Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Advertisement


විජේදාස රාජපක්ෂට එරෙහිව
එජාප තීන්දුව


අධිකරණ ඇමති විජේදාස රාජපක්ෂට එරෙහිව එජාපයේ මන්ත්‍රී කණ්ඩායමක් ගෙන එන්නට සූදානම් වන විශ්වාස භංගය පිලිබඳ කාරණාව ලබන බ්‍රහස්පතින්දා රැස්වෙන එජාප ක්‍රියාකාරී රැස්වීමේදී සාකච්ඡාවට ලක්වීමට නියමිතය. එයින් පසු ඔහුට එරෙහිව පාර්ලිමේන්තුවේ විශ්වාසභංගයක් ගෙන එන්නේද ඔහු පක්ෂයේ වගකිව යුතු නිලතල වලින් ඉවත්කරන්නේද යන තීන්දුව ලබාගන්නට නියමිතය.
අධිකරණ ඇමතිවරයා සම්බන්ධ මෑත කාලීනව පැනනැගි ගැටලු දෙක වූයේ
ඔහු හම්බන්තොට
වරාය බදුදීම සම්බන්ධයෙන් එජාපයේ හෝ කැබිනට් මන්ඩලයේ මතයට විරුද්ධව ඒකාබද්ධ විපක්ෂයේ මතය දැරීමත්, රවි කරුණායක වැනි ආණ්ඩුවේ ඇමතිවරයෙකු සම්බන්ධ නීතිපති දෙපාර්තමේන්තු කාර්යයන් ඉක්මන් කරවීම පසුපස ඔහු සිටි බවටත් චෝදනා එල්ල වීමයි.

එයට අමතරව පසුගිය රජයේ දූෂණ සම්බන්ධ වරදකරුවන් නීති ප්‍රකාරව දඩුවම් දීම පමාකිරීම පසුපස අධිකරණ ඇමතිවරයා හැටියට ඔහුගේ බලපෑම් තිබෙන බවටද ප්‍රචාරයන් ගෙනගොස් තිබේ.
කෙසේ වෙතත් පසුගිය දිනවල සතිඅන්ත පුවත්පත් හා රූපවාහිනී වැඩසටහන්වලට එක්වෙමින් ඔහු මේ චෝදනා ප්‍රතික්ෂේප කර තිබේ.

ලංකාවේ අධිකරණ කටයුතු වල ස්වාධීනත්වයට ඔහු ඇඟිලි නොගසන බව එහිදී කියා තිබෙන අතර හම්බන්තොට වරාය සම්බන්ධ සිය මතය පුද්ගලික එකක් බවත් මින් ඉහත රජයන්හි සිටියදී පවා තමා ලංගම බේරාගැනීම රක්ෂණ සංස්ථාව බේරාගැනීම ඇතුළු කටයුතු වලදී තනිව සටන් වැදුනු ආකාරයට හම්බන්තොට වරාය වෙනුවෙන් සටන් වදින බවද දන්වා තිබේ.

ඔහුගේ තර්කය වන්නේ චීනය හම්බන්තොට වරාය බාරගත් පසු ඇතිවිය හැකි ජාත්‍යන්තර නාවුක ගමනාගමන සාර්ථකත්වය නිසා කොළඹ වරායට නැව් එන එක අනාගතයේ නැවතී
ලංකාව අසරණ විය හැකි බවයි. ඒ නිසා හම්බන්තොට බොරාගැනීමට සටන් වදින බවට ඔහු ප්‍රකාශයක් කරන ලද්දේ පසුගියදා කැබිනට් මණ්ඩලය එක්වී ලබාගත් තීන්දුවට විරුද්ධව යමිනි.

මහින්ද රජයේ කෝප් වාර්තා කමිටුවෙ ප්‍රධානියාව සිටි විජේදාස රාජපක්ෂ එහිදී ඇතිවූ බලපෑම් නොරිස්සීම නිසා ඉල්ලා අස්වී එජාපයට එකතුවූවෙකි. ඔහුත් ෆීල්ඩ් මාෂල් සරත් ෆොන්සේකාත් අතර පසුගිය කාලයේ ඇතිවූ විරසකය මත විවිධ වාද පැනනැගුණ අතර එම අවස්ථාවේ ඇවන්ඩ්ගාඩ් අධිපති සමග විජේදාස රාජපක්ෂ රටසවාරි ගිය බවට ඡායාරූප කිහිපයක් ප්‍රසිද්ධ කර තිබුණි.
මීට මාස කිහිපයකට පෙර ගලගොඩඅත්තේ ඥාණසාර හිමියන් සඟවාගෙන සිටි බවටද අධිකරණ ඇමතිවරයාට චෝදනා ආ නමුත් පසුව ඔහු ඒවා ප්‍රතික්ෂේප කළේය.









Gossip Lanka Previous News

තවත් පුවත්

Yathura Magazine

Advertisement

Gossip Lanka Videos

Like us on Facebook