Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Advertisement


වසර පහක් මැදපෙරදිග සේවයේ නිරත වී ලංකාවේ පදිංචිව සිටින වැඩිමහල් සහෝදරියට එවූ රුපියල් විසි ලක්ෂයක පමණ මුදලක් ඇය අනියම් සැමියාට ලබාදීම සම්බන්ධයෙන් අනුරාධපුර මූලස්ථාන පොලිසියේ විශේෂ අපරාධ විමර්ශන අංශයට ලැබුණු පැමිණිල්ලක් මත වංචනිකව මුදල් ලබාගත් බව කියන පුද්ගලයා
අත්අඩංගුවට ගෙන තිබේ.

 වයස අවුරුදු 37ක් පමණ වන අවිවාහක මුස්ලිම් ජාතික කාත්තාව වසර පහක් තිස් කුවේටයේ දුක් විදිමින් උපයාගත් මුදල අනුරාධපුර කඩ තිහ ප්‍රදේශයේ පදිංචිව සිටින සහෝදරීගේ ගිණුමට බැර කර තිබේ. ඇය එම මුදල් අවශ්‍ය පරිදි වියදම් කිරීමට අනියම් සැමියාට ලබාදී තිබෙන බව පොලිසිය පැවසුවේය.පැමිණිලිකාරීය මීට සති කිහිපයකට පමණ ඉහතදී විදේශයේ සිට ලංකාවට පැමිණ ඇත. සිය සහෝදරියට එවූ මුදල් කොපමණ ඇත්දැයි විමසු එම අවස්ථාවේ කිසිදු මුදලක් ඇය සත්තකයේ නැති බව පැවැසීම නිසා මුදල්වලට වූයේ කුමක්දැයි විමසා තිබේ.


 එම මුදල් වියදම් වූ බව පැවැසීම නිසා ඇය එතරම් මුදලක් වියදම් කරනු ලැබුවේ කුමකටද යන්න අනාවරණය කර ගැනීමට අනුරාධපුර පොලිසියට පැමිණිල්ල ඉදිරිපත් කර තිබුණාය. විමර්ශනවලදි පැමිණිලිකාරියගේ අක්කාගේ බැංකු ගිණුමට අයත් ස්වයංක්‍රිය හර කාඩ්පත ඇය අනියම් සැමියාට ලබාදී ඇත. ඔහු රිසිසේ රුපියල් ලක්ෂ විස්ස වියදම් කර තිබෙන බව පොලිසිය පැවැසුවේය. ඔහු සිය අනියම් බිරිය සමඟ විනෝද චාරිකා යාමට, ඔහුගේ මිතුරන් සමඟ විනෝද වීමට, මත්පැන් පානය කිරීමට මුදල් වියදම් කර ඇති බවත් එම මුදලින් මෝටර් රථයක්ද ලබාගෙන ඇති බව පොලිසිය පැවැසුවේය.

සැකකරු අත්අඩංගුවට ගත් අවස්ථාවේ එම මුදල් ස්වයංක්‍රිය හරපත යොදාගෙන ලබාගත් බව පොලිසියට දන්වා තිබූ ඔහු මුදල් ලබාගන්නා ආකාරය බැංකු ආරක්ෂිත කැමරා පද්ධතියේ සටහන්ව තිබෙන බවත් පොලිසිය පැවැසුවේය. සිය බාල සහෝදරිය අනියම් සැමියාට එරෙහිව අනුරාධපුර මූලස්ථාන පොලිසියට පැමිණිලි කිරීමේන් උරණ වූ සහෝදරිය ඇය නිවෙසින්ද පන්නා දමා ඇත. නැවතත් විදේශ ගතවනතුරු එහි රැදී සිටීමට අවස්ථාව ලබාදෙන ලෙස ඉල්ලමින් ඇය නැවතත් 20 වැනිදා අනුරාධපුර මූලස්ථාන පොලිසියේ විවිධ පැමිණිලි අංශයට පැමිණිල්ලක් ඉදිරිපත් කර තිබිණි.

