවිසෙන්නේ කොහොමද?
මුලින්ම මම සම්බන්ධ වුණේ ‘පොඩි වැඩ්ඩෝ’ වැඩසටහනට. ඊට පස්සේ තාත්තාගේ යාළුවෙක් වන නිහාල් චන්දන මාමා මාව හිරු නාළිකාවට හඳුන්වලා දුන්නා. කලා ලෝකයේ මගේ පළමු ගුරුවරයා වෙන්නේ චාගී වගීෂ මාමා. ඔහුගේ ‘ඔටුනු පලන් එඬේරු’ නාට්යයට තමයි මම මුලින්ම සම්බන්ධ වුණේ. ඒ නාට්යයේ දෙබස් කියන්න නැති ජවනිකා කීපයකට සම්බන්ධ වෙන්න අවස්ථාව ලැබුණා.
ඔයාත් ශිෂ්යත්ව විභාගයට ලෑස්ති වෙන දරුවෙක් විදිහට ජහුටා නාට්යයේ චරිතය කොහොමද ඔයාට දැනෙන්නේ?
ඒ චරිතයේ මම ශිෂ්යත්වයට ලෑස්ති වන දරුවෙක්. ඇත්ත ජීවිතෙත් එහෙමයි. හැබැයි ඇත්ත ජීවිතේදි නම් මගේ අම්මා සෙනුලිගේ අම්මා වගේ මට පීඩනයක් දෙන්නෙ නැහැ.
මේ දේවල් කරන්න පාසලෙන් ඔයාට ලැබෙන සහයෝගය කොහොමද?
පාසලේ විදුහල්පතිතුමිය වගේම පංති භාර ටීචර් මට ලොකු සහයෝගයක් ලබා දෙනවා. අතපසු වෙන පාඩම් වැඩවල සටහන් යාළුවෝ දෙනවා, ඒ වගේම ඒ පාඩම් ටික මට ටීචර් කියලා දෙනවා.
ඔයාගේ පවුලේ අය ගැන මතක් කළොත්.
අපේ පවුලේ ඉන්නේ තාත්තයි, අම්මයි, අක්කයි, අයියයි, මමයි. මේ දවස්වල අම්මා එක්ක තමා මම රූගත කිරීම්වලට යන්නේ. තාත්තත් එයාට පුළුවන් හැම වෙලාවෙම මාව රූගත කිරීම්වලට එක්කගෙන යනවා.
සංජනා මේ වෙද්දි ටෙලි නිර්මාණ කීයකට විතර සම්බන්ධ වෙලා තියෙනවද?
ටෙලි නාට්ය විස්සකට වැඩි ප්රමාණයකට මං රංගනයෙන් දායක වෙලා තියෙනවා. මේ දවස්වල කරන නාට්යය තුනට අමතරව ‘ඔටුනු පලන් එඬේරු, අහස සේ නුඹ, මතක තියෙන රිදුමක්,ඉරි තැළුණු දෙපා, සඳ තරු මල්, අමිල වත්කම්’ වගේ නිර්මාණ ඉන් කීපයක්. ඒ වගේම ඇට්ලස්, මන්චි ඇතුළු වෙළෙඳ සන්නාම කීපයකටත් දායක වුණා.
ඉස්සරහට අලුත් නිර්මාණවලට ආරාධනා ලැබිලා තියෙනවද?
ලබන අවුරුද්දේ ශිෂ්යත්ව විභාගය නිසා මේ දවස්වල අලුතින් වැඩ භාර ගන්නේ නෑ. නැත්නම් පාඩම් කරන්න වෙලාව හදා ගන්න අමාරුයි. ඒ නිසා කෙටි කාලයකට කලා කටයුතුවලට විරාමයක් තියනවා.
ප්රේක්ෂකයා ආදරයෙන් වැලඳගත්ත ටෙලි නාට්යය චරිතය මොකක්ද කියල ඇහුවොත්?
මම සම්බන්ධ වුණු පළමුවෙනි මෙගා ටෙලි නාට්යය වෙන්නේ අකුරට යන වෙලාවේ. හැමෝම මට කීවේ රුවන්ගේ නංගි කියලා. පාර තොටේ ගියත් කට්ටිය අහන්නේ ඔයා රුවන්ගේ නංගී නේද කියලා. ඊට පස්සේ “ජහුටා” ටෙලි නාට්යය විකාශනය වෙන්න පටන් ගත්තට පස්සේ සෙනුලි කියන්න ගත්තා. සෙනුලී තමයි ගොඩක්ම ජනප්රිය.
රූගත කිරීම් අතරතුර අමතක නොවෙන සිදුවීම් වෙලා ඇති…
‘අකුරට යන වෙලාවේ’ නාට්යය රූගත කරද්දී එක සීන් එකක් තිබුණා මඩ ගෑවුණු සපත්තු දෙකක් දාන්න. ඒක දාන්න බෑ කියලා මම ඇඬුවා. ඒක නම් මට අමතක වෙන්නෙ නෑ.
ඔයා රඟපාන්න ආස මොන වගේ චරිතද?
එහෙම විශේෂයක් නෑ. මට ගොඩක්ම ලැබිලා තියෙන්නේ දුප්පත්, ග්රාමීය දැරියකගේ චරිත. ඊට අමතරව වෙනත් විදිහක චරිතයක් ලැබුණොත් මම සතුටින් භාර ගන්නවා.
විනෝදාංශ එහෙම තියෙනවද?
විවේක වෙලාවට සෙල්ලම් කරනවා, සින්දු කියනවා, නටනවා.
අනාගත බලාපොරොත්තුව මොකක්ද ?
මං ආස වෛද්යවරියක් වෙන්න. රංගන කටයුතුත් දිගටම කරගෙන යන්න කැමතියි.
