Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Advertisement

අද කාලේ ලෝකේ පුරාම තියන රැල්ලක් තමයි online බඩු order කරන එක එහෙමත් නැත්නම් තමන්ට භාන්ඩයක් මිලදී ගන්න අවශ්‍යනම් වෙළද පොලට නොගිහින් අන්තර්ජාලයේ තියන වෙබ් අඩවියක් මගින් භාන්ඩ හා සේවා මිලදී ගන්න එක. උදාහරණයක් විදියට ලොව පුරාම ප්‍රසිද්ධ ebay ,aliexpress, amazon වගේ වෙබ් අඩවි හදුන්වන්න පුළුවන් මීට අමතරව මෙවැනි දේශීය වෙබ් අඩවිද බොහෝ ප්‍රමාණයක් තියනව ඉතින් මේ වෙබ් අඩවි වලින් භාන්ඩ මිලදී ගන්න ගොඩක් දෙනෙක් මේ වෙන කොට ලොකු උනන්දුවකින් කටයුතු කරනවා මේ විදියට ලොව පුරාම ඉන්න ජනතාව මේ විදියට online විදියට භාන්ඩ මිලදී ගන්න හේතු කීපයක්ම තියනව ඒවායින් හේතු කීපයක් වන්නේ
  • කඩසාප්පු වල රස්තියාදු නොවී පහසුවෙන් බාන්ඩ මිලදී ගන්න පුළුවන් වීම.
  • තමන් මිලදී ගන්න බලාපොරොත්තු වෙන බාන්ඩය ගැන මීට පෙර මිලදී ගත් අයගේ අදහස් දැන ගන්න පුළුවන් වීම.
  • වගේම සාමාන්‍ය වෙළද පොළ මිලට වඩා අඩුමුදලට භාන්ඩ මිලදී ගන්න පුළුවන් වීමත් විශේෂ ලක්ෂණයක්
සාමාන්‍ය විදියට වෙළද පොලට ගිහින් භාන්ඩ මිලදී ගන්න හුරු වෙලා ඉන්න ලංකවේ ගත්තොත් අන්තර්ජාලය හරහා භාන්ඩ මිලදී ගන්න එක තවමත් එතරම් ප්‍රචලිත වෙලා නෑ මොකද තවමත් මේ ක්‍රමය ගැන ලංකාවේ ගොඩක් දෙනෙක්ට හිතේ චකිතයක් තියනවා එකට හේතුවක් වෙන්නේ සමහර අයගේ හිතේ බයක් තියනව සල්ලි ගෙව්වට භාන්ඩ ලැබෙයිද?
එහෙමත් නැත්නම් බාල භාන්ඩයක් ලැබෙයිද කියල ඉතින් අපිට කියන්න තියෙන්නේ ඒ ගැන බය වෙන්න දෙයක් නෑ කියල. ඉතින් අපි හිතුව ඔබේ හිතේ තියන චකිතය දුරු කරන්නත් එක්ක අන්තර්ජාලයෙන් භාන්ඩ මිලදී ගන්න පියවරෙන් පියවර පැහැදිලි කරන්න ඉතින් අපි මේ සදහා යොදා ගත්තේ ලෝකය පුරාම ගොඩක් ජනප්‍රිය මෙන්ම ලංකාවට නොමිලේම භාන්ඩ ප්‍රවාහනය කරන ebay වෙබ් අඩවියයි ebay එකෙන් බාන්ඩයක් මිලදී ගන්නනම් මොනවද තියෙන්න ඕනි
  • eBay ගිණුමක් තිබිය යුතුයි.
  • PayPal ගිණුමක් ගිණුමක් එහෙම නැති උනත් අවුලක් නෑ.
  • අන්තර්ජාලය තුල ගෙවීම් කළ හැකි Visa, Master Card හෝ American Express කාඩ්පතක් තිබිය යුතුයි.
eBay කියන්නෙ මොකක්ද?
 eBay කියන්නෙ හරියට ගෝලීය පොළක් වගේ. පොළක කව්ද ඉන්නෙ? භාණ්ඩ ගැනුම්කරුවො (buyersලා) සහ විකුණුම්කරුවො (sellersලා). අන්න ඒ වගේ මේ eBay එකෙත් ලෝකෙ වටේ ඉන්න buyersලා සහ sellersලා මිලියන ගානක් ඉන්නවා. Sellers ලා කරන්නෙ ඔවුන් විකුණන භාණ්ඩ (items) වල විස්තර සහ මිල ගණන් eBay දත්ත ගබඩාවට ඇතුලත් කරන එක. එතකොට buyersලට පුළුවන් ඒ දත්ත ගබඩාවෙ ඇති සියලුම භාණ්ඩ ගැන හොයලා බලලා තමන්ට අවශ්‍ය භාණ්ඩ තෝරගෙන ඒවා මිලදී ගන්න.මේකේ තියන භාන්ඩ ලෝකය පුරාම ඉන්න ඕනෑම කෙනෙක්ට මිලදී ගන්න පුළුවන්