පැමිණිලිකාර අවිවාහක මුස්ලිම් ජාතික තරුණිය වසර පහක් තිස්සේ කුවේට්ටයේ ස්ථිර රැකියාවක් නොමැතිව විවිධ ස්ථානවල පිහිටි නිවෙස්වල වැඩ කරමින් මෙම මුදල උපයා ලංකාවට එවා තිබෙන බව පොලිසිය පැවසුවේය. පැමිණිලිකාරියගේ සහෝදරියගේ සැමියා ඇවිදීමට නොහැකිව එක්තැන්ව සිටින නිසා ඇය අනියම් පුරුෂයා සමඟ කල්ගත කරන බව පොලීසිය අනාවරණය කරගෙන තිබිණි.



ප්‍රගීත් එක්නැළිගොඩගේ බිරිඳට තර්ජනය කිරීම සම්බන්ධයෙන් සිර දඩුවම් නියමවූ පූජ්‍ය ගලගොඩ අත්තේ ඥාණසාර හිමියන් ඇප මත නිදහස් කර තිබෙයි.
හෝමාගම මහේස්ත්‍රාත් අධිකරණය රුපියල් ලක්ෂ 5 බැගින් වූ ශරීර ඇප දෙකක් ඥාණසාර හිමියන්ට නියම කර තිබෙන අතර උන්වහන්සේගේ විදෙස් ගමන් තහනම් කර මෙම ඇප ලබාදී ඇත.




පෞද්ගලික බස්රථවල මුදල් සගවා ටිකට් පත් ලබාගැනීම වෙනුවට බස්නාහිර පළාත් මාර්ගස්ථ මගී ප්‍රවාහන අධිකාරිය මගින් හඳුන්වාදී ඇති පෙරගෙවුම් කාඩිපත් මිලදී ගත් මගීන්ට කාඩ්පත් සාක්කුවේ දමාගෙන මුදල් ගෙවා බස්රථවල ගමන් කිරීමට සිදුවි ඇතැයි මගීහු මැසිවිලි නගති.

බස්නාහිර පළාත පුරා ආරම්භක පියවරක් වශයෙන් හඳුන්වා දුන් බොහෝ මාර්ගවල මෙම පෙර ගෙවුම් කාඩ්පත් සඳහා වන ටිකට් යන්ත්‍ර බොහෝ බස්රථවල දක්නට නැතැයිද තිබෙන ඒවා ක්‍රියාවිරහිතවී ඇතැයිද මගීහු පවසති. ඉකුත් කාලය පුරාම බස්රථ තුළ දී මෙම පෙර ගෙවුම් කාඩ්පත් ක්‍රමය හඳුන්වා දෙමින්

නොමිලයේ කාඩ්පත් ලබාදීම වට්ටම් මෙන්ම රීලෝඩ් පවා ලබාගැනීම පහසුකම් සලසා තිබු බව ද මගීහු පෙන්වා දෙති. රුපියල් 300ක් ගෙවා මිට වසර තුනකට පමණ පෙර ලබාගත් මම පෙර ගෙවුම් කාඩ්පත් ක්‍රමය හයිලෙවල් පාරේ මාර්ග අංක 122, 138 බස්රථවල ක්‍රියාත්මක වුව ද මේ වනවිට එය මුළුමනින්ම අසාර්තකවී ඇතැයිද ඔවුහු කියා සිටිති.
මේ පිළිබඳව බස්නාහිර පළාත මාර්ගස්ථ මගී ප්‍රවාහන අධිකාරීයේ සභාපති සසික කුලසේන මහතාගෙන් කළ විමසීමේදී ඒ මහතා කියා සිටියේ මෙම වැඩපිළිවෙළ ජාතික වැඩසටහනක්
ලෙස ළඟදීම මුළු රටපුරා ක්‍රියාත්මක කරන බවය. ඡාතික ගමනාගමන කොමිසම, ශ්‍රී ලංගම හා අන්තර් පළාත් බස් සංගම්
හා මේ පිළිබඳව සාකච්ඡා කරමින් සිටින බව ද ඒ අනුව ඉදිරියේදී මුදල් ගෙවා බස්රථවල ගමන් කිරිමේ වැඩ පිළිවෙළ මුළුමනින්ම නතර කරන බව ද සභාපතිවරයා කීය. අත්හදා බැලීමක් ලෙස මෙය මුලින්ම බස්නාහිර පළාත තුළ ආරම්භ කර මගී ජනතාව දැනුවත් කළ බව ද මම වැඩ පිළිවෙළ කිසිසේත් නතර කර නොමැති බව ද ඔහු කීවේය.




