Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Advertisement

අගමැති රනිල් වික්‍රමසිංහ මහතාගේ පාර්ලිමේන්තු දිවියට වසර 40 ක්‌ පිරීම සහ රටට විවෘත ආර්ථිකය හඳුන්වාදී වසර 40 ක්‌ සැපිරීම නිමිත්තෙන් ලබන 27 දා සිට සති දෙකක්‌ උත්සව මාලාවක්‌ පැවැත්වීමට එක්‌සත් ජාතික පක්‍ෂය කටයුතු යොදා ඇත.

මෙම උත්සව මාලාව පැවැත්වෙනුයේ මහරගම තරුණ සේවා සභා පරිශ්‍රයේදී වන අතර එහිදී විශේෂ ප්‍රදර්ශනයක්‌ ද පැවැත්වීමට නියමිතය.

1977 ට පෙර මෙරට පැවැති තත්ත්වය සහ ඉන්පසුව රට ලැබූ දියුණුව පිළිබඳව නව තාක්‍ෂණය උපයෝගී කර ගනිමින් එම ප්‍රදර්ශනය දින තුනක්‌ පැවැත්වෙනු ඇත.
එය පාසල් දරුවන් ඇතුළු සියලු දෙනාටම නැරඹීමට අවස්‌ථාව උදාකර දී තිබේ.

අගමැතිවරයාගේ පාර්ලිමේන්තු දිවියට වසර 40 ක්‌ පිරීම නිමිත්තෙන් පවත්වනු ලබන ප්‍රධාන සැණකෙළිය ගාලු මුවදොර පිටියේදී ලබන අගෝස්‌තු මස 05 වැනි දින සවස පැවැත්වේ. විදේශ කටයුතු ඇමැති රවී කරුණානායක මහතා විසින් මෙය සංවිධානය කරනු ලබයි.

ඊට සමගාමීව ආගමික කටයුතු මහනුවර දළදා මාළිගා පරිශ්‍රය කේන්ද්‍ර කර ගනිමින් පැවැත්වේ. එය ඇමැති ලක්‍ෂ්මන් කිරිඇල්ල මහතා විසින් සංවිධානය කරනු ඇත.

ඊට අමතරව තරුණ සේවා සභා පරිශ්‍රයේදී නිවාස හා ඉදිකිරීම්, අධ්‍යාපන, තරුණ, මහපොළ, සංස්‌කෘතික, වෙළෙඳ නාවික, ප්‍රවාහන, යන විෂයන්හි දියුණුව සම්බන්ධව ද ප්‍රදර්ශනයක්‌ පවත්වන අතර එය සජිත් ප්‍රේමදාස, අකිල විරාඡ් කාරියවසම්, රවී කරුණානායක යන ඇමැතිවරුන් විසින් සංවිධානය කිරීමට නියමිතය.

(අකිත පෙරේරා)









Gossip Lanka Previous News

තවත් පුවත්

Yathura Magazine

Advertisement

Gossip Lanka Videos

Like us on Facebook