 eBay එකෙන් අපි ගන්න භාණ්ඩ අප වෙත එවන්නෙ කොහෙන්ද?
 eBay කියන්නෙ වෙබ් අඩවියක් පමණයි. අපි eBay එකේ ඉන්න යම් seller කෙනෙක්ගෙන් භාණ්ඩයක් මිලදී ගත්තම ඒ භාණ්ඩය අප වෙත එවන්නෙ ඒ seller විසින්. ඒ කියන්නෙ ඒ seller ඉන්නෙ Hong Kong වල නම් අපිට අ‍පේ භාන්ඩ එන්නෙ Hong Kong වලින්. Seller ඉන්නෙ චීනෙ නම් අපිට භාණ්ඩෙ එන්නෙ චීනෙන්.සාමාන්‍යයෙන් මිලදී ගත්ත බාන්ඩයක් දින 21 වගේ කාලයක් ඇතුලත ලංකාවට එනවා

 eBay එකෙන් අප වෙත භාණ්ඩ ප්‍රවාහනයට අයකිරීමක් කරනවද?
ඒකත් තීරණය වෙන්නෙ භාණ්ඩය මත. සමහර භාණ්ඩ ප්‍රවාහනය නොමිලේ (Free Shipping). සමහර භාණ්ඩ වලට shipping සඳහා ගාණක් අයකරනවා. ඒ ගාන රටින් රටට වෙනස්. අපේ රට තෝරපුවම අපේ රටට ගෙන්වන්න යන ප්‍රවාහන වියදම අපිට භාණ්ඩ විස්තරය සමඟ දැනගන්න පුළුවන්.

 eBay එකෙන් ගන්න භාණ්ඩ අපට ලැබෙන්නෙ කෙහොමද?
ප්‍රමාණයෙන් කුඩා භාණ්ඩයක් නම් සාමාන්‍ය තැපෑලෙන් ගෙදරටම එනවා. භාණ්ඩයෙ වටිනාකම කොපමණ වැඩි උනත් ප්‍රමාණයෙන් කුඩා නම් බයවෙන්න දෙයක් නෑ. නමුත් ප්‍රමාණයෙන් විශාල, සාමාන්‍ය තැපෑලෙන් එවන්න අපහසු භාණ්ඩ ගෙන්වීම නම් එතරම් නුවණටහුරු නෑ. ඇතැම්විට ඒවා තැපැල් කාර්යාලයේ හෝ කොහේ හෝ නැවතීමට ඉඩ තියෙනවා. ආනයන බදු ගෙවන්නත් සිදුවෙන්න පුළුවන්.  

ebay සම්බන්ධ  අනෙකුත් ලිපි මෙතනින් බලන්න
By Chanuka Wijesundara


ත්‍රීවීල් රථ හා මෝටර් බයිසිකල් ඉලක්ක කරගෙන නව අඩු මිල පෙට්‍රල් විශේෂයක් හදුන්වාදීමට සූදානම් බව ඛණිජ තෙල් ඇමති අර්ජුන රණතුංග අද පැවසුවේය.
සිය අමාත්‍යංශයේ