බූරු පොළක් වැටලීමට පොලිසියෙන් පනිද්දී එක් පුද්ගලයකු තමන් අල්ලා ගන්නටත් පෙර පොලිස් ජීප් රියට ගොඩ වූ පුවතක් බස්නාහිර පළාතේ ගමකින් වාර්තා විය. සිද්ධිය මෙසේය. එම ගම්මානයේ මහා පරිමාන බූරු
පොළක් පවත්වාගෙන යන බවට

පොලිසියට තොරතුරු ලැබී ඇත. ඒ අනුව එම බූරු පොළ වැටලීමට ගොස් ඇත.
එම බූරු පොළෙහි සිය දෙසීය පිට ඔට්ටු අල්ලන තරමක් මෝඩ පහේ කෙනෙකු ද සිට ඇත.

කෙසේ වෙතත් පොලිසියෙන් පැන ඇති බව දුටු බුරු පොළෙහි සිටි පුද්ගලයින් හිස් ලුලු අත දිවී ගොස් තිබේ. මේ අවස්ථාවේ පොලිස් ජීප් රියෙහි සිට ඇත්නේ ජීප් රථ රියැදුරා පමණි. වේගයෙන් ජීප් රිය දෙසට දුව ආ පුද්ගලයකු ජීප් රියේ දොර විවෘත කර වාඩි වී දොර වසාගෙන හති අරින්නට වී තිබේ. එවිට පොලිස් රියැදුරා ඔහු අමතා අයියේ අනිත් මිනිස්සු දුවද්දී ඇයි තමුන් විතරක් ජීප් එකට නැග්ගේ.

අවංකකම හින්දා බේරන්නද?" යැයි අසා ඇත. එවිට ඔහු "නෑ සර් මෙනන ඉඳලා පොලිසියට ගොඩක් දුරයි. ගිය පාර අහුවෙච්ච වෙලාවේ මට වාඩිවෙලා යන්න සීට් තිබුණේ නැහැ හිටගෙන හිටියේ. ඒකයි මම කලින්ම ඇවිත් සීට් එක අල්ලා ගන්නේ" යැයි පවසද්දී ජීප් රථ
රියැදුරාට සිනහව නවතා ගන්න බැරි වුණාලු.


පාසල් ශිෂ්‍යාවකට අයුතු යෝජනාවක් කර අපයෝජනය කිරීමට තැත් කළ සැකකරුවකු අල්ලා පහරදී ගස් බැඳ පොලිසියට භාරදීමේ පුවතක් කොබෙයිගනේ පොලිස් වසමේ පුබිබිිය ග්‍රාමයෙන් වාර්තා විය. පෙරේදා (20දා) පස්වරුවේ ශිෂ්‍යවගේ නිවසට පැමිණි සැකකරු ශිෂ්‍යාවට අයුතු යෝජනාවක් කර අතින් අල්ලා
ඇදගෙන යෑමට තැත්

කිරීමේදී ශිෂ්‍යාව කෑගැසීමෙන් අසල්වාසීන් පැමිණ පලායමට තැත් කළ සැකකරු අල්ලා පහර දී ගස් බැඳ පොලිසියට දැනුම් දී ඇත.

