PPE හිඟයට විරෝධය පා ජර්මානු වෛද්‍යවරු නිරුවත් වෙති

Thursday, April 30, 2020 0 Comments

ජර්මානු වෛද්‍යවරුන් පසුගිය දිනෙක PPE හිඟයට විරෝධය දක්වමින් නිරුවතින් පෙනී සිටීම පිළිබඳව පුවතක් වාර්තා වී තිබේ. එම වෛද්‍ය සමූහය පවසන්නේ නිරුවත තුළින් ආරක්ෂාව නොමැතිව ඔවුන් කෙතරම් අවදානමට ලක්ව ඇත්ද යන්න සංකේතවත් කරන බවයි. මේ අවස්ථාව වන විට ජර්මානු වෛද්‍යවරුන් සතුව අවශ්‍ය තරම් ආරක්ෂිත ඇඳුම් හා උපකරණ නොමැති බවත් මේ සම්බන්ධයෙන් දැඩි හිඟයක් පවතින බවත් නිරුවත තුළින් නිරූපණය කිරීමට ඔවුන් උත්සාහ දරා තිබේ.

මෙම වෛද්‍යවරුන් දිගින් දිගටම පවසා ඇත්තේ නව රෝගීන්ට තමන් ප්‍රතිකාර කිරීමේදී වෛද්‍යවරුන්ට ද මෙම වෛරසය වැළඳීමේ වැඩි අවදානමක් පවතින බවයි. තමන්ට අවශ්‍ය ආරක්ෂිත ඇඳුම් කට්ටල මෙන්ම වෛද්‍ය උපකරණ නිසි ආකාරව නොලැබෙන්නේ නම් තම වෛද්‍ය කාර්ය මණ්ඩලය දැඩි අවදානමකට ලක් විය හැකි බව ඔවුන් පෙන්වා දෙන්නේ වෛද්‍ය මණ්ඩලයේ ජීවිත අනතුරේ දමන මෙම ප්‍රශ්නය කෙරෙහි බලධාරීන්ගේ අවධානය යොමු කරන ලෙසද ඉල්ලමිනි.

  Read More>>