ඉංජිනේරු පිරිසකට පත්වීම් ප්‍රදානය කිරීමේ උත්සවය අමතමින් ඔහු කියා සිටියේ මේ වනවිට නව පෙට්‍රල් විශේෂය ගැන පරීක්ෂණ සිදුවන බවත් ඉක්මණින්ම වෙළෙඳ පොළට ඉදිරිපත් කරන බවත්ය. ඒ අනුව නොබෝදිනකින්ම නව පෙටුල් විශේෂය දිවයින පුරා සිපෙට්කෝ නියෝජිතායතන හරහා මෝටර් සයිකල් හා ත්‍රීවීල් රථ රියදුරන්ට ලබාගත හැකි වනු ඇත. දැනට වෙළෙදපොළේ පවතින ඔක්ටේන් 95  සහ ඔක්ටේන් 92 ට අමතරව මෙම නව විශේෂයද අලෙවියට පැමිණෙනු ඇති අතර ඒවායේ මිල සාපේක්ෂව පහළ අගයකින් ලබාදෙන්නට හැකිවනු ඇතැයි ඇමතිවරයා දන්වා සිටියේය.

සුගියදා බලපිටිය ප්‍රදේශයේ තරුණියක මරා දමා රෝහලට මිනිය භාරදී පළායාමේ  සිද්ධියක් ගැන මාධ්‍ය වාර්තා පළ විය.
දේහය රෝහලට භාර දුන් අය ඒ ගැන වගකියමින්
රෝහල් පොතේ සටහන් තැබිය යුතු වුවත්
රෝගියෙකු කියමින් ඇයගේ නිසල සිරුර භාරදී පළායාමට ඒ අය කටයුතු කර තිබුණ අතර වාහනයේ අංක ඔස්සේ පරීක්ෂණ පැවැත්වූ පොලිසියට එම මිනිමැරුම සිදුකර පළාගොස් ඇත්තේ ඇගේම පෙම්වතා බව සොයාගන්නට හැකි විය.
 තම පෙම්වතියට පහරදී ඝාතනය කළ බව තරුණයා පිළිගත්තේය. මෙසේ අවාසනාවන්ත ලෙස මියගියේ ඌරගස්මංහන්දිය යටගල ප්‍රදේශයේ පදිංචිව සිටී ඉලන්දාරී දේව සුරංගි සඳමාලි (24) නැමැති එම ප්‍රදේශයේ ඇඟලුම් කර්මාන්තශාලාවක සේවය කළ සේවිකාවකි. හිරිමල් යෞවනයට පැමිණි සුරංගි මීට වසර හතරකට පමණ පෙර මිරිස්වත්ත ප්‍රදේශයේ වෑන් රථ රියැදුරකු සමඟ ප්‍රේම සම්බන්ධතාවක් ඇති කර ගත්තේය.

 දෙදෙනාට දෙදෙනා නොදැක දිනක් ගෙවා දැමීමට නොහැකි සේ මේ ආදර බැදීම ශක්තිමත්ව බැඳිණි. තමා අතිශයින් ආදරය කරන  සිය

පෙම්වතා විවාපත් වී ඇතැයි හාංකවිසියක්වත් සුරංගි දැන නොසිටියාය. ඇගේ පෙම්වතාද තම පවුල් ජීවිතය සුරංගි ඉදිරියේ සිතුවම් කරන්නට වගබලා නොගත්තේය. දැළි පිහියෙන් කිරි කන්නාසේ අසම්මත ප්‍රේමයක යෙදුණු විවාපත් තරුණයා  සුරංගිගේ පවුලේ සියලු දෙනාගේ හිත  දිනා ගත්තේය. මුදල් හදල් යහමින් තිබුණු ඔහු සුරංගීගේ පවුලේ අයට උදවු උපකාර කළේය. තම පවුලට එකතු වන බෑනණුවන් ගැන මවුපියන් සිහින දැක්කේය.

 දින සති මාස ගෙවිණි. සුරංගිගේ පෙම්වතාගේ විවාපත් බිරියට සිය සැමියාගේ  අසම්මත ප්‍රේම සම්බන්ධතාව දැනගන්නට  ලැබිණි. ඔවුන් දෙපළගේ පවුල් ජීවිතය දෙදරා යන හෙණ ගෙඩියක් බඳු මේ රහස  කැදැල්ලේ සතුට, සැනසුම පුලුස්සා දැමුවේය. වරදක් සිදු වුවද සිය සැමියා රැක ගන්නට බිරිය ඉවසීමෙන් ක්‍රියා කළ මුත් පලක් නොවූවාය. ඇය සිය දරුවාද රැගෙන මේ අශීලාචාර සැමියා හැරදමා යන්නට අදිටන් කර ගත්තාය. දරුවා රැගෙන යැමට සිය සැමියා ඉඩ දුන්නේ නැත. ඇය සිය දරුවාදා දමා සැමියාගෙන් වෙන්ව ගියාය.