 සැකකරු කොබෙයිගනේ පොලිස් වසමේ අලව්වේගම පදිංචි 24 හැවිරිදි අවිවාහක තරුණයකු බවට විමර්ශනවලදී අනාවරණය කරගත් බව පොලීසිය පැවසීය. සිද්ධිය වන අවස්ථාවේ වැඩිහිටියන් නිවසේ නොසිට ඇති බවද සැකකරු නිකවැරටිය මහෙස්ත්‍රාත් අධිකරණය වෙත ඉදිරිපත් කිරීමට නියමිත බවද පොලිසිය පැවැසීය.

 අසල්වවාසීන්ගෙන් පහරකමට ලක් වූ සැකකරු කොබෙයිගනේ රෝහල වෙත ඉදිරිපත් කිරීමෙන් පසු වැඩිදුර ප්‍රතිකාර සඳහා කුරුණෑගල ශික්ෂණ රෝහලට මාරුකර යවා ඇති බවද පොලිසිය වැඩිදුරටත් පැවසීය. සිද්ධිය පිළිබඳව කොබෙයිගනේ පොලිසිය වැඩිදුර පරීක්ෂණ සිදු කරයි.


දහඅට හැවිරිදි තරුණියක අපයෝජනය කළ බව පැවසෙන පුද්ගලයෙකු ලබන 02 වැනිදා දක්වා රක්ෂිත බන්ධනාගාරගත කරන ලෙස මාතර මහේස්ත්‍රාත් පවිත්‍රා සංජීවනී පතිරණ මහත්මිය පෙරේදා (20දා නියෝග කළාය.

මෙලෙස

රක්ෂිත බන්ධනාගාරගත කර ඇත්තේ අකුරැස්ස, පරදුව ප්‍රදේශයේ පදිංචී මහාමාර්ග ඉංජිනේරුවකු බව පැවසෙන 45 හැවිරිදි පුද්ගලයෙකි.
අදාළ තරුණිය 08 හැවිරිදි වියේ සිට සිය මව සමග සැකකරුට අයත් වතුයායක සේවය කර ඇති අතර, එහිදී සැකකරු අවස්ථා කිහිපයකදී ඇයට කෘර ලෙස වධහිංසා කර තිබේ. එම වධහිසා ඉවසාගත නොහැකිව අදාළ තරුණිය එම වතුයායෙන් පලාගොස් තිබූ අතර, සැකකරු පුවත්පතකද ඒ බවට දැන්වීමක් පළකර යළි ඇය සොයාගෙන වතුයායට ගෙනැවිත් වධහිංසා කර අපයෝජනය කර ඇති බවත්, ඔවුන්ට යාමට කිසිදු ස්ථානයක් නොතිබූ බැවින් ඇයගේ මවද එම වධහිංසා ඉවසාගෙන සිට ඇති බවත් පොලීසිය අධිකරණයට දැන්වීය.

එක්තරා අවස්ථාවකදී සැකකරු විසින් අදාළ තරුණියට පහරදීමෙන් ඇතිවූ තුවාල සදහා ප්‍රතිකාර ලබා දීමට වතුයායට වෛද්‍යවරයෙකු රැගෙන විත් ඇතැයිද පොලිස් පක්‍ෂණවලදී අනාවරණය වී තිබේ. මේ පිළිබඳ අදාළ තරුණිය කර තිබූ පැමිණිල්ලක් අනුව මාතර කොට්ඨාස භාර පොලිස් අධිකාරී ගයංග හසංත මාරපන මහතාගේ අවසරය මත මාතර කොට්ඨාස ළමා හා කාන්තා කාර්යාංශයේ ස්ථානාධිපතිනී වරුණි බෝගහවත්ත මහත්මිය ඇතුළු නිලධාරීන් පිරිසක් සැකකරු අත්අඩංගුවට ගෙන අධිකරණයට ඉදිරිපත් කර තිබීණි.

Gossip Lanka Previous News

තවත් පුවත්

Advertisement