ලංකාවේ කලා ක්ෂේත්රය ඇතුළේ ඉන්න දක්ෂතම වගේම කඩවසම්ම තරුණ රංගන ශිල්පියෙක් විදියට නිමේෂ් එදිරිසිංහව හඳුන්වන්න පුළුවන්.Arts & Entertainment
විශේෂයෙන්ම මේ දවස්වල හිරු ටීවී නාලිකාවේ විකාශය වෙන, කවුරුත් ආදරේ කරන "ඇත්තටම මං ඔයාට ආදරෙයි" ටෙලිනාට්යයේ ප්රධාන චරිතයක් හරහා ඔහු ප්රේක්ෂකයින්ට නිතරම සමීප වෙනවා. ඔහුගේ රංගනයට වගේම කඩවසම් පෙනුමටත් අද වෙද්දි ලොකු ප්රේක්ෂක ආදරයක් හිමිවෙලා තියෙනවා.
පසුගිය දවසක නිමේෂ්ගේ උපන්දිනය යෙදිලා තිබුණා. ගොඩක් ජනප්රිය තරු තමන්ගේ උපන්දිනයට ලොකු පාටි දාලා යාළුවොත් එක්ක විනෝද වෙන එකනේ සාමාන්ය සිරිත. ඒත් නිමේෂ් මේ පාර තමන්ගේ උපන්දිනය වෙනුවෙන් කාටත් ආදර්ශමත් වෙනස්ම විදියේ වැඩක් කරලා තිබුණා. ඔහු මේ පාර තීරණය කරලා තිබුණේ ලොකු මුදලක් වියදම් කරලා පාටි දානවා වෙනුවට දානමය පින්කමක් සිදු කරන්නයි.
මේ උතුම් සත්කාරය ගැන සටහනක් සහ ඒ අවස්ථාවේ ගත්තු ඡායාරූප කිහිපයක් ඔහු තමන්ගේ නිල ෆේස්බුක් ගිණුමට එකතු කරලා තිබුණේ මෙන්න මේ විදියටයි.
"හැම පාරම party දාන නිසා මේ පාර වෙනසකටත් එක්ක party එකක් ගන්නෙ නැතුව දානයක් දුන්නා."
සාමාන්යයෙන් තරුණ වයසේදී හැමෝම කැමති යාළුවෝ පිරිවරාගෙන විනෝද වෙන්න වුණත්, නිමේෂ් කරපු මේ නිහඬ සත්කාරය ගොඩක් දෙනෙක්ගේ හදවත් දිනාගන්න සමත් වෙලා තියෙනවා.
නිමේෂ්ගේ මේ අපූරු වැඩේට මේ වෙද්දි සමාජ මාධ්ය පුරාම ලොකු ප්රතිචාරයක් ලැබෙමින් පවතිනවා. තරුණ රංගන ශිල්පියෙක් විදියට ඔහු කරපු මේ වටිනා ක්රියාව ගොඩක් දෙනෙක්ගේ ඇගයීමට ලක්වෙලා තියෙනවා වගේම, ඔහුට ආදරය කරන රසික රසිකාවියන් මේ ෆොටෝස්වලට කමෙන්ට්ස් දාලා ඔහුට ආදරයෙන් සුබ පතන්නත් අමතක කරලා තිබුණේ නැහැ.
ආදර්ශමත් විදියට උපන්දිනය සමරපු අපේ කාලයේ කඩවසම් රංගන ශිල්පී නිමේෂ්ට අපිත් හදවතින්ම සුබ පතනවා!