දැන් ඔහුට ඉබ්බා දියේ දැමිමාසේ සතුටුය. තම අනාගත සහකාරිය ගැන සිහින මැව්වේය. රූප සෝබාවෙන් යුත් සුරංගි ගැන දිවා රැ සිතුවේය. මේ අතර තමා පණ මෙන් ආදරය කළ පෙම්වතා විවාහ වූ අයෙක් බවත් දරුවෙක් සිටින පියකු බවත් සුරංගිට දැනගන්නට ලැබිණි. ඇය ජීවිතයේ ලද වේදනාත්මක පණිවුඩය එය වූවාය. වේදනාව වෛරය පිරී මේ අසුන්දර පුවත මොවුන් දෙදෙනා දුරස් කළහ. අවංක නොවුණු තම පෙම්වතාට තවත් ආදරය කිරීමට ඇයගේ හිත අවනත නොවූවාය. ඇගේ මවුපියෝද මේ සම්බන්ධයට විරුද්ධ වුහ.

සිය ආදර චාරිකාවේ සියලු මතකයන් අපහසුවෙන් හෝ අමතක කර දමන්නට සුරංගි නිතර වැයම් කළාය. නමුත් පෙම්වතා ඇයට ඉඩ දුන්නේ නැත. ඔහු පසුපසින් පැමිණියේය.  ඇය යන හැම තැනකම මව සමඟ ගියේ මේ නිසාය. ආදරයෙන් අන්ධ වී ගිය වංක පෙම්වතා ඇය තමා සතු කර ගැනීමට අවස්ථාවන් සොය සොයා පිඹුරුපත් සකස් කළේය. සුරංගි බලෙන්ම වෑන් රථයට නංවා ගත්තේය. දෙදෙනා

අතර බහින්බස් වීමක් ඇති විය. හිත් පිත් නැති නරුම පෙම්වතා සුරංගිගේ හිසට පහර දුන්නේය. ඇය සිහිසුන් වූවාය. ඇයට සිහිය පැමිණෙතැයි සිතූ පෙම්වතා සෙමින් සෙමින් රථය විවිධ මාර්ගවල පැදවිය. ඔහු අවසානයේ බළපිටිය මූලික රෝහලට සුරංගී රැගෙන ගියේය. ඇය යන්න ගියාය.

 ලලිතා විජේසේකර සුරංගිගේ අම්මාය. ඇය මෙසේ පැවැසුවාය.
"මගේ දුව හැමදාම සවස 7.15ට. විතර ගෙදරට එනවා. එත් ඇය එදා (12දා) ගෙදර ආවේ නැහැ. මම කෝල් ගත්තම අම්මේ කියනවා. ආයත් ටිකකින් දුරකථන ඇමතුම විසන්ධි කරනවා. රැ 11.00ට විතර ගැහැනු කෙනෙක් මගේ ජංගම දුරකථනයට කතා කරලා දුවට අපි කරන්න ඕන දේ කළා කියලා දුරකථනය තිබ්බා. ඊට පස්සේ මම දුවට ඇමතුම් ගත්තත් ඇමතුමට සම්බන්ධ වනවාත් එක්කම දුරකථනය විසන්ධි කරනවා. එළිවෙන කොට පණිවුඩයක් ආවා දුවගේ මළසිරුර බළපිටිය මුලික රෝහලේ තියෙනවා කියලා.  දුව කෙනෙක් ඒක්ක යාළුවෙලා හිටියා. එයා බැඳපු කෙනෙක් කියලා දැනගත්තාම දුව එයාට කැමැති වුනෙත් නැහැ. ඒත් එයා දුව අතහරින්න කැමති වුණේ නැහැ. ඇය පස්සෙම ඔහු ආවා. දුව එදත් වැඩ ඇරී ගෙදර එන්න ඇවිත් තියෙනවා. ඒ එන අතරමගදී තමයි වෑන් රථයකින් ආපු කට්ටියක් දුව බලෙන් එම වෑන් රථයට දාගෙන ගිහිල්ලා තියෙන්නේ
  ඔය දරුවා හරි ගුණ යහපත් දරුවෙක්. අහිංසක දරුවෙක්. කාටවත් කරදර කරන කෙනෙක් නෙවෙයි. ගාමන්ට් එකේ යාළුවොත් එක හරි හිතවත්ව වැඩ කළා. මම එදා උදේ ගාමන්ට් එක ගවට ගිහිල්ලා එයා ඇරැලුවා. ඇතුළට යනකන් බලාගෙන හිටියා. මම කවදාවත් හිතුවේ නැහැ දුට මෙහෙම වෙයි කියලා.

