පළමු දින මංගල උත්සවයෙන් පසුව කාගෙත් නොඉවසිලිමත් බලාපොරොත්තුවක් බවට පත්ව තිබුණේ මොවුන්ගේ දෙවැනි දවසේ පෙනුම සහ සැරසිලි මොන වගේ වෙයිද කියන එකයි. ඒ සියලු බලාපොරොත්තු අතික්‍රමණය කරමින්, දෙදෙනාම සුදු පැහැයෙන් අතිශය අලංකාරව සහ රාජකීය විලාසිතාවකින් සැරසී සිටි අයුරු කාගෙත් නෙත් සිත් පැහැරගත්තා.
චතුරංග අතිශය ආකර්ෂණීය සහ තේජවන්ත සුදු පැහැති ඇඳුම් කට්ටලයකින් සැරසී සිටි අතර, දුෂේනි සුදු පැහැති අලංකාර මංගල ඇඳුමෙන් සැරසී සිටියේ සැබෑ සුරංගනාවියක් සිහිපත් කරවමින්. සාද පරිශ්‍රය පුරාම සුදු මල් සහ ආලෝක ධාරා එකතු කරමින් නිර්මාණය කර තිබූ පසුබිම, ඔවුන්ගේ සුන්දරත්වයට තවත් අපූරු රාජකීය පෙනුමක් එක් කළා.
දෙදෙනා අතර තිබූ අව්‍යාජ ආදරය, එකිනෙකා දෙස බලා හුවමාරු කරගත් ආදරණීය බැල්මන් සහ සිනහව මේ සුන්දර අවස්ථාවේ කැමරා කාචයේ අපූරුවට සටහන් වී තිබුණා.
මෙම දෙවැනි දින මංගල උළෙල සඳහා ක්ෂේත්‍රයේ ප්‍රවීණ මෙන්ම ජනප්‍රිය කලාකරුවන්, හිතවතුන් සහ පවුලේ ඥාතීන් රැසක් එක්ව සිටි අතර, ඔවුන් සියලු දෙනාම මේ ආදරණීය නව යුවළට සිය හදපිරි ආශීර්වාදය එක්කළා.
රංගනයෙන් පමණක් නොව සැබෑ ජීවිතයේ ගමනෙනුත් ආදර්ශමත් යුගලයක් වූ චතුරංග කොඩිතුවක්කු සහ දුෂේනි සිල්වාගේ මේ අලුත් ආරම්භය ආදරයෙන්, සාමයෙන් සහ සතුටින් සදාකල් පිරිපුන් වේවායි කියා අපිත් හදවතින්ම සුබ පතනවා!