  කෙසේ වෙතත් සුරංගි සඳමාලි සැමට අහිමිව ඇත. ඝාතකයා වරද පිළිගෙන ඇත. ඔහුට නීතිය හමුවේ දඬුවම් ලැබෙනු ඇත. ඔහුගේ පවුල් ජීවිතය බිඳ වැටුණි. අහිංසක දරුවෙක් තනි විය. හැඟීම්වලට වඩා බුද්ධියට ඉඩ දීමට සැවොම වගබලා ගන්නේ නම් සමාජයේ මෙවන් විපත් සිදු නොවනු ඇත.


සයිටම් වීරෝධි පාගමන විසුරුවා හැරීමට පාර්ලිමේන්තු වටරවුමේදී  පොලීසිය විසින්  කඳුළු ගෑස් සහ ජල ප්‍රහාර එල්ල කරනු ලැබීය.

මේ වන විට

පාර්ලි්මේන්තුව අවට මාර්ගය දැඩි රථවාහන තදබදයක් පවතින අතර කඳුළු ගෑස් හා ජල ප්‍රහාර හේතුවෙන්  මාර්ගයේ  ගමන් කළ ජනතාවද දැඩි අපහසුතාවට ලක් විය.

පාර්ලිමේන්තුව අවට මේ වන විට පොලීසිය හා කැරළි මර්දන ඒකකය කැඳවා ආරක්ෂාව තර කර ඇත.

විරෝධතාකරුවෝ  පාර්ලිමේන්තු වටරවුම සිට රාජගිරිය දෙසට වාහන ගමන් ගන්නා මං තීරු වසා දමමින් මාර්ගයේ  වාඩි වී සිටි නිසා ඔවුන් විසුරුවා හැරීමට  කඳුළු ගෑස් ප්‍රහාරය සහ අධි පීඩන ජල ප්‍රහාර එල්ල කිරීමට පොලීසියට සිදු වී තිබේ.

නොසැළකිලිමත් රිය ධාවනයෙන් අනතුරක් සිදු කිරිමට අදාළව අධිකරණය මගින්  මාස තුනකට අධික
කාලයක් රියදුරු බලපත්‍රය

අත්හිටුවා සිටින රමිත් රඹුක්වැල්ල මහතාට තාවකාලික රියදුරු බලපත්‍රයක් ලබාදෙන ලෙසට කොළඹ අතිරේක මහේස්ත්‍රාත් චන්දන කලන්සුරිය මහතා නාරහේන්පිට පොලිසියට නියෝගයක් නිකුත් කළේය.

2018.03.18 වැනිදා රාජ්‍ය සේවා කොමිසන් සභාව අසලදී මෝටර් රථයක් ධාවනය කර රිය අනතුරක් සිදු කළැයි රමිත් රඹුක්වැල්ල මහතාට චෝදනා 4 ක් යටතේ නාරහේන්පිට පොලිසිය අධිකරණය හමුවේ නඩු පවරා ඇත.


වසර හයකට පමණ ඉහතදී මොරටුවේ නිවෙසකින් අතුරුදන් වූ පුද්ගලයකු බණ්ඩාරගම නිවෙසක  අඳක් යට සැඟව සිටියදී ඔහුගේ පුතු සහ දියණියට හසු වී පහර දී ඇතැයි බණ්ඩාරගම පොලිසිය කියයි. තුවාල ලද 56
හැවිරිදි එම  පුද්ගලයා රෝහල් ගත කර ඇති  අතර පහරදීම සම්බන්ධයෙන් සැකපිට එම පුද්ගලයාගේ පුතා, දියණිය, ලේලිය හා බෑනා පොලිසිය මඟින් අත්අඩංගුවට ගෙන ඇත.

පහර කා තුවාල ලද එම පුද්ගලයා වසර හයකට පෙරදී අතුරුදන් වීම සම්බන්ධයෙන් එම දිනවල ඔහුගේ බිරිය මොරටුව පොලිසියට පැමිණිලි කර තිබූ අතර සිය ස්වාමිපුරුෂයා සොයා දෙන ලෙස ඉල්ලමින් තම පුතු  සහ දියණිය සමඟ විවිධ දේවාලවලට  ගොස් කන්නලව් කරමින් සත්තර අසා ඇති අතර එහිදී පැවැසී ඇත්තේ ඔහු ජීවතුන් අතර සිටිනා බවය. පියා අතුරුදන් වීමෙන්

ඇති වූ  ඔහුගේ දුක බෙදා ගැනීමට අතුරුදන් වූ පුද්ගලයාගේ පුත්‍රයාගේ නැන්දම්මා පුතා විවාහ වී සිටින තැනැත්තියගේ මවද එක් වී ඇතැයි පොලිසිය කියයි.

ඇය පානදුර ප්‍රදේශයේ ආයතනයක නේවාසිකව රැකියාව කරන්නියක් වූ බව ද පැවැසේ. අතුරුදන් වූ තම පියා බණ්ඩාරගම ප්‍රදේශයේ නිවෙසක සිටින බවට සැකකාර පුතුට ලද තොරතුරක් අනුව භාර්යාව, දුව, පුතු මෙම දුවගේ ස්වාමිපුරුෂයා ඔවුන්ගේ දරුවන් ද සමඟ එම නිවෙස සොයා පැමිණ ඇති බව පොලිස් නිලධාරියෙක් පැවැසීය. එහිදී දරුවන් දෙදෙනා මෙන්ම මුනුපුරු මිණිපිරියන් දුටු එම පුද්ගලයා වහා නිවෙස තුළට කඩා වැදී ඔවුන්ගෙන් වසන් වීම සදහා ඇඳ යටට රිංගා ඇති අතර එයින් කුපිත වූ දියණිය සහ පුතු සිය පියා ඇඳ යටින් පිටතට ගෙන මේ පහරදීම කර ඇති බව පොලිසිය සිදුකළ විමර්ශනවලදී අනාවරණය වී ඇත.

තම පියා වසර හයක කාලයක් ජීවත්ව ඇත්තේ තම නැන්දම්මා සමඟ බව එම නිවෙසේ සිටි ඇයව දැකීමෙන් තේරුම් ගත් පුත්‍රයා ඇයව ද බණ්ඩාරගම පොලීසිය වෙත කැඳවීමට ක්‍රියා කරන්නැයි ඉල්ලීමක් කළ බව පොලිසිය කියයි.  ඇය පානදුර ප්‍රදේශයේ රැකියා ස්ථානයේ නතර වී සිටින බව හඟවමින් මේ පුද්ගලයා සමඟ කල් ගෙවා ඇති අතර සතියකට වතාවක් කිසිදු සැකයක් ඇති නොවන පරිදි මොරටුව නිවෙස වෙත යෑමට පුරුද්දක් කරගෙන තිබු බව සිදුකළ විමර්ශනවලදී අනාවරණය වූ බව පොලිසිය කියයි.

අත්අඩංගුවට ගත් පිරිස අධිකරණයට ඉදිරිපත් කිරීමට නියමිතය.  බණ්ඩාරගම පොලිස් ස්ථානාධිපති ප්‍රධාන පොලිස් පරීක්‍ෂක කේ. ඩබ්ලිව්.එල්. වික්‍රමරත්න මහතාගේ උපදෙස් මත සුළු පැමිණිලි අංශයේ ස්ථානාධිපති උප පොලිස් පරීක්‍ෂක කෞශල්‍ය නාකන්දල මහතා පරීක්‍ෂණ පවත්වයි.



Gossip Lanka Previous News

තවත් පුවත්

Advertisement